علي ودنه 1

أي حد عنده حد مزعله يجيبه عندنا الفيوم . . احنا بندبح الحمير


تحية لكل امرأة لم تتحول جنسيا بعد الزواج


فيه ستات قلبها مقعد واحد زي الطيارة الهليكوبتر . . وفيه ستات ماشاء الله . . مطار


رئيس الهيئة القومية للغذاء : المصريين بياكلوا لحم حمير وكلاب من زمان . . . . تقي يا خلق الله مفيش حد عاقل يضربه علي أيده ويقوله بلاش تفضح مصر بالشكل ده


السنة قايمين علي الشيعة هناك . . والشيعة قايمين علي السنة في الناحية التانية . ومن حواليهم بقي السنة قايمين علي السنة . . والعالم كله بيطقطق صوابعه وهم بيتفرجوا علي خيبتنا


لما تنجح في شئ تلاقي ناس بيخترعوا حاجة تفشلك أو تعرقلك . . مش بيخترعوا شئ يخليهم ينجحو ويبقوا أحسن منك


أصعب شئ الآن . . ان تقنع امرأة انها امرأة


طامتنا الآن هي . . تبادل الأدوار مابين الرجال والنساء


لا تعطيني سمكة ولكن اعطني 4 كيلو


أول مرة أحس إن شهر رمضان جاي ( يتنمس )


تحس إن الناس بتقول لشهر رمضان السنادي . . فوت علينا السنة الجاية


بيقولك . اللي عجبه الموضوع يخبط لايك . . طيب واللي عايز يخبطك قفا يعمل إيه