انا الميت

انا الميت
سبحان الله ف الحال
انا عايش لكن ميت
مت ازاى وليه مش عارف
غلطتنى انى كنت ف وطن
خايف
كنت ف وطن
لبيتكلم والا بيسمع
ومن اموره مش بيتعلم
والدمعه من عيونه مش بتطلع

انا ميت
ف حب وطن
وبينا مليون حاجز
خافو همن من الخطر
وخلونى انا عاجز
لبتحرك والا ليه صوت
عايش شبه ميت
ومنتظر كل يوم الموت
غلطتى انى اعترضت
قمت من الوطن انطردت
غلطتى انى اتكلمت
وسط ناس مدفونه بالحيا
فرحو همن لما انا اتكلمت
وقالوا حيقفوا جنبى
لكن عجزوهم بدرى وركبوهم العيا

انا ميت
وفيوم رجعت للحياه
خلوى عندى امل
خلونى اقول الاه
ودفعونى التمن
وادونى الف موته
انا ميت
بحب الخير ورد الحق
لاصحابه
كنت بتكلم انا عن حقوقهم
وهمن عن حقوقهم غابوا
غلطت انى اتكلمت عن حقوقكم
لما تكون عنه انت ساكت
غلطت لما ضميرى اتحرك
والدنيا عليه وسعت ضاقت
بقيت ميت
مش عارف عايش او لا
اذا كنت عايش
ف ده وطن
عايش بقلب او لا

انا الميت
بدون جنازه
وسط الناس مليش عازه
مليش حتى كفن
او تربى اتاوى فيها
اكرام الميت دفنه
ووطنى لجثتى بيخبيها

انا ميت
وسط بحر من الهموم
ولدى دنيا مدقتش
فيها الهنا والا يوم
بقى الحزن ليه
وعنيه مجيلهاش النوم
من كتر التفكير
انا تعبت من ده واقع
ملوش تغير
وشكله ده واقع هيفضل
عليه كتير
انا ميت

انا ميت وما بينكم مجهول
مكتوب عليه الاعدام
او اموت مقتول
وال بيقتلنى مصدق
قتلنى من غير ميقول
انا مت وانت حتموت
طالما مبقيتش راجل
ومش محترم اكلت الفول
انا مت ومش راجع
وحفضل ميت ع طول

انا ميت
وحفضل ميت ف ده وطن
طول مفيهوش تغيير
لو تم فيه تغير بيكون سطحى
والاساس موجود بدون تغيير
بيصبرونا باى حاجه
بيقولولنا اى حاجه
واحنا بنصدق اى حاجه
لعبوها صح
خلوكم انتو اموات
وانا ميت فالجاى وال فات
موتنا ف وطن عشنا فيه
احلى الذكريات
وطن فيه تاريخ
العالم بيتعلم منه
متعجب من ده وطن
رغم صغر سنه
لكن حقول ايه
انا ميت اعمل انت ال يرضيك
انت ال عارف الصح والغلط
رغم انك مش عارف
لكن انت حر
وقرارك ملزوم بيك
انا ميت
الشاعر
محمد على

اخى الحبيب / احساس رائع ومشاعر حزينة تقطر من قلمك

تحياتى

كالعادة إبداع رائع

وطرح يستحق المتابعة

شكراً لك

بإنتظار الجديد القادم
دمت بكل خير

شكرا لكم اخوتى
وربنا يصلح الحال
تحياتى للجميع
_________________
رحماك ربى رحمـــاك
ستشهد ارضك وسماك
ساهجر وطنى الى الابد
ساهجره لرضــــــــاك
ساهجره لرضــــــــاك

بورك القلم وصاحبه
طول عمرك وطني وتحب بلدك وتحزن لحزنها