الفرج

يوم ضاقت ..

قلت وينك يالفرج ..؟

قال : جيت ..

وشفت حولك ألف صاحب ..

وخفت أسبب لك حرج !!

إرتكيت ..

بس وين اللي يشيل الحِمل وينه ..

وين ذاك اللي ذخرته للظما قطرات .. وينه ؟

وين أبو الفزعات عني ..

ما قدرت ألقاه وينه ؟

من لمحني فوق كفّ الموج .. فضّ

كسَّر ألواح الرجا بيني وبينه !!

حزّ نفسي ..

غصّ في حلقي .. ورضّ

كل ضلعٍ لي معاه .. وغضّ عينه !!

يحسب إني مِتّ همّ ..

ولا درى إني حيّ لكن ..

مِتّ من خنقة يدينه !!

يالفرج ..

صاحبي ما شفت زوله ..

من فقدته فيوم شِدَّه ..

بس لو جاني على قلعة عيوني ..

حالف إني ما أردَّه ..

والمودَّه يالفرج .. هيِّ المودَّه ..

صاحبي .. مالي بصدَّه ..

صاحبي .. روحي عرينه ..

ولو نصاني والنواصي عشب قبري ..

والله إني غصب لآحيا .. ثم أعينه !!

إرتكيت ..

وطحت ..

والجلمود .. ناخ .

آه يا كذب الليالي البيض ..

آه يا ظلم السباخ ..

من مشاها ولا وراه زنود تبري الكبد .. داخ .

يا كثر ما خيِّبتّ .. ظنّ اللبيب ..

ويا كثر ما غيِّبتّ .. وجهٍ قريب ..

ويا كثر ما شاف منها ..

صافي النيَّه .. وشاخ .

إرتكيت ..

و أثر ظِلِّي ما يمون ..

و أثرني كومة طعون ..

من غلاة أصحابها ..

ما قدرت أقول : آآآآخ .

لي مبادي ..

وصاحبي .. لوجار منه الجور .. عادي

وصاحبي .. لو هو قتل ذكراي .. عادي

وصاحبي .. لو هو بِخل بِرضاي .. عادي

وصاحبي ..

يبقى العزيز الناصع اللي له ودادي

ودام أنا ستره وثوبه ..

صاحبي .. ما أقول : عنه أبداً ، وتوبه ..

يا هلا به ..

وبعيوبه ..

وبذنوبه ..

يا هلا .

إن وصلني .. ياهلا .

وإن قطعني .. يا هلا .

صاحبي وإلا فلا .

والغلا نعمة كريم ..

وساقها لكلّ الملا .

ويالفرج .. حاول تحبّ .

دام لآهل الأرض ربّ .

ولو تشوف .. أصحاب واجد حول قلبي ..

لا تعاندّ .

السواعدّ من سراب !

والحصايدّ من يَباب !

والشِعرّ .. كذَّاب !

خلّ فِتَّال الشوارب .. عن يمينك ..

ولا تخاف من الحرج .. لو قيل وينك ؟

كلّهم مثلي تراهم .. باالنهاية ..

طالبينك .. طالبينك

طالبينك .. يالفرج !!

ويوم ضاقت ..

قلت وينك يالفرج ؟

قال : جيت ..

وشفت حولك ألف صاحب ..

وخفت أسبب لك حرج .

د /صالح الشادي

اخي رحال النت
فعلا عند الملمات نجد القليل بل نادر من الناس من يقفون معنا والكثير يهربون
انتقاء فوق الممتاز

أخي رحال أنت ذهبي الانتقاء
تعايشت معها بكل جوارحي فهي فعلا جميلة

سلمت اخي رحال
وقت اللي اشوف اسمك على موضوع
لا اتردد في قراءته
لانه بالتأكيد له قيمة

بارك الله فيك

اشكركم من الاعماق على مروركم العذب لاعدمت الانامل

حياك الله اخي علي موضوعك

رحال الأدب العربي

تظل بيننا علامة التميز التي نسعي نحوها

منقولك مميز لدرجة تؤكد لنا أنك دائما ما تقرأ كل حرف فيه

ويؤكد لنا أننا أمام شارب فاضل يسعي لأين تكون مواضيعه في ميزان حسناته

تقبلها الله منك بقبول حسن

أكرم عبد القوي كتب:

رحال الأدب العربي

تظل بيننا علامة التميز التي نسعي نحوها

منقولك مميز لدرجة تؤكد لنا أنك دائما ما تقرأ كل حرف فيه

ويؤكد لنا أننا أمام شارب فاضل يسعي لأين تكون مواضيعه في ميزان حسناته

تقبلها الله منك بقبول حسن

حبيبي اكرم الصمت في حرام الجمال جمال اكرمك الله بنعيم الدارين

سعوديه وافتخر كتب:

حياك الله اخي علي موضوعك

يابنت بلدي ياسعوديه اسعدني مرورك كثيرا بارك الله فيك