منديل الحكومة

تقف فيفي هانم مستنكرة بشدة هذا اللفظ . مساواة . !
مساواة . ! .. المساواة دي كانت
أيام ستي وستك . ثم تضرب بيدها علي المنصة وتقول . لن نعود للوراء أبدا . ولن نسمح
إطلاقا بمساواة الرجل معنا أبدا أبدا أبدا

علي الجانب الآخر يدلف ممدوح مع ابنه الصغير في سرادق مع
ابنه الصغير والسرادق معلق عليه لافتات مكتوب عليها .. (
مفتاح باشا رمز الطفاشة )



ويري داخل السرادق وليمة كبيرة حيث الجميع يفترشون الأرض
وكل أربعة أو خمسة رجال يلتفون حول إناء كبير به خروف مشوي فيدخل ويجلس هو وابنه .
ويسارع السفرجي بوضع طبق كبير يتوسطه خروف مشوي

ممدوح يقول للسفرجي . بصراحة أنا ماليش في الضاني عشان تقيل عليا . لكن ممكن آكل منها لحمة الراس


السفرجي 1 . نعم


ممدوح . بقول لك لو ممكن راس يبقي كتر خيرك

السفرجي 1. ليه

ممدوح 1 . ليه إيه . يعني ها العب بيها كورة

السفرجي 1 . يلمح في وجهة حرج بالغ . مش قصدي يا بيه . بس أصله طلب غريب قوي .

ممدوح . معلش بس بسرعة وحياة والدك عشان مستعجل .

السفرجي 1 . بصراحة مش ممكن يا بيه ثم ينادي علي سفرجي ثاني في محاولة للهرب من هذا المطلب الغريب و... يا محسن . يا محسن . شوف البيه عايز إيه عشان الباشا عايزني . ويميل علي أذن محسن ويهمس له

سفرجي 2 . أؤمر يا بيه

ممدوح . ولا حاجة أنا طلبت رأس أكلها وخلاص

سفرجي 2 . للأسف مفيش والله

ممدوح بتعجب . ليه . ؟ . هو مش أنتم دابحين بسم الله ما شاء الله كتير زي ما أنا شايف

سفرجي 2 بعفوية . ياااااه دول دبحوا أكتر من خمس تلاف راس

ممدوح بعشم . طيب يا أخي هات لي راس واحدة منهم بس

سفرجي 2 وقد ازداد حرج . مستحيل يا بيه

ممدوح أصابه الرد بدهشة . مستحيل

سفرجي 2 . يا بيه الله يسترها عليك . كل اللي قدامك واسكت بقي

ممدوح وقد أصابه فضول شديد من هذه الردود وهذا الإرتباك . ليه . والخمس تلاف راس عملتوا بيهم إيه . ؟

سفرجي 2 بملل شديد . رميناهم في الصحرا

ممدوح وقد آثار الرد حفيظته ... ليييييه . دي نعمة ربنا يا جدعان

تري ما ذا سيكون الرد

في الحلقة القادمة بإذن الله




.

أسلوبك رائع يا كابتن يذكرني بإسلوب الكاتب الكبير يوسف السباعي ... في إنتظار باقي القصة الشيقة ... وياريت ما تطلعش رؤوس كلا............... وشكرا .

شكرا علي اللقب ( المثير للجدل في تفسيره )

وشكلك كده لا قرأت ولا حاجة بس داخل تقول كلمتين وبس

بالفعل كما ألمحت محمد بك

وشكرا علي الثناء الذي لا أستحقه

وإنما هي محاولة عرجاء مني لنقد واقع أشبه بما أذكر

سفرجي 2 . يا بيه الله يسترها عليك . كل اللي قدامك واسكت بقي

ممدوح وقد أصابه فضول شديد من هذه الردود وهذا الإرتباك . ليه . والخمس تلاف راس عملتوا بيهم إيه . ؟

سفرجي 2 بملل شديد . رميناهم في الصحرا

ممدوح وقد آثار الرد حفيظته ... ليييييه . دي نعمة ربنا يا جدعان

سفرجي 2 . وقد بلغ من الغيظ من ممدوح مبلغه ولكنه يتصابر بشكل يحسد عليه ويقول . أصل مفتاح باشا يا سعادة البيه قلبه طيب وبيقول ديما
" مش كفاية بس الناس هيا اللي تبقي شبعانة في البلد . لازم السباع والوحوش تشبع هيا كمان . دي أنفس يا بيه

مدوح بدهشة . يا سلاااااااااااااااااااام

سفرجي 2 . امال إيه يا بيه . أمال الوحوش بتهاجم الإنسان ليه ؟ سلبطة كده ولا دناوة نفس . مش عشان جعانة . لكن لو شبعت الناس ها تعيش في سلام . يعني كله راجع للناس في الآخر . مش كده برضه . ثم بهروب خفيف . وعن إذنك بقي عشان بيندهوا عليا

ممدوح وهو يفكر في هذا الكلام يقول في نفسه . نظرية وجهية برضه . بس مش لما يشبعوا الناس الأول . عوما أنا مش مرتاح . فيه حاجة مش
طبيعية


