ديوان الشاعر الأستاذ محمد رمضان

حزب الكنبة

أساتذتي الأفاضل : إسمحوا لي أن ازج بخاطرتي هذه في منتدى شعر العامية .. وأتمنى من إخواني وأساتذتي الشعراء الإفادة : هل هذه الخاطرة يمكن أن تدخل من ضمن شعر العامية ؟؟ .. وإن لم يكن كذلك فما السبب .. وكيف يمكنني ذلك فأنا مبتديء في هذا المجال .. وأتمنى أن تنال إستحسانكم وإعجاب باقي أعضاء المنتدى الأفاضل .. مع خالص شكري وتقديري للجميع .

قلتوا علينا حزب الكنبة ... واحنا كنا في حسبة برما

إنتم منا واحنا منكم ... ولولا إحنا ما كنتم إنتم

قبل الثورة كنتم فين ... كنتوا معانا في حزب الكنبة

يوم ما وقفتم وقامت الثورة ... مين كان يعرف إن دي ثورة ؟؟

ربنا قدر وكانت النصرة ... يومها فرحنا دي راحت العسرة

قالوا عليكوا بتاخدوا الأجرة ... قلنا لا يمكن دي شباب حرة

قالوا ده فيه تمويل من بره ... قلنا دي قلة اندسوا في مرة

احنا عليكوا حافظنا ما جورنا ... قلتوا حزب الكنبة مصيرنا

ليه ما تقولوا زي ما قلنا ... إن احنا كمان كان لينا دورنا

كنا معاكم متضامنين ... وانتوا دوركم في الميادين

إنتم كنتم متظاهرين ... واحنا لبيوتكم حاميين

كنتم عايزينا يا غاليين ... نبقى معاكم معتصمين

ونسيب الناس التانيين ... ينهبوا يسرقوا مش ساكتين

فكروا فيها من غير تخوين ... كان ينفع كلنا سايبين

لبيوتنا .. طب ونروح فين ... ده احنا عددنا بالملايين !!

قلتوا علينا دول صامتين ... وناس منكم قالوا جاهلين

كان ردنا رد مبين ... أيوه كنا إيجابيين

إستفتاء دستور حاضرين ... وانتخابات كان دورنا مكين

إستقرار لبلدنا عملنا ... ونكمل ولا يشغل بالنا

إخوان سلفيين إخترنا ... إحنا ما لينا غير إسلامنا

نبني نعمر جوه ديارنا ... والله يعينا ويحررنا

واحنا لا يمكن ننكر دوركم ... بس اوعى الكبر يدمركم

وافتكروا اننا وانتم واحد ... واللي نصرنا هو الواحد

الله واحد ووطن واحد ... ليه ما يكونش هدفنا واحد

احنا وانتم متحدين ... نبني بلدنا نعلي الدين

مسلمين مع مسيحيين ... بلد واحد مش فارقين

شرع الله يحمي الاثنين ... عدل وأمن مجتمعين

خير ورخاء محتاجين ... وده مش ممكن من غير دين

ننسى الكنبة خلاص ناسيين ... ده احنا كلنا مصريين

انتوا معايا يا مستمعين ... والا انا كنت بكلم مين !!

ريسنا السابق يا قنوع

أساتذتي الأفاضل : بفضل الله تعالى قمت بتأليف هذه الخاطرة البسيطة
وأتمنى أن تنال استتحسانكم .. مع خالص شكري وتقديري .

