منديل الحكومة

موضوع: منديل الحكومة 20/11/2011, 23:53

بسم الله الرحمن الرحيم

منديل الحكومة

قصة ساخرة تأليف

أكرم عبد القوي الأعلامي

لأول مرة علي النت

نشرت هذه القصة علي ثلاث حلقات بجريدة

( ضمير الأمة )

الأعداد 299 - 300 - 301

منديل الحكومة

حصريا لمنتديات الأعلامي

موضوع: رد: منديل الحكومة 21/11/2011, 01:10

ممدوح وزوجته مديحة نائمين في جوف الليل والظلام دامس والسكون يلفهما ... وفجأة يظهر صوت ميكرفون جهوري يشق سكون الليل الجميل ويفزعهما قائلا ... أخي المواطن . أختي المواطنة . أبناء الحي الكرام

يقوم ممدوح وزوجته من نومهما مذعورين

ممدوح . بسم الله الرحمن الرحيم

مديحة تقفز في أحضان زوجها لا إراديا كالقطة وتختبئ فيه طلبا للأمان قائلة بفزع .. اللحق يا ممدوح الحرب قامت خلاص . قوم صحي العيال بسرعة عشان ننزل المخبئ

ممدوح بدهشة . مخبئ إيه وبتاع إيه . هو فين المخبئ ده يا مديحة . أهدي شوية عشان نشوف المصيبة دي .

مديحة . لا أنا ماليش دعوة . أنا عايزة أطمن علي ماما أحسن يضربوها بالطيران

ممدوح بتأفف . يادي أفلامك الكارتون . طب اسكتي شوية أكيد أكيد فيه مصيبة . ولا تقريبا البلد حصل فيها انقلاب

الميكرفون . انتخبو سوكا . رجل المبادي . رجل الرحمة . رجل المواقف

ممدوح بزفرة طويلة وقد ارتخت أعصابه . رحمة ! هي فين الرحمة دي . ومبادئ إيه اللي وش الفجر . يمين تلاته لو مفيش غيره برضه مش هنتخبه

مديحة . تبتلع ريقها وتخرج من أحضان زوجها وتتسائل . بقي فيه حد يعمل دعاية لنفسه وش الفجر . ناس معندهاش ذوق

ممدوح . طبعا وش الفجر . أصل البيه يبقي صاحب الكباريه اللي علي ناصية الشارع

مديحة . آه صحيح . نسيت أقولك إن فيه واحد تبعه عدا علي كل شقه ووزع علينا زيت عشان ننتخبه

مدوح . رشوة انتخابية يعني

مديحة . بس إيه . زيت مستورد عمري ما شفته قبل كده . استني لما أجيبهولك

ممدوح . ياستي الصباح رباح

مديحة . استني بس دقيقة واحدة . دا باين عليه بالشيء الفلاني .

وتذهب مديحة وتعود وفي يدها زجاجة فخمة صفراء

ممدوح يأخذها ويقلبها في يده ويقول لها مندهشا . مين إداك الإزازة دي

مديحة . أكيد الحمار اللي صحانا من النوم دلوقت . لأنه نفس صوته

ممدوح . مش هو اللي حمار

مديحة ببراءة . مش فاهمة

ممدوح وهو يهز الزجاجة في يده يقول . ده مش زيت يا هانم . ده ويسكي

مديحة بذهول . يا فضحتي . خمرة في بيتي

ممدوح . عشان ما تخديش أي حاجة حد يدهالك

مديحة بلهجة ممزوجة بالسخرية . وأنت إيه اللي عرفك بالويسكي يا ممدوح

يتبع إن شاء الله

في الحلقة القادمة سنري كيف سيكون رد ممدوح علي سؤال زوجته المفاجئ . وكيف سيكون حال ممدوح مع الإنتخابات

