احمد ولد

كتبت فى1997وتنبأت فيها لأحمد أن يكون رئيس جمهوريه وكان عمره ساعتها شهور ولها موقف ظريف حيث ألقيتها بنقابة الصحفيين امام ابراهيم نافع فقال لى ابنك ريس بعد الرئيس ان شاء الله فقلت له انا مش مستعجل بعد ولاد واحفاد الريس كمان وضحك الجميع 00 ويبدو فى تلك الظروف والمنافسه على الرئاسه ان احمد هيصبح رئيس فعلا فهو يمتلك مواهب رئاسيه هامه اهمها تكبير الدماغ00 والى القصيده
احمد ولد
ولا ألف ميت مليون ولد
أحمد سند
عكاز 00 مدد
يوم ما اتولد
رفع الإيدين فوق للسما
لله سجد
أما الطبيب يومها اندهش
قرب على ودنى وهمس
الواد دا يظهر انه شيخ
وفرحت حبه وبعدها
خوفت الحسد
رديت عليه
يعنى00 يعنى هيطلع شيخ لمين
ملس عليه
وباس ايديه
طلب المدد
احمد ولد
وباجهزه لحكم البلد
دايما اقول له
اوعاك تغش
اوعاك تخون
خليك صريح
فاهم وواعى ومش قبيح
وحب شعبك يحرسك من غير عيون
تضمن حقوق الشعب يا ابنى
راح تكون برضاه عليك للحكم ضامن
وتنام مأمن
وتنام مأمن للجميع
والكل نايم لك مأمن
فى مره رد على قال
بف00إغ00 هاهاهاها
هزيت دماغى ما بين كتافى
وقلت أه منك يا خوفى
احمد تعب
جه ألف طبيب
بعد الفحوص والذى منه
قال الولد ولا ألف حصان
لكن باينه الواد حبيب
نسيت اقول
ااحمد دا ابنى
يتعد عمره بالشهور
9 ما فيش غيرهم يعنى
بسلامته فى عمر الزهور

قصيدة تدل على مدى الأمل رغم أن الأفق فى ذلك الوقت كان ملبدا بالغيوم ولكنه الشعب المصرى ثاقب النظر وأن الثورة كانت بداخله منذ سنوات وليست وليدة يوم وقد خرج الأمل فى التغيير يومها شعرا جميلا فهنئاً لأحمد بك وهنيئاً لك بأحمد وجعله الله ولداً صالح

أستاذنا الفاضل نور الدين جمال
بارك الله فيكم ومنكم وعليكم
وخالص تقديرى للمرور الكريم والدعوات الطيبات

الأخ الفاضل عبد الكريم ربيع
اشكر كرم مودتكم وكريم اعجابكم ومداخلتكم التى تثبت تفاعلكم مع النص
مودتى وتقديرى

روعة يا استاذنا

ربي يحافظ عليه
قصيدة جميله يستحقها أحمد
بارك الله فيك

أحمد هيفضل مواطن ولو قامت ألف ثورة
مادام حر وشريف وبيحارب أي عـــــورة

أحمد ممكن يغير بلد بس البلد مش عاوزه
لو عايز يبقي حاجة يرص شيشه وجوزه

أستاذنا العبقري

طبعا أنت سيد العارفين إن اللي كتبته أنا لا يمت للشعر بصلة
لكن يمت له بصلة رحم حيث أنهما يشتركان من ناحية الأحرف العربية فقط

الأعزاء
الأخ الفاضل عادل شاهين
مرورك اروع سيدى فلك خالص التقدير

الأخت الفاضله ام البنات
بارك الله فيك وفى بناتك وشكرا لمرورك الوضاء

الأخ الكريم اكرم عبد القوى
الشعر هو ما اشعرك اخى الحبيب وكم من قصائد لا تخطىء البرواز لكنها بلا روح ، ويكفى كلماتك الرقيقة انها مست قلبى ووجدانى
فلك خالص الود والتقدير