ريسنا السابق يا قنوع ... ليه تموت شعبك من الجوع

كنت شغال في البيوع ... بيعك بلدك مش ممنوع

أخدك مالها كان مشروع ... قتل رجالها قرار مسموع

ثلاثين سنة من أعمارنا ... ضاعت واحنا مش حاسين

قراراتك كانت لدمارنا ... وحكومتك فسدت في سنين

أموالنا خرجت من دارنا ... خرجت فين مش عارفين

كنت حاكمنا ومحجمنا ... واحنا لحكمك مش راضيين

حاكم الدولة بأمن الدولة ... واحنا نروح من ظلمك فين

سيبت اولادك ينهبوا مالنا ... ما سابوش حاجة للمساكين

وسوزان هانم من جبروتها ... حكمت مصر ومش عارفين

أيوه عرفنا في آخر عهدك ... بس عرفنا بعد سنين

ثورة شعبك أنهت حكمك ... وانت تروح من ربك فين

ربك عادل لما يحاسبك ... وحده أعلم ها تروح فين

واما شعبك حب يحاكمك ... حاكمك مدني ومش ظالمين

وجماعة آسفين يا ريس ... بعد ده كله مش راضيين

طبعا لازم يكونوا معاك ... علشان كانوا منتفعين

بالنسبة لهم أيام حكمك ... كانت أغلى وأحلى سنين

الله معانا ومش ها يسيبنا ... دي نهايتك عبرة للعالمين

مش عيب ترجعوا في الكلمات

بعد الثورة قلنا خلاص ... الإسلام بقى لينا خلاص

الإخوان هم الإخلاص ... داقوا من العهد الماضي أقراص

أقراص ظلم بدون إحساس ... ذل عذاب لحد الراس

داروا وقالوا لكل الناس ... حرية وعدالة أساس

قلنا وماله بكل حماس ... واحنا معاكم نكون حراس

نحرس دينا يا أغلى الناس ... ده انتم بالنسبة لنا الماس

بعد ما خلصت الانتخابات ... كان نسبتكم في السماوات

نسبة كبيرة بدون هفوات ... تستاهلوها مش غلطات

فجأة ومن غير مقدمات ... قلتوا في كلمة من الكلمات

ريسنا في الإنتخابات ... مش ها يكون زينا بالذات

ولا ليه للإسلام وجهات ... توافقي .. تبعدوا عن الشبهات !!

خايفيين قولوا من الهجمات ... هجمات مين دول قلة شتات

مهما يقولوا في القنوات ... إحنا معاكم مش نزوات

عودوا بسرعة للفقرات ... فقرات تنظيمكم يا بهوات

خير مصر في اللافيتات ... مكتوبة دي أجمل كلمات

تحقيقه محتاج شجاعات ... مش الخوف من اللهجات

ليه نندم عايزين نسمات ... حرية وعدالة تامات

مش عيب ترجعوا في الكلمات ... العيب تنسوا الإنتخابات

ياله قولوها بلاش صدمات ... ده احنا شبعنا يا ناس أزمات

ريسنا من غير خلافات ... مسلم حافظ للأمانات

ما لقيتش غير مصر ... !!!

أساتذتي الأفاضل : وأنا في عملي وقبيل صلاة العصر .. أحد الزملاء قال لي مازحا :داقت بيك الدنيا .. وهنا خطر على بالي خاطرة .. وإذا بي أمسك بورقة وقلم .. ، وبدأت أكتب هذه الخاطرة البسيطة والتي أتمنى أن تنال إعجابكم .. مع خالص شكري وتقديري .

داقت بيك الدنيا ... ما لقيتش غير مصر
عاوز تولعها ... وتسيبها في العصر
لا والله ده لا يمكن ... وها نعصرك عصر

وتراثنا دمرته ... من غير ما ناخد بالنا
وده عيب حكومتنا ... هي السبب لما
سابت مبانيها ... من غير ما تحميها

لكن ولا يهمك ... دي بلادنا محمية
وان كنت المره دي ... قدرت تعملها
لا يمكن التانية ... ها تكون معدية

ما تسيبنا في حالنا ... وتروح تشوف غيرنا
ده احنا بإيدينا ... ومش بإيد غيرنا
ها نحمي أراضينا ... يا اخي روح بعيد عنا

وان كنت مصر ... بإيديك تدمرنا
وان كان معاك ناس منا ... خاينة دي مش منا
والله ما ها نسيبكم ... ولو كنتم في فينا

