فساد النظام
أصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم
ياعم تيفه
يا أبو شال قطيفه
خصخصت بيتى
بحركة ظريفه
بعتوا لى مالى
من فقر حالى
وكان اللى شارى
عز وتيفه
الصوت دة صوتى
من قبل موتى
خطفوا منى قوتى
شالها حبيبك
الوالى يوسف
مملوك آرارى
بلع فى زورة
فدادين غيطانى
علا فى كيله
نقص نصابى
حرق سنابلى
ولا حد دارى
حاصر قلوبنا
بسم هـارى
ماهو برضه منكم
راضع حليبك
والمشي طاب لي
والدق على طبلي
ناس كانوا قبلي قالوا في الامثال
الرجل تدب مطرح ماتحب
وانا صنعتي مسحراتي في البلد جوال
حبيت ودبيت
كما العاشق ليالي طوال
وكل شبر وحته من بلدي
حته من كبدي حته من موال
اصحى يانايم
وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق
رمضان كريم
موضوع: مسحراتى 25 يناير ... 15 
15/8/2011, 22:47
