بتقول لى بحبك يا حمار

لفت نظرى اثناء تصفحى هذه القصيده
وحبيت اعرف اراءكم فى طريقة التعبير


**********

بتقول لي بحبك يا حمار
قولت لها بحبك يا جموسه

ضحكت لي وقالت ده هزار
وادتني يا بوي حتت بوسه

سهمت وروحت ف دوار
وانطلقت أحاسيس محبوسه

قولت لها حمار وابن حمار ؟؟؟؟
اللي ما يلهطشي البسبوسه
،
ورجعت من النار عالدار
مدهول بـ دماغي الملحوسه

زي ما اكون مضروب بالنار
أو روحي غريقه ومنفوثه

لـ انا داري بليل ولا بنهار
ولا داري بـ زعاقات نفوسه

وصحيت على صوتها يا ستار
قوم يلا عشان تطفح كوسه
،
رديت بين نفسي يا مختار
معقول تتجوز مهووسه

ده مفيش ف جيرانك ولا جار
بيصاحبك علشان منحوسه

بتشك تملي ف نسوانهم
علشان مدكوكه ومكبوسه

وبتضرب فيهم وعيالهم
وتنخور فيك زي السوسه
،
واتلففت وبصيت ليها
قومت لقيتها على الطبليه

حاطه مشنة عيش جمبيها
وبتاكل وتبرق ليـــــــــــــا

قولت الله يسامحك يا نزيهه
شكلك كنتي بتدعي عليا

إلا ما حد بيشكر فيها
ولا علشانها بيسئل فيا
،
وانت يا واد بقا طول العمر
هاتتنك ف الهم معبي

كل دقيقه عليك بتمر
تفضل تندم فيها وتبكي

وتشوف ويا نفيسه المر
وتقول أه يا نصيبي وبختي

ما تروح لام شفايف حمر
يمكن تبقا ايامك وردي
.

ده على أساس أنهم عايشين فى زريبة بهائم ،، أعزكم الله
للأسف أصبحت الفنون والآدب فى أقل مستوياتها الأخلاقية هذه الأيام
ويرجع الفضل فى ذلك للمخلوع المسجون الذى انعدمت فى عصره الرقابة على كل شئ
فخرج علينا الفن والأدب العشوائى مثل هذه القصيدة ولو أن هناك ماهو أسوأ منها بكثير
أختى لينا موضوع قيم وجزاكى الله خيرا على غيرتك على الأدب العربى