منتدى الاعلامي يا كبير

أساتذتي الأفاضل : بفضل الله سبحانة وتعالى ثم بفضل هذا المنتدى الكبير ..
عدت إلى كتابة الخواطر مرة أخرى ..
وجزء من الوفاء لهذا المنتدى فقد كتبت هذه الخاطرة البسيطة ، وهي إهداء مني للمنتدى وأعضاؤه الكرام ( مع حفظ الألقاب للجميع ) وأتمنى أن تنال إعجابكم ، وأن يعذرني كل من لم يذكر إسمه .. فما شاء الله ولا قوة إلا بالله العدد كبير والوقت محدود والقلم محدود ..
مع خالص شكري وتقديري للجميع .

منتدى الاعلامي يا كبير ... فيك نتعلم علم غذير

فيك أقلام حرير في حرير ... يكتبوا دايما بالتفكير

وفي إدارتكم كل قدير ... فعلا والله ده مش تفضيل

ده انتو في كل اعضاؤكم خير ... واللي يقول غير كده بيغير

وكفاية وترنا الحزين ... اللي بعلمه وأدبه رزين

اقرأوا كلامه وافهموه زين ... تعرفوا إني لوصفه مدين

واختنا رانيا نور الدين ... علمها واسع ونروح فين

كل كلامها يملا العين ... شوف كرسيها وصل فين

محمود خيري بمسابقاته ... خلى الناس في الفكر يباتوا

بينشر علمه واجتهاداته ... فين مكسبنا يا أستاذ فين

أم البنات والأم الحنون ... يزيلوا عنك كل شجون

بحنانهم خلوا العيون ... تدمع وتقول أنا ممنون

كابتن أكرم واخته عبير ... خلوا الناس من الفرحة تطير

كل كلامهم فكر كبير ... وبأقلامهم نشروا عبير

أستاذ أيمن وأخوه محمد ... مواضيعهم فيها حكمة تعمد

لازم تصحى وانت بتقرأ ... أحسن من شدتها تجمد

أستاذ يسري محمد ماله ... كل الناس دايما داعيه له

والأستاذ رأفت الجندي ... كل كلامه ليه صدى عندي

حمادة قرني بخفة دمه ... وعريس لقطة بقرده وفنه

واخونا راجي عفو ربه ... كفايه اسمه تقبل منه

واختنا جميلة الرجباوي ... هدهدها دايما غلباوي

أخبارها في النت تساوي ... كل جديد ومهم يا غاوي

الوردة البيضاء وصفاء الروح ... يخلوا قلب الواحد مشروح

شوف أخلاقهم شوف الروح ... كل كلامهم يشفي جروح

واللي نسيت أذكره يعذرني ... قلمي خلاص قرب يهجرني

واتمنا إني أكون وفيت ... بالدين للمنتدى وعطيت

جزء من اللي عطاه ليا .. منها طبعا الخاطرة ديه

زحمة الأيام
بين اليقظة والمنام
فكرت أن أطير كالحمام
في عالم يملؤه الحزن والأوهام
ففي الشوارع نجد من النسوة اللئام
كاسيات عاريات في احتشام
والكل ينظر في تأمل وابتسام
والشاب يخرج كي يصيب بسهمه إحدى اللئام
من نسوة كل همهم جمع السام
يال هول قد أصاب كل الأنام
فالأب يترك إبنه دون إهتمام
والإبن قد ينظر له بلا احترام
يال هول قد أصاب كل الأنام
فأطاح بهم في حفرة من الأوهام

» لقاء تلفزيوني احتفال بصدور ديوان الشاعر محمد ربيع محمد كسر الازاز
» ديوان الشاعر محمد عبد القوى حسن
» فيديو - برنامج يوم جديد مع الشاعر محمد ربيع حول ديوان الطاحونة
» ابن الأستاذ محمد رمضان في التدريب
» الأستاذ محمد رمضان علي كرسي الإعتراف