أختنا رانيا علي كرسي الإعتراف

نجمة كرسي الأعلامي رانيا نور الدين
اولا عتبي علي الإدارة لأني دخلت النهارده عشان أسألك ووجدت الموضوع مغلق ودخلت عشان أبارك ليكي عيد ميلادك لقيت الموضوع مغلق
وبعدين الموضوع دلوقت اتفتح لما مشرف ومراقبة حبو يسألواوطبعا مش من العدل انه يتفتح لما الكبار يسألوا ويغلق في وجه الأعضاء العاديين
عموما بعد اذنك هسأل
مين من الفنانات قريب من شخصيتك
العطر اللي بتفضليه
ازاي الواحدة تتغلب علي مشكلات اهل جوزها
لو لقيتي ابو اولادك بيفضل أخته عليك ايه رد فعلك
مين في المنتدي هنا حسيتي انه قريب من شخصيتك
اكتر موقف محرج اتعرضتي ليه في حياتك
هل شباب ورجال المنتدي هنا بيختلفوا عن المنتديات التانية ولا عادي
انكار الذات لدرجة إن الناس مش بتبقي حاسه بالواحد طبيعي ولا مش طبيعي
أشوفك بقي يا عسوله في مواضيعي الجاية
سلااااااااااااااااااااااااااااااااااااااااااام أممممممممممه

صفاء الروح كتب:: السلام عليكم و رحمة الله تعالى و بركاته

عودة من جديد

يا مليون هلا بالقمر

اختي الغالية الاستاذة رانيا نور الدين أهنئك لكل إجاباتك الراقية و الواعية

استمتعت حقا بقراءة الأسئلة و أكثر بقراءة الإجابات الرائعـة و سعدت جدااا و كلي شكر و امتنان

لأخي و استاذي أكرم عبد القوي لإتاحته للجميع فرصة التعرف على شخصية متميزة مثلك
جزاك الله خيرا
الحقيقة الحوار مع شخصيات ناضجة شيء ممتع جدااا
أبدأ مشاركتي بسؤال أعرف مسبقا إجابته و هو :

* هل الإختلاف في الرأي يفسد الود ؟
الاختلاف يخلق للموضوع جوانب اخرى ويفتح باب المناقشة وهذا رائع

بما أنني أعرف إجابتك أود أن أختلف معك اختي الغالية و مع اخي الفاضل استاذي الوتر السعيد

فلست ارى في القذافي اي حكمة بل اتفق معكما انه كان داهية ، فالطغاة ابعد ما يكونون عن الحكمة
و لا دليل على ذلك اكثر من إبادة شعب الجبل الأخضر منذ سنيين و قتل 1200 شخص في سجن ابو سليم لمجرد انهم عارضوه الرأي . فهو مجرم قاتل من ناحية و قد أفتى العلماء بكفره ايضا و خروجه عن الملة ، فقد غير في آيات القرآن ، و منذ عشرات السنين طلب شراء رفاث جمال عبد الناصر بملايين الجنيهات ليجعله مزارا يزار كما يزار قبر محمد حسب قوله . داهية مجنون بحب العظمة الى درجة ان يطوف في عمرة بالكعبة المشرفة حاملا كتابه الأخضر و يسعى في الصفا و المروة تاليا فقرات منه .
صحيح انا لم اعافيه من اي جرم ارتكبه ولكن....
هل من المعقول ان يقتل بهذه الطريقة
لا.....
لا يوجد زعيم على وجه الارض لم يرتكب جرائم في حق البشرية
لكن اشمعنى العرب اللي يتهانوا بالمنظر المشين ده
صدام والقذافي كانوا زي الشاه المذبوحة
دي كرامتنا احنا كعرب
ممكن يتحاكم ويتسجن او يتعدم بعد المحاكمة لكن
ميتعملش فيه كدة
وحقيقي انا عشت هناك 18 سنة عمري ماشفت ليبي مادد ايده لحد
او مش لاقي ياكل او بيشحت او مش عارف يتعالج
والتعليم كان ببلاش
وتعليم على مستوى عالي
وفصول نظيفة ومدارس جميلة
الواحد يقول اللي ليه واللي عليه
*************

و الآن لدي بعض الاسئلة أتمنى أن يتسع صدرك لها و لو انني وجدت أن الأخوة و الأخوات
ما شاء الله فيهم لم يتركوا اسئلة كثيرة :

