هناك عادات إجتماعية طيبة ولكن الإسراف فيها ربما يكون ضار جدا جدا
كالود والحميمية العربية يعتبران من ضمن الباقية التي مازات متبقية فينا نحن العرب .. وإن كان هذان الأمران ضاران في بعض المواقف الحياتية المستحدثة والتي نحياها رغما عنا ولابد لنا من التعايش معها ولا نتحجر ضدها
ما معني هذا الكلام
معني هذا الكلام مشروح لك في المثال التالي
برنامج تلفزيوني استطاع بشق الأنفس أن يستضيف الطبيب العربي العالمي فلان . وخصص البرناج إحدي حلقاته ليتلقي فيها أسئلة وإستفسارات المشاهدين ويجيب عليها هذا الطبيب المشهور .... وفي أول اتصال هاتفي مع أحد المشاهدين
المذيعة ... وكانت تحادث الطبيب وترحب به فتقطع كلامها معه مستأذنة .. بعد إذنك يا دكتور فيه معانا إتصال هاتفي من أحد المشاهدين
الطبيب .. اتفضلي حضرتك
المشاهد ... ألو ... ألو ... ألو ...
المذيعة ... أيوه يا فندم مين معايا
المشاهد ... ألوو ... السلام عليكم
المذيعة والطبيب في صوت واحد .... وعليكم السلام
المشاهد ... يوجه كلامه للمذيعة ... مدام تهاني معايا
المذيعة ... أيوه يافندم .. ممكن نتعرف بحضرتك
المشاهد ... أيوه معاك يا مدام تهاني
المذيعة ... معلش ممكن توطي التلفزيون من عندك شوية عشان صوتك مش واضح
المشاهد ... حاضر ... حاضر
المشاهد ... كده كويس ..؟
المذيعة .... أيوه كويس ... أتفضل معاك الدكتور
المشاهد ... أولا أنا بشكر البرنامج الجميل بتاعك اللي أتاح لينا الفرصة عشان نلتقي بالدكتور يوسف
المذيعة ... ربنا يخليك لينا يارب
المشاهد ... وبصراحة يا مدام تهاني برامجك كلها جميلة وهادفة
المذيعة ... مرسيه خالص ربنا يخليك ليا يارب
المشاهد ... والله والله يا مدام تهاني كلنا أنا والمدام والأولاد بنستي البرنامج بتاعك بفارغ الصبر
المذيعة ... متشكرة خالص خالص ... والله يا جماعة مش عارفة أقولكم إيه ربنا يخليكم ليا يارب
المشاهد ... بس ليا رجاء عنك يا مدام تهاني
المذيعة ... أتفضل تحت أمرك
المشاهد .. ياريت متتأخريش علينا تاني ... أكتر من شهر واحنا مش عارفين البرنامج أتلغي ليه
المذيعة ... لا ... لا .. لا . ما اتلغاش ولا حاجة .. أنا بس كنت مسافرة الشهر اللي فات
المشاهد ... حمد لله علي السلامة
المذيعة ... اللله يسلمك
المشاهد ... يعني البرنامج مستمر معانا إن شاء الله
المذيعة ... إن شاء الله ... أتفضل .. معاك الدكتور
المشاهد ... أزيك يا دكتور
الطبييب ... الحمد لله
المشاهد ... والله يا دكتور احنا سعداء إننا بنشوفك النهارة
الطبييب ... ربنا يبارك فيك
المشاهد ... والله يا دكتور أنا كان عندي سؤال
الدكتور ... اتفضل
المشاهد ... بالنسبة للست بتاعتي كل ما تاكل بتشعر
تقاطعه المذيعة بسرعة قائلة له ... معلش ياا أستاذ . حضرتك خلصت علي وقت البرنامج كله عليك لوحدك .. الحلقة الجاية إن شاء الله
أخوتي الكرام
كل منا يذكر عادة إجتماعية يلااها ما عادت تساير أيامنا هذا
أو عادة اجتماعية لابد من ترشيدها ولا يسرف فيها كصاحبنا في المثل الذي ضربناه
موضوع: موضوع: حاجة تعل 
7/12/2009, 14:18
