مسحراتى 25 يناير
أصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم
مسحراتى منقراتى
وبأيدى صوتى
وعصاية تزعق
ماتخفش موتى
ولا محابس
ولا سجان
سرور عنيهم
ورا المصاطب
حاضن أديهم
قاعد يراقب
طالع ونازل
مسرح مهازل
قطع وريدى
غمطت عينى
فصل قانونه
على مقاسى
ده حديدة حامى
والناس تقاسى
وعفريته جالس
داخل المجالس
خنـق رقبـتى
بقوانين محابـس
كتف لى يدى
ولا هوه حاسس
يادنيا زيدى
ماهواش بكيفى
ولاهوش بيدى
رجع لى عيدى
وخليك فى صفى
ماسك المطارق
بقانون طوارئ
ع الخلق طالق
عسكر تقلشى عبيد
دة أمن دولة
وبدمى آولىََّ
وكلامة ماشى
يقول مواشى
لايهمة واقف
ولا اللى ماشى
فقير مالهش رصيد
والمشي طاب لي
والدق على طبلي
ناس كانوا قبلي قالوا في الامثال
الرجل تدب مطرح ماتحب
وانا صنعتي مسحراتي في البلد جوال
حبيت ودبيت
كما العاشق ليالي طوال
وكل شبر وحته من بلدي
حته من كبدي حته من موال
اصحى يانايم
وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق
رمضان كريم
موضوع: مسحراتى 25 يناير ... 14 
13/8/2011, 23:54