موضوع: رد: منديل الحكومة 23/11/2011, 16:24

موضوع: رد: منديل الحكومة 24/11/2011, 15:46

بورك القلم منك وفكرك النير

واصل فستجدني إن شاء الله من المتتبعين

تقبل مني فائق التقدير والاحترام

موضوع: رد: منديل الحكومة 25/11/2011, 12:55

محمود بك الصوفي
شكرا لحضورك القيم

موضوع: رد: منديل الحكومة 25/11/2011, 12:56

وردة العرب البيضاء

بوركت أختنا وأستاذتنا

وإنه لشرف كبير أن أجد سيادتكم بين الحضور

موضوع: رد: منديل الحكومة 25/11/2011, 18:29

تذهب مديحة وتعود وفي يدها زجاجة فخمة صفراء

ممدوح يأخذها ويقلبها في يده ويقول لها مندهشا . مين إداك الإزازة دي

مديحة . أكيد الحمار اللي صحانا من النوم دلوقت . لأنه نفس صوته

ممدوح . مش هو اللي حمار

مديحة ببراءة . مش فاهمة

ممدوح وهو يهز الزجاجة في يده يقول . ده مش زيت يا هانم . ده ويسكي

مديحة بذهول . يا فضحتي . خمرة في بيتي

ممدوح . عشان ما تخديش أي حاجة حد يدهالك

مديحة بلهجة ممزوجة بالسخرية . وأنت إيه اللي عرفك بالويسكي يا ممدوح

مدوح . من الأفلام العربي يالستي. ثم يكمل . هو فيه فيلم عربي ما فيهوش خمرة وويسكي وكونياك

وبيرة وبوظة وبرندي ....

مديحة تقاطعه وبلهجة كلها مكر شديد تقول له .. الله الله الله . إيه دا كله . أنت كنت شغال إيه قبل ما تتجوزني

ممدوح يتجاهل سؤالها الخبيث ويكمل . دول بيجيبوا المنكر الأول وبعدين يعملوا عليه فيلم عربي ثم يرد عليها بمكر متسئلا . ولا أنت شليفة إيه

مديحة بسخرية . والنبي . ! طيب نام يا خويا نام

ممدوح . أنام إيه بقي الله يجازيك الصبح طلع . قومي جهزي الساندوتشات عيتال وأنا هاقوم أحلق . ويقوم من فراشه متجها للحمام

مديحة تتبعه متجاذبة أطراف الحديث . يا تري ها ندي صوتنا لمين يا أبو ضياء

ممدوح وقد وضع كريم الحلاقة علي ذقنه . شوفي . الصوت ده أمانة ها نسأل عنها يوم القيامة . يبقي لازم نديه للي يسنحقه . مش لبتاع الويسكي

مديحة وهي تناوله المنشفة ويضعها ممدوح علي كتفه . وانت تعرف حد معين يا ممدوح

ممدوح وقد شرع في الحلاقة . أبدا . وعشان كده أنا قلت لنفسي لما شفتهم بيعلقوا اليفط علي علي بيتنا امبارح لازم أنزل بنفسي أشوف برنامج كل واحد

مديحة بعتاب رقيقي . وانت فاضي تقعد معانا في البيت لما تفضي للحاجات دي

ممدوح . وانت كمان يا مديحة لازم تنزلي وتشوفي برامج المرشحين لأن اليومين دول كلهم بيتكلموا علي كل حاجة إيشي فلول وإيش إخوان وإيشي سلفيين وإيشي لبراليين . فيه أوكازيون سياسي كبير

مديحة باعتراض . هو أنا فاضية من عيالك

ممدوح بهدوء . اسمعي الكلام . ما هو برضه عشان العيال .

مديحة . من ناحية إيه بقي

ممدوح . الأم المثقفة أحسن من الأم الجاهلة

مديحة بعصبية . أنا جاهلة . دا انا شاهدتي أعلي من شاهدتك

هنا الكلمة أوجعت ممدوح فماذا سيكون ردة فعله علي مديحة .... هذا ما سنراه في الحلقة القادمة إن شاء الله

تبع

موضوع: رد: منديل الحكومة 25/11/2011, 19:14

مدوح . الأم المثقفة أحسن من الأم الجاهلة

مديحة بعصبية . أنا جاهلة . دا انا شاهدتي أعلي من شاهدتك

ممدوح وقد أوجعته المعايرة .ولو معاكي عشرة دكتوراه . برضه ما تعرفيش طظ من سبحان الله

مديحة وقد استدركت حجم خطئها في حق زوجها ... أنا ما اقصدش حاجة . بس كل ما تكلمني تقول لي جاهلة . جاهلة

ممدوح في محاولة خفية لإحتواء الموقف . يا مديحة ميت مرة قلت لك لازم تقري الجرايد اللي بجيبها ولازم تقعدي علي النت . كل علاقتك بالجرايد إنك بتفرشيها تحت الأكل . وكل علاقتك بالنت منتديات الطبيخ والأكل . وكل ما عيل يسألك عن حاجة تقولي له بلا سياسة بلا وجع بطن

مديحة متململة . ياخويا أديك بتفهم في الساسة ولا أجدعها وزير . تقدر تقولي إيه اللي نابك من وراها غير حرقة الدم وطول النهار قاعد تشتم في ده وفي ده وفي دول

ممدوح . ماهو عشان نخلص من حرقة الدم والبلد حالها ينصلح لازم نتثقف عشان نعرف مصلحتنا فين

مديحة . طيب ما أنا بتثقف وقاعدة طول النهار قدام التلفزيون

ممدوح بنفاذ صبر . قاعدة تتفرجي علي أفلام الكارتون مع العيال يا مديحة . افهميني أرجوك .

