أختنا رانيا علي كرسي الإعتراف

هلا فيك أخت رانيا

بتظني أديش مصر بتظل فالهرج حتي بترجع سالمه

تقديري لشخصك

حماده قرني صلاح كتب:: سؤال محرج لحضرتك
أنت ليه مش مشاركة في اجتماعيات المنتدي يعني مثلا لما سألوك أنت ليه مجتيش أي ندوة قلتي محدش دعاني يا سلاااااام طيب ماهو يا أستاذه الدعوة بتبقي عامة في المنتدي والكل بييجي من كل حتة فمصر
ولما انا اتحاكمت محاكمة عسكرية في الثورة الكل وقف جنبي والكل عرض خدماته إلا حضرتك مع اني كنت في أيام سودة الله لا يعيدها
يبقي حضرتك مقصرة ولا لأ اعترفي يا استاذه البيه المخبر مقاس أيده 55 واسأليني أنا هههههههههههههههاي

ولا محرج ولا حاجة
ببساطة شديدة جداااا
انا بقالي فترة طويلة جدا كنت منقطعة عن المنتدى
ومعرفش العرف السائد فيه
يعني مثلا انا في المنتدى اللي بشتغل فيه لو فيه اجتماع او ندوة بيبلغوني برسالة
او تليفون
ولا اعرف بجد ندوات المنتدى الاعلامي تدار فين وفي اي محافظة
وحقيقي لو كنت عرفت بظروف اخي حمادة كنت مش ممكن اتأخر لمساندتك مثلي مثل الاخوة الافاضل
اللي ساعدوك وكنت نلت الشرف ده

هاااااااااا
اي اسئلة محرجة
واضح انك مستنصدني
يا حمادة وانا طويلة البااااااااااااااااااااااااااااااااااااااااااااااااااال
جدا

شموخ السلطنة كتب:: هلا فيك أخت رانيا

بتظني أديش مصر بتظل فالهرج حتي بترجع سالمه

تقديري لشخصك

ياهلا فيك خوي
اعتز بتقديرك واشكرك جزيلا

مصر طول عمرها بتدخل ازمات اكتر من دي
وبفضل الله بتخرج سالمة ومرفوعة الراس
كل المسألة
محتاجين نعرف اللي معانا واللي علينا وبيحاول يخرب
ومستني الفرصة للهجوم على اولادها وافكارها وتراثها
عشان يمسحها
ان شاء الله لنينال منا احد
ونصر الله قريب

لا والله انا عمري ما أستقصد حضرتك أنا بس بحب أنكش الناس اللي بعتز بيهم وأهزر معاهم وحضرتك أخت عزيزة
لكن مايمنعش إني مش هسيبك في حالك إلا لما تجاوبي علي السؤال ده
كده ممكن أسيبك وأمري لله وأشوف حد غيرك أرزل عليه ههههههههههههاي

اشمعني معهد السينما يعني
ولو فيه قدامي عروسه من خلال النت اتجوزها وأمري لله ولا ممكن تطلع مقلب يطلع من نافوخي

ولو اتعرض علي حضرتك وزارة تختاري وزارة ايه
وواضح إن حضرتك لفيتي العالم بس ده كان علي حساب معرفة بلدك يعني واضح إن حضرتك مزرتيش أماكن كتيرة في مصر
وشيء لو سمعتيه أو شوفتيه تبكي علي طول من غير سبب أغنية أو أي شيء
ودمعتك قريبة ولا عزيزه
وانت من النوع اللي يفكر في الاجابة ولا بيجاوب علي طبيعته من غير تفكير

معلش يا استازه استحمليني

حماده قرني صلاح كتب:: لا والله انا عمري ما أستقصد حضرتك أنا بس بحب أنكش الناس اللي بعتز بيهم وأهزر معاهم وحضرتك أخت عزيزة
لكن مايمنعش إني مش هسيبك في حالك إلا لما تجاوبي علي السؤال ده
كده ممكن أسيبك وأمري لله وأشوف حد غيرك أرزل عليه ههههههههههههاي

انا عارفة بس حبيت انكشك انت كمان انت زي اخوتي
اشمعني معهد السينما يعني

طول عمري كان نفسي اطلع مخرجة افلام وثائقية
لان بحب النوع ده من الفن وكما الافلام الروائية
واحب ابتكر فيها
ولو فيه قدامي عروسه من خلال النت اتجوزها وأمري لله ولا ممكن تطلع مقلب يطلع من نافوخي
اكيد هتروح تشوفها
مع اهلك زي اي عروسة ممكن تعرفها عن طريق الخطبة

