ملعون زمان الوالي

أخدو الحماس من برة ليه
هو احنا ايدنا بتترعش
ولا الحماس في بلادنا ماس
اللي يطوله بيتحرق..
طول عمرنا الواد بياخد عزته
من ميه طين
والبنت ترسم حلمها
ع النخلتين
لا قلنا مين ياخد بايدنا
يشدنا
ولا انتي مين علشان
تحقق حلمنا طول
السنين
طول عمرنا تمسك ايدينا
بعضها
وتشق مفتاح الحياه
تكتب رسالة ليأسنا
اخرك خلاص
دا منتهاه
يلمح امل من بين
ايدينا
يختفي نسمعله اه
تبقي انتي مين
ولا انتي مين
علشان تحقق حلمنا
ف اربع سنين .
هيمر عام ويجر عام
والحال بيكتب ذكرياته
ف كلمتين
ده جه منين .ملعون زمانه
لو هيحكم بالنفاق
أكرملي افرش ع الرصيف
وأعيش حزين .......رأفت ابراهيم ........

قصيدة رائعة لشاعر رائع
أخى الموهوب نشتاق كثيرا لجميل إبداعك

الشاعر رأفت ابراهيم سلمت يداك وما نظمت
ننتظر جديد بوح قلمك الراقى

تسلم على الابداع