كفتة المكرونة من مطبخي

حبيت انزل لكم اختراع من اختراعاتي

وهو كفتة المكرونة

محدش يتخض من الاسم

ايوة ....اكتشفت ان كتير مننا لما بيعمل مكرونة

بيتبقى منها لتاني يوم وللاسف بنرميه

فطلعت في دماغي ليه ما نعملش منها صنف جديد

وبالمرة ما نرميش نعمة ربنا ,وبالفعل عملتها وكانت جميلة جدااااااااا

واولادي حبوها جدا وبقوا يطلبوه



يلا نشوف مع بعض

ملاحظة : الصور دي بتاعتي ومن مطبخي بس انا مشاركة بيها باسم

حركي في منتدى اخر والحقيقة معنديش نسخة تانية

غير في المنتدى ده





المقادير:






الخطوات:
نجيب المكرونة ونقطع عليها كسبرة خضراء +فلفل اخضر حار او رومى حسب الرغبة +2فص ثوم اوحسب الرغبة
ونخلط كل المقادير ببعض ونحطها فى الكبة او المفرمة الخاصة لتقطيع اللحمة

ودى شكلها بعد الفرم


ونبدأ نحط عليها التوابل اللى عايزاها انا حطيت فيها كمون +شوية ملح +فلفل اسود +قليل من صويا صوص

ونلاحظ ان ايدينا تبقى مبلولة مية عشان المكرونة ما تلزقش



يتبع.......

نحضر البيض والبقسماط ونبدأ نشكل من العجينة صوابع او كما ترغبين
ثم نضع الصوابع فى البيض ثم البقسماط
ونبدأ فى عملية القلى فى زيت غزير وسخن ونطلع الكفتة من الزيت لما نلاقى لونها ذهبى





وده الشكل النهائى لها ومش ها قوللكم على ريحتها ولا طعمها




ويارب تكون نالت اعجابكم
وبكدة نكون استعملنا المكرونة البايتة وعملنا صنف جديد والاولاد ان شاء ها يحبوه

والله يا أستاذه شكلك كده هتمسكي وزارة التموين

وساعتها هنلاقي البلد كلها زي البلالي والناس كلها عندها تخمة

أختنا وأستاذتنا رانيا

دمت معطاء بخيراتك العلمية لكل من حولك

همممممممممممم نممممممممممممممممممممم

يسلام عليك ياقمر مدهشه بجد
انا فراحنة بيك أوي

أم البنات كتب:

همممممممممممم نممممممممممممممممممممم

يسلام عليك ياقمر مدهشه بجد
انا فراحنة بيك أوي

والله مش اكتر مني
انا فرحانة بيك اكتر يا حبي
وربنا ما يحرمنيش منك

واللعه العظيم انا جعان دلوقت
يعني المسألة مش ناقصة يا استاذه - انا علي آخري
لكن بصراحة كده من غير مجاملة انا أعرف كتير فنانين في حاجات كتير لكن حضرتك فنانة مطبخ
وطبعا أكيد فنانة بحاجات كتير بس انا أصلي دلوقت مش شايف غير المطبخ لأني جعااااااااااااااااااااااااااااان

عريس لقطه كتب:

واللعه العظيم انا جعان دلوقت
يعني المسألة مش ناقصة يا استاذه - انا علي آخري
لكن بصراحة كده من غير مجاملة انا أعرف كتير فنانين في حاجات كتير لكن حضرتك فنانة مطبخ
وطبعا أكيد فنانة بحاجات كتير بس انا أصلي دلوقت مش شايف غير المطبخ لأني جعااااااااااااااااااااااااااااان

طب ايه رأيك بقى انك صعبت عليا
معلش يا عريس خد طبقة الكفتة كله
وبالهنا والشفا بس بعيد عن القرد لو سمحت

حد يناوله لقمة ياجماعة
اوعى تزعل نفسك الزعل وحش عشان القرد