مديحة . وأنا إيه اللي يخليني أتشحطت وأبهدل نفسي . ما عن ماحد نجح

ممدوح وقد فرغ من حلاقة ذفنه ويقوم بتجفيف وجهة بالمنشفة . غلطانة . عشان نفسك وعشان عيالك وعشان بلدك لازم تنتخبي . ثم يناولها المنشفة ويتجه إلي المطبخ ليساعدها في تحضير الإفطار

مديحة وهي تتبعه إلي المطبخ . ياخويا ياما انتخبت . تقدر تقولي عملوا إيه

ممدوح . عشان كنا بنسيئ الإختيار دا غير طبعا التزوير . يعني لما كنا بنحسن الإختيار كانوا بيزوروا .

مديحة وهي تفتح باب الثلاجة . أنت عايز توصل لإيه

ممدوح . البلد يا مديحة حالها اتغير وبقي مدش يجرؤ علي التزوير . واللي بيزوروا بقوا في طره دلوقت وعبرة

مديحة . والمطلوب مني إيه

ممدوح . ولا حاجة بس اليومين دول فرصة نوسع مداركنا ونعرف إيه اللي بيحصل في البلد . . يعني كل المرشحين نازلين تقطيع في بعض . ودي فرصتنا نعرف إيه اللي كان بيدور من ورانا في البلد

مديحة . يعني عايزني أسيب بيتي والهم المتلتل ده وأدور ألف ورا تجار كلام كل بضاعتهم الكذب وبس

ممدوح . دول يومين بس مش أكتر . نفسنا نجيب مرشحين ما يضحكوش علينا . ويقدروا يجيبوا حقنا وحق العيال دي . ويحسسنا إن فيه علا ثورة . بدال البهدلة اللي احنا فيها دي

مديحة . علي رأيك بقالنا تلاتين سنة بنهاتي إحنا وأهلنا عشان يبنوا مدرسة قريبة وكل انتخابات يضحكوا علينا ويلعبوا بمشاعرنا . ومفيش فايدة فيهم أبدا

ممدوح . لكن شوفي بقي كل واحد بني فيهم لنفسه وأولاده كام عمارة وكام برج وكام فيلا بدال المدرسة اللي وعدونا بيها . لازم نحسن الاختيار المرة دي . يا إما بقي نستاهل اللي يجري لنا

مديحة وقد فرغت من تحضير الإفطار وتهم بنقله للسفرة ..ز إزاي

ممدوح . لازم ننزل بنفسنا ونتفرج علي برنامج كل واحد فيهم ونقيمه جميعا . يعني نختار اللي برنامجه كويس وسيرته الذاتية نضيفة .

مديحة . ولو اني مستخسرة أي دقيقة تضيع عليهم بس علي رأيك . نجيب ناس تجيب حق الغلابة دول . ثم تبتبتسم بسخرية قائلة . فاكر لما انتخبنا المرة اللي فاتت واحد عشان قال انه ها يقضي غلي بطالة الشباب في الدايرة وها يبني مصنع يشغل فيه الشباب

ممدوح . أيوه فاكرة الله لا يرجعه . مش قصدك اللي بني مصنع أفيون والعمال ماكنوش فاهمين اللي بيعملوه

يتبع

في المرة القادمة سنعرف كيف سيكون قرار ممدوح بتقسيم الجولة ما بينه وما بين زوجته . وما رأوه من عجائب في جولتهما إن شاء الله

.

موضوع: رد: منديل الحكومة 27/11/2011, 16:47

رائع
لكن الأحداث مازالت هادئة ( سخنها يا كابتن ) Laughing

موضوع: رد: منديل الحكومة 28/11/2011, 11:08

ثواني أحضر ( النار ) يا ناصر بك Very Happy

» من منديل نظارة الى وردة لاترمي منديل نظارتك القديم اعملي منه وردة
» منديل الشارة الخشبية
» رسالة الى الحكومة المصرية
» برد الحكومة ولا حر المعارضة ( حصري )
» الحكومة وتحديد الأوزان !!!