1ـ بما اننا في منتدى والدنا الشاعر عبد القوي الاعلامي رحمه الله اود أن اسألك : هل تفضلين الشعر أم الخواطر ؟؟ و هل سبق لك أن كتبت في احد المجالين ؟
بصراحة انا ماليش في الشعر ولا الخواطر
انما ساعات بمر على خاطرة او شعر يستوقفني والاقي كلماته بسيطة ومعبرة
لازم اشكر صاحب الشعر لانه استطاع ان يجذبني وانا لا احب الشعر واعتبره بارع
وهنا فيه كتير قريت لهم وبهروني
بس انا عمري ماكتبت اي حاجة غير خاطرة واحدة
عبيطة اوي اسمها ولاحاجة

3ـ في خضم الحياة نمر جميعا يوما ما في مفترق طرق و نفكر مليا قبل تحديد اي الإتجاهات نسلك
ما الخيار الذي اتخذته و رأيت اليوم انه كان صائبا ؟ و آخر غير ذلك
سؤالك خطير اوي استاذة صفاء
اهم قرار اخذته وبتصميم بالرغم من معارضة امي
هو قرار زواجي
والحمد لله كان صواب
اما قرار اتخذته ولم يكن في الاتجاه السليم
هو التحاقي بكلية العلوم بعد الثانوية
وفشلت فيها والتحقت بكلية الاقتصاد المنزلي

4ـ طرائف حياتية تتذكرينها و تبتسمين او تضحكين و مواقف محرجة .
احلى اوجمل الطرائف والمواقف المحرجة هي التي تعيشيها مع اولادك
وتضحكين من قلبك فعلا عندما تستمعين الى تعليقاتهم البريئة
يعني ابني عبد الله ربنا يبارك لي فيه
بيقتلني من الضحك لما بيتناقش معايا

5ـ رأيك فيمن يصف العلمانية بالحداثة و الإنحلال الخلقي بالمعاصرة و التقدم .
لا حول ولا قوة الا بالله
اي حداثة التي يتكلمون عنها
واعوذ بالله هو الالحاد وللاسف كترت المفاهيم القذرة دي عندنا في مصر
واخرها البنت بتاعت 6 ابريل حسبي الله ونعم الوكيل
ايات الله موجودة في كل تفاصيل الحياة ولكن ربنا جعل الغشاوة على اعينهم
لو فضل الله على المسلمين بنعمة الايمان والاسلام لاصبحنا
مثل الانعام

6ـ كل منا أخذ في طفولته تطعيما او حتى في كبره : ما الأشياء التي تودين أن يكون ضدها تطعيم في الزمن الحالي لكل من :

سؤال رائع مثل صاحبته

ـ أطفالك
تطعيم ضد خوف
ـ الشعب المصري
تطعيم ضد تخريب العقول

ـ المسلمين بصفة عامة
تطعيم ضد التشتيت
أكتفي بهذا القدر و اشكرك جزيلا لصبرك و اتساع صدرك و أهنئ نفسي لنيل شرف التعرف
عليك اختي رانيا عن قرب من خلال ردودك و أنت بدون مجاملة شخصية محببة تدخل القلوب بسرعة و استفدت كثيرا من إجاباتك الواعية و روح الصفاء و النقاء الذين وهبك الله اياهما .
اسئلتك تمتاز بثقافة عالية
وفهم للحياة
والشرف لي انا اني اتعرفت على انسانة جميلة مثل اسمها
تقبلي خالص الود و التقدير و الاحترام

مع اجمل وارق تحياتي

محمد عبد القوى كتب:: الاستاذة الفاضلة رانيا عفوا للتاخير وعدم المشاركة مؤقتا

لتلاحق الاحداث الجارية

ولى عودة ان شاء الله

اهلا وسهلا
استاذ محمد
انا بشكر حضرتك على الاهتمام
وكفاية ان حضرتك منورنا

ولاء سيد كتب:: نجمة كرسي الأعلامي رانيا نور الدين
اولا عتبي علي الإدارة لأني دخلت النهارده عشان أسألك ووجدت الموضوع مغلق ودخلت عشان أبارك ليكي عيد ميلادك لقيت الموضوع مغلق
وبعدين الموضوع دلوقت اتفتح لما مشرف ومراقبة حبو يسألواوطبعا مش من العدل انه يتفتح لما الكبار يسألوا ويغلق في وجه الأعضاء العاديين
انا اعتذر لك حبيبتي والله انا معنديش خبر لاني لم ادخل المنتدى بعد الساعة 12 ظهرا
ويشرفني معرفتك ومداختك الجميلة واهلا وسهلا بك