ينتقل المشهد لمفتاح باشا والذي ينقل بين الموائد نافشا نفسه وكأنه طاووس وينظر إلي الآكلين ويتفقدهم


ينادي أحد المعازيم القريبين من مفتاح باشا ويقول . هو ما فيش فتة مع اللحمة ياباشا

مفتاح باشا . هنا ما فيش فتة . الكل ياكل لحمة وبس . وانا لو نجحت يبقي كل يوم من ده علي طول . ثم ينادي علي خادم . يا ولد . هات خروفين تلاته للراجل الطيب ده ولف له واحد ياخده للعيال

ينظر الرجل والذي تبدوا عليه علامات الفقر الشديد إلي مفتاح باشا نظرة غير مصدقة ويقول . يا سلام يا باشا أنا مش مصدق نفسي . ربنا
يسترها عليك ويطعمك زي ما طعمتنا

يميل عليه رجل جالس معه ويشاركه مائدة الطعام ويقول له بخبث شديد .. ربنا يجعل أيامنا كلها انتخابات

يرد عليه الرجل الأول . أوا قول انت الحكومة تخلي الإنتخابات يومين كل أسبوع زي الاجازة كده

يرد الآخر . ولا يعملوا إعاده طول السنة ههههههه

ينتقل المشهد إلي مائدة أخري بجوار ممدوح حيث ينصت ممدوح للحديث الدائر عليها باهتمام بالغ في محاولة لإستطلاع الرأي في صاحب الوليمة ويري ثلاثة يأكلون بنهم شديد ويميل مدوح بإذنه عليهم حتي لا تفوته كلمة

ويدور الحديث التالي

الأول .. تصدق يابو محوس كانت عندي كلبة والده بنحرس البهايم وفجأة اختفت هيا وولادها

الثاني .. عايب ياولاد . إيه حكاية الكلاب اليومين دول

الأول باندهاش .. هي حتي الكلاب بقي لها حكاية

الثاني .. أيوه يا أيوب . الكلاب اختفت من بلدنا بقالها أسبوع

الأول .. تصدق بقي كلامك صحيح . الواد قرني جاري في الغيط القبلية مش لاقي كلبه هو كمان . دانا حتي اتهمت الكلب بتاعه في الكلبة
بتاعتي .. قلت يعني يمكن الكلب بتاعه غوي الكلبة بتاعتي وخدها وهرب هاهاهاهاها

يضحك الثلاثة ويشاركهم ممدوح بابتسامة علي هذه القفشه الظريفة

الثالث وهو مازال مشغول بالطعام حيث مازال يأكل بنهم وقد امتلأ فمه بالطعام وهو يتكلم . بقول لكم إيه . هو مفيش عندكم غير سهرياية الكلاب . ما في ستين داهية . يعني هيا البهايم لما نزعل عليها قوي

الأول .. علي قولك ياوله . دي حتي نجسه

يعود المشهد لممدوح وهو يركز نظره علي الطبق الكبير الذي يتوسطه هو وابنه وليس به أيا من اللحم .. يمتعض ممدوح بشدة ثم يتذكر استعطاف
السفرجية له أن يسكت عندما طلب لحمة رأيس .. ( مستحيل يا بيه ... الله يسترها عليك كل للي قدامك واسكت بقي
.. رميناهم في الصحرا .. ) فيدفع ممدوح الطبق بحركة لا إرادية خفيفة بقدمه بعيدا عنه وينظر إلي جموع الناس وهي تأكل
بشراهة فيقول لنفسه . .. يا نهار أسود ومنيل . ويقطع تفكيره ابنه ضياء عندما يتناول بيده قطعة باقية في وسط الطبق ليتناولها وهو يقول

ضياء .. بابا . أنا جعان قوي

ينتفض ممدوح بحركة لا إرادية هستيرية شاخطا فيه . سيب
اللحمة يا زفت . دي بتاع كلاب

ضياء ببراءة الأطفال . بتاع كلاب

ينتبه البعض ممن حول ممدوح لهذه الكلمة فيحاول ممدوح
مداراة الموقف عندما يلمح بطرف عينه الكثير من الحرس الشخصي والفتوات مفتولي
العضلات وقد تناثروا في كل مكان . فيقول لابنه بسرعة بديهة وكأنه يداعبه

فيا تري كيف سيتخلص ممدوح من هذا المأزق وسط هذه الكوكبة من البلطجية

هذا ما سنعرفه إن شاء الله في الحلقة القادمة بإذن الله

.

الأستاذ والكابتن الفاضل : أكرم بك عبد القوي
نادرا ما تكون هناك مسلسلات جميلة جدا ورغم ذلك كنت لا أشاهد معظمها .. لأنها تتطلب منك متابعتها يوميا وفي وقت محدد ، وبعد ظهور النت أصبح من الممكن تحميل المسلسل بجميع حلقاته مرة واحدة ومشاهدته في الوقت الذي يناسبك .. ولكن الآن ومع قصتك الجميلة الشيقة .. تجدني لا أستطيع متابعتها .. وأكاد أنسى بداياتها .. فأتمنى ألا تتأخر علينا في سرد قصتك الرائعة .. وإلا سوف أضطر آسفا لقلب المحطة ... .. مع خالص شكري وتقديري للكاتب والأديب الكبير .