ناصح يا خليل

موضوع: ناصح يا خليل 21/12/2008, 10:04

بمناسبة تواجد واحد قريبى لا أراكم الله مكروها فى عزيز لديكم

شرعنا فى كتابة هذه القصة

قرية صغيرة تبعد عن محافظة الفيوم 7 كيلو متر فقط تشتهر بالذكاء الحاد وقوة

الملاحظة وهى قرية ضيفنا

ولما كان زوج شقيقتى منها أحببت أن أجامله وأكتب قصة واقعية وقعت أحداثها فى هذه القرية

أبطالها رجل وزوجته من أهل القرية

القصة

صحا الزوج من النوم فى السادسة صباحا تقريبا ونادى

ياحمدية

عاوز حاجه ياخليل

طبعا اعملى كباية شاى تقيله بسرعة علشان ألحق السوق من بدرى وأبيع الجاموسة يمكن

نبيعها بيعة كويسة أكمل على تمنها وأشترى عجلين صغيرين

شد حيلك يا خويا وانت على ما تبيع الجاموسة وتيجى أنا كمان أكون بعت شوية القطن إللى

عندنا

أشده إزاى يا وليه إنتى يا خرفانه هو البيع بمزاجى وأللا يعنى بمزاجى دا سوق وكل واحد بيقول

سعره

طب ما تزعلشى كده

فزى قومى إعملى الشاى

( عملت الشاى فشربه صاحبنا فى ثوانى رغم أنة شديد الغليان )

قومى هاتى الجاموسة من جوه الدار علشان أمشى الوقت راح

حاضر إن شاء الله كسبان يا خليل

دقائق وتعود وتقول ..خد إمسك الحبل وخلى بالك الجاموسة شقية واخاف تجرى منك دى

تساوى 200جنيه

نعم تجرى من مين إنتى فاكرانى عبيط علشان حتة جاموسة زى دى تجرى منى وتضيع

ربنا يحميك يا أخويا ويسهل لك ويفتح لك الأبواب

عايزه جاجه من السوق

إبقى هات معاك حتة هريسه

حاضر يا حمديه.. سلامو عليكم

مع السلامة

بعد الظهر يعود صاحبنا خليل وهو يجر الجاموسه خلفه

مالك راجع ومعاك الجاموسه ليه ما بعتهاش واشتريت العجلين

أشترى إيه وأبيع إيه إنتى عارفه الأول إيه اللى حصل

خير أن شا الله

الناس العبايط اللى فى السوق ربطوا السعر وبعتوا لى واحد لزق جنبى وفضل يزن

على دماغى ويقولى بعها لى ب 100 جنيه

وأنا كل ما اقول له يفتح الله يقول لأ بس هيه ما تساويش إلا 100 جنيه ولما زهقت منه قلت له

ما تا خدشى إنت 100 جنيه وتحل عنى وأعطيته ال 100جنيه وغار فى داهيه وأنا

جبت الجاموسه وجيت يعنى أبيعها بالخسار يعنى ؟

لأ يا اخويا ربنا ما أمرش بكده

أقوم أعملك لقمه تا كلها تسند قلبك

ياريت دا الواحد تعب والسوق فيه ناس يخربوا البيوت العمرانه

إذا كان على البياعين دول عاوزين يضحكوا على الناس كلها أنا كمان بعت شوية

القطن إللى هنا بس أنا بقى ضحكت على التاجر

بعتيهم ؟ وضحكتى على التاجر جدعه والله وإزاى الكلام ده ؟

التاجر كان ماشى من هنا وأنا ناديت عليه وجبت القطن ووزنه تتصور كان 8 كيلو ونص

بس كان

ناقص شويه فكان عاوز يحسب الوزن 8 كيلو بس ولكن انا خليته يحسبه 8 كيلو ونص غصب عنه

إزاى يعنى

حطيت الخلخال الدهب بتاعى فى القطن من غير ما ييشعر فطبعا الوزن ذاد وبقى 8 كيلو

ونص

والناصح إشتراه منى على إن كله قطن صافى إنت يعنى فاكرنى عبيطه واللا فاكرنى عبيطه

ياسلام على النصاحه يا ولاد والله يا مراتى لولا إنى بعمر فى البيت من ناحية وإنتى بتعمرى