عموما بعد اذنك هسأل
اتفضلي
مين من الفنانات قريب من شخصيتك
امل عرفة
العطر اللي بتفضليه
كريستيان ديور
ازاي الواحدة تتغلب علي مشكلات اهل جوزها
لو بيحبوا بعض هيقضوا على اللي اكبر من كدة
الحب والمودة يعمل كتيييير
لكن لو مافيش حب يبقى الصبر على الابتلاء
لانه الزوج هواللي بيدخل الجنة او النار
لو لقيتي ابو اولادك بيفضل أخته عليك ايه رد فعلك
هقولك على حاجة
الزوجة بتحب اخواتها واهلها من قبل ماتشوف زوجها
وبرده بتحب اهلها زي ماهو بيحب اهله
يبقى مافيش حد احسن من حد
الزوج هيتحاسب على اهله وصلة الرحم
واخته مسئولة منه
ولازم الزوجة تعين زوجها على طاعة الله
عشان البركة ماتتطلعش برة البيت
مين في المنتدي هنا حسيتي انه قريب من شخصيتك
ام البنات وصفاء الروح

اكتر موقف محرج اتعرضتي ليه في حياتك
مرة عطلت مني العربية ولاول مرة في نص الشارع
حسيت اني عاوزة الارض تبلعني
وكنت عاملة ازعاج للبشر
بس الحمد لله لقيت الف اخ واقفين جنبي
بارك الله فيهم
هل شباب ورجال المنتدي هنا بيختلفوا عن المنتديات التانية ولا عادي
هم اكثر ثقافة وخلقا واحتراما

انكار الذات لدرجة إن الناس مش بتبقي حاسه بالواحد طبيعي ولا مش طبيعي
انكار الذات جميل والتضحية حلوة انا اول واحدة افضل بيتي عني
بس.....لازم يبقى ليا كيان ولازم احس اني ليا دور بيتقدر من الاخرين
مش لازم عشان اضحي اتمسح من الصورة واني احب نفسي
لازم يكون ليا شخصيتي وقرارتي وحياتي

أشوفك بقي يا عسوله في مواضيعي الجاية
سلااااااااااااااااااااااااااااااااااااااااااام أممممممممممه

انتي اللي سكرة وشرفتنيني
وسعدت بمعرفتك

رجعت والرجوع أفضل
شوفي حضرتك بقي أسئلة الثانوية دي
كل الدكاترة بنكرههم دا بعد إذن الدكاترة اللي هنا ابن سينا ووليد فضل ومحمد أحمد واللي انا مش فاكهم واللي معرفهومش كلهم حبايبي لكن يعني اقصد الناس كلها بتكره الدكاتره
ايه اكتر تخصص بتكرهيه موت
بتحبي صيد السمك
طيب كل الناس بتحب القطط والأرانب إلا حضرتك إشمعني دي القطط والأرانب هاديين
طيب الكلاب تخوف وانا واحد من الناس بترعب منهم وحضرتك بتحبيهم ليه
صناعة نفسك مصر تدخلها بقوة
بتقفي ساعة الدبح في العيد الكبير
بتنضفي حاجات الدبح بنفسك وخصوصا ( الكرشه )
لو عزمت نفسي عندكم وقلت لك انا ماشي بعد نص ساعة ممكن تعملي ايه غدا يطول رقبة سيادة العقيد في النص ساعة دي
كفايه كده حرام بقي كتر ألف خيرك والله

حماده قرني صلاح كتب:: رجعت والرجوع أفضل
شوفي حضرتك بقي أسئلة الثانوية دي
كل الدكاترة بنكرههم دا بعد إذن الدكاترة اللي هنا ابن سينا ووليد فضل ومحمد أحمد واللي انا مش فاكهم واللي معرفهومش كلهم حبايبي لكن يعني اقصد الناس كلها بتكره الدكاتره

اهلين حمادة كيفك
والله انا مش بمل منكم ابدااااا

ايه اكتر تخصص بتكرهيه موت
الاسنان

بتحبي صيد السمك
عمري ما اصطدت ولا سمكاية
طيب كل الناس بتحب القطط والأرانب إلا حضرتك إشمعني دي القطط والأرانب هاديين

لا بخاف من ملمسهم جداااا
بحس ان جسمهم بيكهرب
لكن الكلب طيب وحبوب ومش غدار
وعلى فكرة انا مربية سلاحف برده
وبحبهم موت
طيب الكلاب تخوف وانا واحد من الناس بترعب منهم وحضرتك بتحبيهم ليه
بص الكلب هو الحيوان الوحيد اللي لما تربيه يبقى وفي لك عمره
يعني كلبتي لي لي مش عاوزة اقولك كانت روعة تستناني الصبح لما اصحى وتفضل تتنطط
وتبقى سعيدة ولما اجي من برة الاقيها بتعمل فرح
وابني كان بيحط ذراعه في بقها ماتقدرش تعضه ابدااا