ولو اتعرض علي حضرتك وزارة تختاري وزارة ايه
لا مش هختارولا وزارة وبجد دي مسئوليه ناس وهتحاسب على ايخطأ من ربنا
وواضح إن حضرتك لفيتي العالم بس ده كان علي حساب معرفة بلدك يعني واضح إن حضرتك مزرتيش أماكن كتيرة في مصر
لا ملفتش العالم ولا حاجة انا كنت عايشة في ليبيا ورحت تونس ومالطا ترانزيت 8 ايام بس
وشيء لو سمعتيه أو شوفتيه تبكي علي طول من غير سبب أغنية أو أي شيء
دموع راجل مسن
ودمعتك قريبة ولا عزيزه
خفيفة جدااااااااااا
وانت من النوع اللي يفكر في الاجابة ولا بيجاوب علي طبيعته من غير تفكير

اشهد الله اني بجاوب اللي في قلبي على طول دون ادنى تفكير

معلش يا استازه استحمليني

والله ابدا انا كنت بهزر معاك وانت روحك حلوة
يعني انا مستحملة اخواتي وبيعملوا معايا مواقف اكتر من كدة

أهلا وسهلا بالكريمة بنت الكرام

ممكن أسألك

ما هو الاستايل الذي تفضلين ارتداؤه

كيف كان والدك معك

وكيف كانت والدتك معك

وكيف كان اخوتك

هل أولادك الآن مثلك أنت واخوتك زمان

ماذا نقولي لمن يري عيب في قبادة المرأة للسيارة

منذ كم وأنت تقودين السيارات

ما هي الأون التي تحرصي عليها في ملابسك

ما هي الألوان التي تبتعدين عنها في ملابسك ومفروشاتك

هل زوجك قريبك أم ابن قريتك

أختي .. ملحوظة .. لو رأيت أي إحراج لأي سؤال . ولا كأني كتبته

ندخل في الموضوع من بعد طبعا ترحيبنا بالغالية مشرفتنا رانيا

كونك زوجة رجل عسكري ألم تشعرين بالفراغ
هل لك مشاريع تجارية
لو جاء ابنك وطلب الدخول للعسكرية هلتوافقين
يا تري هل الجيش الآن ظالم ولا مظلوم من وجهة نظرك الشخصية
ما الفرق بين ضابط الجيش وضابط الشرطة من كل الوجوه

شكرا كابتن أكرم علي هذه الهدية

أسجل اعجابي بطريقة الإجابة وأشكرك علي انك كنت وش السعد علي عودة كري الأعلامي مره أخري

همسة عتاب توجهيها في المنتدي لمن

وهمسة عتاب توجهيها في حياتك لمن

بلغة الأغاني نتكلم

انت عمري تقوليها لمين

بلاش عتاب لمين

يابو ضحكة جنان - لمين
بلاش اللون دا معانا - لمين تقوليها
ياظلمني - لمين
والنبي لنكيد العزال - لمين

شكرا لك وللإدارة

nasertoba كتب:: أهلا وسهلا بالكريمة بنت الكرام

اهلا وسهلا بك nasertoba
الكرم ده كرم اخلاقك

ممكن أسألك
اتفضل

ما هو الاستايل الذي تفضلين ارتداؤه
انا محجبة افضل الاستيلات الكاجوال لاني تساعدني على سهولة التنقل
كيف كان والدك معك
والدي ادام الله صحته وعافيته كان اب حنون لم يضغط عليا في اي شيء ولا حتى في اختياري لزوجي
رجل واعي ومثقف
لو تعرف دور حمد غيث في ذاب الجبل كأب هو نفس الشخصية بس الحمد لله مفتح
وكيف كانت والدتك معك
طيبة وتعبت علينا كتير ربنا يبارك فيها بس كانت شديدة جدا
وماعندهاش تفاهم القرار...قرار لارجعة فيه معنا كأبناء
وكيف كان اخوتك
اخوتي اصغر مني واولاد الى الان بعاملهم كاولادي مش اخواتي
هل أولادك الآن مثلك أنت واخوتك زمان
بصراحة!!..لا هما حاجة تانية وربنا يهديهم
ماذا نقولي لمن يري عيب في قبادة المرأة للسيارة
اولا ليه العيب في ان تقود المرأة سيارة!!
ماهو في الغيط المرأة تركب الدابة لكي تنجز اعمال الفلاحة وشئون حياتها
ايه الفرق!!!!
منذ كم وأنت تقودين السيارات
منذ 3 سنوات
ما هي الأون التي تحرصي عليها في ملابسك
احب كل الغوامق
ما هي الألوان التي تبتعدين عنها في ملابسك ومفروشاتك
الفواتح اوي لا احبها
هل زوجك قريبك أم ابن قريتك
ليس بقريب ولا من نفس القرية
أختي .. ملحوظة .. لو رأيت أي إحراج لأي سؤال . ولا كأني كتبته

الاسئلة عادية جدا ولا يوجد فيها ما يحرج
واهلا بك مرة تانية وسعد بمعرفتك

» عيد ميلاد أختنا رانيا نور الدين
» الأستاذ محمد رمضان علي كرسي الإعتراف
» مفاجأة كرسي الإعتراف الأديب أكرم عبدالقوي
» مباركة لخطوبة أخت أختنا نوران
» عملاقة الفكر والقلم أختنا زاهية الروح والنفس