اسمعنى

اسمعنى
اسمعنى يا اخوى واعقلها
وحنشوف مين ال حيشيلها
مش انت لوحدك ال شايل
وانا شايل كمان وياك
ومش انت بس ال قايل
انا قايل كمان معاك
احنا ع الارض عباد الله
ماشين ف ارضه وملكوته
فينا ال بيحب الحياه
وفينا ال العرض بيفوته
وفينا الطيب الغلبان
وفينا الخاين والجبان
ولينا عوايد وتقاليد
لكن كلنا بشر اصل انسان
فليه بتقتلنى
وبتبين انك مش حزين
انت ال بتشيل عنى
ومن غيرك حيسد مين
فافهم واسمعنى
من عايز كده
واحنا ملناش ذنب
تعالا نحسبها انا وانت
ونقف كمان ع جنب
وهمنا يخبطوا ف بعض
نسيبهم يلعبوا ع بعض
مندخلش انا وانت
هما عايزين يشغلونا
ويطلعوا سلسبيل ابونا
فليه انت وانا بنصدق

اسمعنى
انا لمعاك ولا ضدك
او عن فعل الخير
انا عمرى محصدك
لكن ده لفى خير ليه
والا خير لبلادنا
نصحى ونفوق
احنا بنموت مين
ماهو اخواتنا وولادنا
فبلاش ده عناد
القلب اكتفى
ومن الاموات العدد زاد
والضمير من جوانا اختفى
بلاش افترى ع العباد
عشقنا كتير حكايات
وكنا نقول بكره يتعدل الحال
وقضينا ايام سوده
ليه حنخلي بلادنا كده
للحزن ذهاب بلا عوده

اسمعنى
ربنا يهدينا جميعا
فبزياده القلب بكى
والعين بكت
وده اشتكى
وده سكت
فمنقلبش النار ال جوانا
ونزيد عليها حطب
وامسكلى مكرفون
واولعها بخطب
البلد مش محتاجه
اكون معا او ضد
البلد محتاجه ايد وحده
ف الشده واللين تسد
والقول ماهوش بالكلام
لكن افعال
رضينا واهو بنام ع امال
بنصحا نلقاها خراب
وحلم امبارح ف الخير
يصبح عليه الصبح تراب

فاسمعنى
الله يرضى عنك
انا مش ضدك
انا اخوك ومنك
ال ضدك عدوك
ال انت عارفه ومنه خايف
مش قادر تواجه صح
وبتلومنى انا وانت شايف
انا ال زارع الارض
ان شاء الله بدمى ارويها
حصون الشرف والعرض
وبردوا حنام فيها
انت عايز ترحل ارحل
ومتلومنيش ولوم نفسك
اعقل يا اخوى وشوف نفسك
همن يعملوها وانت بتحشر نفسك
ومبضرنيش انا بس
بضر ارضك وانا ونفسك
فاسمعنى واعقلها وتوكل
الشاعر
محمد على

جميلة حكمتك وأشعارك
لكن لي عتاب عليك
الكل يشاركك بهجة اشعارك وانت لا تشارك أحد وكأنك تخاصمهم
عليك أن  تبني علاقات ادبية اجتماعية بينك  وبين باقي الشعراء فكما يشجعوك فعليك بإبداء رأيك في اعمالهم
حبي وتقدريري لك ولأشعارك

امين يارب شكرا لك
ع مرورك استاذى
ابن سينا
_________________
رحماك ربى رحمـــاك
ستشهد ارضك وسماك
ساهجر وطنى الى الابد
ساهجره لرضــــــــاك
ساهجره لرضــــــــاك

عمنا صافى شان
عتابك مقبول بصدر رحب
لكن يعلم الله اخى
انا صحيح بدخل ع المواضيع
ال بتتنشر لكن مش بعلق عليها وان شاء الله
حعلق لما يسنح الوقت لكن انا بشوف كل موضوع بينزل هنا
صحيح انا مقصر لكن يتعدل الحال اخى تحياتى لك
ولمرورك العطر
_________________
رحماك ربى رحمـــاك
ستشهد ارضك وسماك
ساهجر وطنى الى الابد
ساهجره لرضــــــــاك
ساهجره لرضــــــــاك

بارك الله فيك

جميل ما خطه قلمك

وتطور كبير في أداءك الشعري

يجعل منك شاعر تسير نحو المقدمة إن شاء الله

شكرا ع مروركم العطر اخوتى
تحياتى لكم جميعها تحياتى
___________________
رحماك ربى رحمــــاك
ستشهد ارضك وسمــاك
ساهجر وطنى الى الابد
ساهجره لرضــــــــــاك
ساهجره لرضـــــــــاك

شكرا لك على هذا الطرح
مع الامنيات لك دوما بالتوفيق

شكرا لكى سيدتى
_________________
رحماك ربى رحمـــاك
ستشهد ارضك وسماك
ساهجر وطنى الى الابد
ساهجره لرضــــــــاك
ساهجره لرضــــــــاك