صناعة نفسك مصر تدخلها بقوة
نفسي مصر يكون فيها كل الصناعات
تخيل احنا بنستورد كل حاجة من كوريا والصين
حتى الاساتيك معندناش مصنع ليها
والله حاجة تضحك
احنا عندنا موارد وخامات وكنوز
وكمان عندنا طاقات بشرية جبارة
ممكن نعمل المعجزات
بس امتى !!!...الله اعلم
بتقفي ساعة الدبح في العيد الكبير
خالص.....العيد اللي فات سبتهم ودخلت البيت وبعد خمس دقايق ابني دخل بيبكي
وحزين على الخروف اللي اندبح
وبكيت وراه
ومرضيناش ناكل منه
بتنضفي حاجات الدبح بنفسك وخصوصا ( الكرشه )

بصراحة لا انا مقدرش ممكن يغمى عليا
لو عزمت نفسي عندكم وقلت لك انا ماشي بعد نص ساعة ممكن تعملي ايه غدا يطول رقبة سيادة العقيد في النص ساعة دي
يا سلام انت تنورنا
ممكن اعملك وبسرعة مكرونة بالمشروم والكريمة
وبيكاتا
وسلطة كلوسلو
وسلطة بنجر
كفايه كده حرام بقي كتر ألف خيرك والله
لييييييييييييييه
ماتكمل هههههههه
بجد ربنا يسعدك يا حمادة
واتمنى لك التوفيق من الله ورضاه
زي ما رضيت والديك

وبيكاتا
وسلطة كلوسلو

الحاجات دي بتتاكل ولا بتتعلق علي الحيط

لا يا استاذه انا غيرت رأيي وإن جيت ليكم هبقي آكل من عربية الفول
ولا معندكمش كمان عربية فول عشان تبقي كملت
انا أبقي آجي صايم وأريح الصيف من الشتا

نور عايز يتفرج على الماتش
وهبة عايزة تتفرج على على المسلسل
وعبد الله عايز يتفرج الكارتون
وعمو أبو نور عايز يشوف آخر الأخبار
وحضرتك عايزة تتفرج على برنامج الشيف فلان
ومفيش إلا تلفزيون واحد
ياترى بتتصرفى ازاى

هل شباب ورجال المنتدي هنا بيختلفوا عن المنتديات التانية ولا عادي
هم اكثر ثقافة وخلقا واحتراما

أستاذه رانيا
هذا كلن سؤال من احدي الاخوات ودي كانت اجابة حضرتك عليه
والقول بدون دليل يعتريه شبهة مجاملة فما هو دليل حضرتك علي هذه الاجابة
رجاء تفهم سؤالي هذا ليس هجوم ولكن سؤال لاستخراج الدليل المادي علي طريقة سقراط

أنا أسفه رجعتلك تاني لأني بصراحة استمتعت بالكلام معاك
وعجبني أوي طريقة ردودك وامتصاصك لأي سؤال ممكن يزعل عايزه الجد
انا اتعلمت منك في الموضوع ده كتير لأني نرفز بس انت ماشاء الله عليك تقدري تفيدي اللي قدامك

طببعا اكي اتعاكستي بدال المرة ألف مره وخصوصا وانا متأكدة انك زي القمر
تعملي ايه لو اتعاكستي وفجأة لقيتي اللي بيعاكسك واحد قريبك ومكنش عارفك
تملي ايه لو زوجك ضبطتيه بيعاكس واحده انا عارفه انه راجل عسكري ومنضبط وعلي خلق وبيحبك ومش ممكن تكون اخلاقه كده لكن انا بفترض مش اكتر وهيكون رد فعلك ايه
طيب لو اكتشفت ان زوجك بيعاكس صاحبتك
لو اكتشفت صاحبة عزيزة عليك ولا جارة كنت فكراها محترمة بتعاكس زوجك
لو هيزعلك اي سؤال من الأسئلة دي يبقي بلاش تجاوبي وانا مقدرة اكيد

» عيد ميلاد أختنا رانيا نور الدين
» الأستاذ محمد رمضان علي كرسي الإعتراف
» مفاجأة كرسي الإعتراف الأديب أكرم عبدالقوي
» مباركة لخطوبة أخت أختنا نوران
» عملاقة الفكر والقلم أختنا زاهية الروح والنفس