من ناحيه لكان

البيت خرب من زمان

https://alalamy1.yoo7.com/t20826-topic

موضوع: رد: ناصح يا خليل 22/12/2008, 10:13

أستاذنا العملاق يسري بك

أرجوك عرفني بيهم وأنا أخدمك فيهم

يكونش الناس دول يقربوا للناس بتاع ( المراجيح )

ههههههههههههههههههههههههههههههههههه

موضوع: رد: ناصح يا خليل 22/12/2008, 15:02

أستاذي الفاضل

يسري محمد

سرد جميل واسلوب رائع وقلم أروع

نتشوق لجديدك القادم

تقديري واحترامي

موضوع: رد: ناصح يا خليل 22/12/2008, 18:09

بارك الله فيك ما أجمل القصص حينما يكون واقعيا وغريبا بنفس الوقت

بارك الله فيك

موضوع: رد: ناصح يا خليل 24/12/2008, 05:39

[center]

أكرم عبد القوي كتب:: أستاذنا العملاق يسري بك

أرجوك عرفني بيهم وأنا أخدمك فيهم

يكونش الناس دول يقربوا للناس بتاع ( المراجيح )

ههههههههههههههههههههههههههههههههههه

أخى العزيز الاستاذ أكرم عبد القوى

طبعا إنت اليومين بتتسرق فدخلت ترد على موضوعى

بقصد سرقة موضوعى المتواضع علشان ردك فيه

ولكن انا محصن نفسى

فذكائى ليس أقل من ذكاء خليل

ولو عاوز تعرف الناس دى هم فى بلد قبل سنورس وبعد الاعلام

تحب أقول لك إسمها بشرط تحمينى

تشكر على كل حال

موضوع: رد: ناصح يا خليل 24/12/2008, 18:47

أضحك الله سنك اخي و استاذي الفاضل

قصة فعلا رااائعـة و القرية دي فعلا قمة في الذكااااء و النصااحة

و البيت هيتعمر بإذن الله هو من ناحية و مراته من ناحية

سلمت و سلم قلمك المبدع اخي الفاضل

في انتظار قادمك

تقبل كل التقدير و الاحترام

موضوع: رد: ناصح يا خليل 30/12/2008, 11:36

هههههههههههههههههههههههههههههههه رهيبة جدا
انت رهيب رهيب رهيب

موضوع: رد: ناصح يا خليل 26/2/2009, 03:34

صفاء الروح كتب:: أضحك الله سنك اخي و استاذي الفاضل

قصة فعلا رااائعـة و القرية دي فعلا قمة في الذكااااء و النصااحة

و البيت هيتعمر بإذن الله هو من ناحية و مراته من ناحية

سلمت و سلم قلمك المبدع اخي الفاضل

في انتظار قادمك

تقبل كل التقدير و الاحترام

مرحبا بالكريمة الفاضلة

استاذتنا ومشرفتنا القدرة

صفاء الروح

تشرفنا بتواجدك الذى يعطى لصفحتنا المتواضعة بهجة خاصة

عظيم الشكر والإمتنان لشخصكم الكريم

موضوع: رد: ناصح يا خليل 26/2/2009, 03:37

الورده البيضاء كتب:: أستاذي الفاضل

يسري محمد

سرد جميل واسلوب رائع وقلم أروع

نتشوق لجديدك القادم

تقديري واحترامي

أستاذتى الفاضلة الكريمة

الوردة البيضاء

أنه ليوم أبيض عظيم أن تشرفينى هنا

وكم كانت سعادتى بالغة لردك الطيب

أشكرك وارجو تقبل خالص تحياتى

موضوع: رد: ناصح يا خليل 26/2/2009, 03:41

أم البنات كتب:: بارك الله فيك ما أجمل القصص حينما يكون واقعيا وغريبا بنفس الوقت

بارك الله فيك

مرحبا بالأخت الفاضلة

الأستاذة أم البنات

إن لتواجد سيادتك وردك لجميل أبلغ الأثر الطيب فى نفسى

شكرا لمجاملتك الرقيقة

مع خالص تحياتى

» خليل وسميرة (1)
» خليل وسميــره
» محمد محمود خليل
» سجدوا لكسرى..خليل مطران
» ترحيب با الاستاذ/ خليل بسيوني