ملعون ابوك يا سكوت

ملعون ابوك يا سكوت
لما خليتنى اختشيت
يا ريتنى مت افضل من
انى يقولوا عليه ادريت

خت ايه منك يا سكوت
وايه منك جنيت
يا ريت ما عرفت
السكه بتاعتك
انا ال فيها اتزليت

خدوا حقى وقتلونى
ضربونى وقالوا ال مات
خت ايه منك يا سكوت
غير ف وطن مليان
كله حشرات

شوفت شوارع وحارات
لكن ابدا مشفت
ف السكوت خير وال بركه

يعنى ايه اشوف صاحب
الحق قدام عينى بينضرب
امشى واسكت

يعنى ايه اشوف اصحاب
الاراضى والعيون دامعه
واسكت متقولش ده شهامه
قول ده جبن ونتانه

يعنى ايه تسيب وطن غرقان
وتقول بنادى ومش سمعانه
يعنى ايه تسيب اهلك وتوافق
انك تبيع ارضك وتسيب حقك
وتعيش ف وطنك بجهاله

ملعون ابو السكوت
ال يخلينى اسكت
ومتكلمش واقول
يلا نفسى علشان مش اموت

فرقنى دلوقتى يا سكوت
مش فراق الصباح رباح
لكن فرقنى ع طول
وانا حنسى ال راح

حكمل حلمى واعيش بيه
حشيل حلمى ع عنقى
والف بيه العالم
بس مش ححلم ع قدى
وححلم بوطن سالم

مش ححلم بوطن نايم
وححلم بوطن من الفجر قايم
ححلم بوطن عايش ف مركب
والمركب لسه ع النيل عايم

خلونى اكمل حلمى الجميل
وحكمله لو كنت صايم
بس مش حبنى وطن مهدود
وحبنى وطن وناس بتعود

جايز نعدى بالسلامه
وننسى الوطن ال كان مهدوم
ونعيش بوطن بين العالم
له شان ف كلمه وله لزوم
الشاعر
محمد على

أخي االشاعر الجميل محمد علي
مررت بأبياتك بيت بيت
وفي كل بيت قرأت حكمة جميلة ككل أشعارك
دمت مفن

شكرا لك اخى
واستاذى وحبيبى
الاستاذ الاديب اكرم
ده بس من زوقك تحياتى لك
________________
عجايب يا زمــــــــن
فيك بيع وشرا وتمن
الامين فيك اتخـــــان
والخاين ائتمـــــــــن

الشاعر الصغير السن كبير الفكر فصيح القلم صورك الشعرية جميلة ومعبرة ألى الأمام دائما وفقك الله تحياتى

شكرا لك اخى مصطفى عبد العاطى
تحياتى لك اخى وحبيبى واستاذى
________________
عجايب يا زمــــــــن
فيك بيع وشرا وتمن
الامين فيك اتخـــــان
والخاين ائتمـــــــــن

الشاعر الجميل محمد على
خلاص ولى عصر السكوت وكلنا سنحلم معا بمصر جميلة وخيرها لأولادها وكرامتهم محفوظة وترجع الضحكة تلالى من تانى
شاعرنا الجميل ننتظر جديد إبداعاتك

ان شاء الله وانا
اتمنى انه يولى بجد
ويبقى ماضى لنا ورحل
تحياتى لك اخى واستاذى
وحبيبى الاستاذ اسامة
________________
عجايب يا زمــــــــن
فيك بيع وشرا وتمن
الامين فيك اتخـــــان
والخاين ائتمـــــــــن