قرأت للتو أن مدير المخابرات الأمريكية السابق يتنبأ باختفاء دولتين عربيتين قريبا
علي هامش هذا الخبر نقول
*****
الله يخرب بيتك هو فاضل غير دولتين بس اللي لسه موجدين
*****
يعني إيه دولتين يختفوا . ! شكلنا هنصحي الصبح يقولولنا دولة كذا مشيت من هنا
*****
تلاقي العرب كلهم قرأوا الخبر وقالوا أكيد مش احنا دا غيرنا
*****
طيب احنا موافقين علي اللعبة بس نخليها ( متالتة ) ونحط إسرائيل معاهم
*****
يعني الكوكب كله مش هيختفي منه غير دولتين من عند العرب بس يا ولاد ال....
*****
معظم الأنبياء والرسل من عند العرب ومعظم الشياطي من عند الغرب واسألوا عن هتلر وموسليني وبوش
*****
طيب يقول لنا عن الدولتين دول مين عشان نلحق نجمع عملات تذكارية بتاعتهم ونشيلها لأحفادنا
*****
يعني ممكن تسأل أهل الدولتين وتقولهم أنتم منين . يقولولك . احنا من فشخستان
*****
هييييييييح . . أخيرا الواحد هيبقي كفيل
موضوع: علي ودنه 14 
31/7/2015, 23:29
