أكرم عبد القوي رئيساً للوزراء !!!

لم أصدق نفسي عندما همس عمو حولان في اذني (أقصد في عيني )أن اخي وصديقي العزيز اكرم عبد القوي قد تم إختياره رئيساً للوزراء ولأني أعلم أن الرجل
لا يسعي لمنصب أو خلافه فقد توقعت أن الضغوط عليه كانت أقوى من أن يرفضها وطبعاً إحنا عارفين الإحراج اللي ممكن نتعرض ليه دلوقتي ولكن كما يقال قطع صديقي العزيز الشك بالسكين وتلقيت منه ميسد كول أسرعت على اثرها للقاؤه.
أكرم عبد القوي : إيه اللي أخرك ؟
الجواد البري : ميدان التحرير مغلق ومترو الأنفاق العمال عاملين إضراب ، وهيئة النقل العام ما فيش سولار!!!!
اكرم عبد القوي بعد نفاذ صبره : وعربيتك ؟
الجواد البري : إتسرقت من يومين وجيت مشي ، عرفت إيه اللي أخرني ؟؟
أكرم عبد القوي بضيق : طبعاً يمكن الأخبار وصلتك وإني بقيت رئيس للوزراء.
الجواد البري بفرحة : مباااااارك
أكرم :وطي صوتك الله يكرمك الكلمة دي ما تتقالشي تاني ،الموضوع كله جه صدفة وانا مش فاضي والمشكلة الحقائب الوزارية اللي معايا.
نظرت للرجل بدهشة فلم يكن بيده أي حقائب تُذكرولابد إنه قد لاحظ دهشتي فبادرني بسرعة :
أقصد تعيين الوزراء ولذلك عاوز أخد رأيك.
الجواد البري : وقنديل؟
اكرم : ده خلاص إنطفى وأديك شايف الإعلام وانا علشان إعلامي إختاروني.
الجواد البري : اه فهمت !!!
أكرم : شوف يا سيدي حماده صلاح للشباب والرياضة وده حيظبطها.
الجواد البري : تمام يا ريس.
اكرم : عمو حولان لوزارة الصحة وده حيطهرها من الفساد.
صمت قليلاً فالرجل من جهة التطهير حيطهرها خالص.
أكرم : وعمو طرشان حياخد الداخلية علشان ما بيسمعوش الكلام
الجواد البري : وجهة نظر غريبة شوية ولكني وجدتها فرصة طيبة للتخلص منه وإحتسابه شهيداً عند الله بدل أذيته لي في قصصي السابقة.
أكرم : وحأمسك يسري بيه وزارة العدل.
الجواد البري : يا سلام عليك عين العقل.
اكرم وهو يدمع : لكن فاضل لي وزارة وشايف إنك أصلح واحد ليها.
إبتسمت وعانقت الرجل فأكرم صديق عزيز وكنت عارف إن الراجل لما يوصل مش حينسى اخوه الغلبان وإن المناصب عمرها ما حتغيره.
اكرم : إخترت لك وزارة النقل !!!
هنا سالت دموعي وعرفت جيداً إني قد فقدت صديقاً غالياً غيرته المناصب فأراد التخلص مني بطريقة مهذبة.
أبو مازن

ا

هههههههههههههههههههههههههههههههههه ومالها وزارة النقل
دي كفاية بس عليك القطارات وبلاويها ويبقي كل يوم اسمك في أخبار الحوادث
ههههههههههههههههههههههههههههههههههههه
قصة ممتعه من أديب متمكن

أحم أحم
وفين وزارات المرأة اللي أمسكها
شكرا علي هذه القصة الجميلة التي جعلتني أضحك لها من كل قلبي رغم حزني الشديد

فين ايامك يا أستاذ محسن ايوا كده فين قصصك الشيقه والخفيفة من زمان اللي كلنا بنلتف حواليها

dinamet كتب:: هههههههههههههههههههههههههههههههههه ومالها وزارة النقل
دي كفاية بس عليك القطارات وبلاويها ويبقي كل يوم اسمك في أخبار الحوادث
ههههههههههههههههههههههههههههههههههههه
قصة ممتعه من أديب متمكن

هههههههههههههه
ربنا يكفينا شرها وحد غيري يمسكها
سعيد بتواجدك الراقي

هههههههههههههههههههههههههههههههههههههاي
لا مش لاعب ياباشا
شباب ايه ورياضة إيه اللي أمسكها
أنا عايز أمسك وزارة المالية عشان أكون نفسي واتجوز بقي
هههههههههههههههههههههههههههههاي

رهيب يابو مازن ورجعوك شايل مفاجآت حلوة ورهيبه يارهيب

قصه جميله تحمل أكثرمنمدلول عندي مثل حرفيتك في الأدبية وكمان افكاركالجديدةالمدهشة
ومدلول ايضا مدي متانةالعلاقاتالانسانية بينك وبين كل اعضاء المنتدي

طبعا مش غريب علي أديب كبير مثلك هذه التحفة الأدبية

رنة خلخال كتب:: أحم أحم
وفين وزارات المرأة اللي أمسكها
شكرا علي هذه القصة الجميلة التي جعلتني أضحك لها من كل قلبي رغم حزني الشديد

هههههههههههههه

ويحصل لك زي ما حصل مع تهاني الجبالي

أعتقد البيت هو أفضل مكان للمراة حالياً

لك وافر الود والتقدير

صافى شان كتب:: فين ايامك يا أستاذ محسن ايوا كده فين قصصك الشيقه والخفيفة من زمان اللي كلنا بنلتف حواليها

ان شاء الله أعود لكم وكما ترى الأن في أجازة نصف العام يعني اي فرصة تسنح لي اكون متواجد بعون الله

ودايماً لكم كل الحب والتقدير

تمنياتي وأمنياتي أخي العزيز

لي عودة تليق بمقامك

بس أشوف شغلي في المليونية بتاع بكرة دي

أنت عارف بقي مهام رئيس الوزراء

» شكرا استاذنا واديبنا المحترم أكرم عبد القوي
» اعمال أحمد رجب(هديه للاستاذ أكرم عبد القوي)
» لو كنت رئيسا للوزراء
» فتح وحماس تتفقان علي تعيين محمد مصطفي رئيسا للوزراء
» ياسر عرفات كان رئيساً بلا أرض