أكرم عبد القوي رئيساً للوزراء !!!

الشاعر الأديب محسن
أنضم لصفوف محبي قلمك وطبعا الشرف ليا

أكرم عبد القوي كتب:

لي عودة تليق بمقامك

بس أشوف شغلي في المليونية بتاع بكرة دي

أنت عارف بقي مهام رئيس الوزراء

أنتظرك حتهرب مني فين

تحيتي

أكرم عبد القوي كتب:

وأخي وصديقي الملك

جواد الأدب العربي

عذرا تأخرت كثيرا فكما تعلم رئاسة الوزراء وتبعاتها من تدبير الخرطوش اللازم
لدك حصون وفقأ عيون المتظاهرين الأشرار .
وكذلك دعم وتوفير الطوب والنبال
لتتأديب وتهذيب جهاز الشرطة الجبار
يعني بلعب علي والونجين يابو مازن
هي السياسة كده
تعطي نقود لهذا وبنفس الوقت تدعم خصمه

أخي الملك
لا مانع من تكفير الفن مع الوضع في الاعتبار التعاقد بأقصي سرعة مع طاقم راقصات لإحياء فرح ابنتي أ وابني
هكذا السياسة

ولكن
ربك والحق وكلمة من قلبي
اكتشفت أن الإخوان ( رغم عدم قابليتي لهم في أمور كثيرة ) إلا أنهم مظلومين
لأقصي درجة في كثير من الأمور
ومرسي مجني عليه في كثير من الأمور أيضا
وكل ما هنالك لن أقول قلة خبرة بل أقول انعدام خبرة بالسياسة والاعلام
كانوا بارعين في إدارة الشركات أما إدارة البلاد فكان لابد لهم من إعداد جيد لهم
هكذا أبانت لي رئاسة الوزراء علي صفحتك الوزارية


وصدقني
لن ينصلح حال البلد إلا إذا توليت أنا رئاسة الجمهورية وأنت تتولي ملك الجمهورية
تيجي ازاي .معرفش ... دا نظام جديد افتكساوي
وهو إن مصر تبقي جمهورية ومملكة بنفس الوقت
( مملكة جمهورية مصرالعربية )
ودا نظام ممكن يجيب لنا قرش كويس علي أساس إن طوب الأرض هيضحك علينا
وبالتالي يبقي حس القذافي لسه في الدنيا وممكن نوفر دعم لوجيستي لمملكة الجمهورية
من خلال بقية الأشقاء المناضلين في كل المستشفيات العقلية علي مستوي العالم

أخي الملك

دائما ما تبرهن للجميع بأن مملكتك الأدبية لا يمكن أن يطالها ربيع الحدثة العربي

ههههههههههههههههههههههه

ما هو لو قلت إنك رئيس لمصر كانوا قالوا إني عاوز اوقع النظام وإنت عارف النظام الأي سي بتاعه غالي ويا ريته موجود

إخترتك رئيس وزراء بدل قنديل قلت اديك منورنا وانت أولى تقوم تحطني في النقل والحركات ،كده كتير

ولعلمك الريس صعبان عليا انا كمان ، كفاية يا راجل انه بيقنع العالم كله ان مصر بخير وفيها ديمقراطية وما حدش مصدقه ، تصدق ده عالم أهبل.

في البداية قبل الثورة كنت اعتقد مبارك بيتأخر في اصدار القرارات عشان الشوارع زحمة ودلوقتي اكتشفت ان الريس بيتأخر في قراراته علشان لازم تعدي

على شعبة الرياسة بالاخوان علشان يمضوا عليها ويقروها وتخيل بقى لو واحد نايم ولا بياكل نزعجه ليه؟ نسيب مصر تولع والناس تموت علشان منتظرين

كم توقيع كده!!! ما هو احنا عندنا 90 مليون لو ضحينا بنصهم أهم كفرة وعلمانيين وليبراليين ومفتكسين وعيال بتضرب ترامادول وكنتاكي والمهم الاخوان

يعيشوا.

وما اكذبش عليك انا قررت تأميم منتديات الاعلامي وبيعها لقطر يعني إنسى وفيه فلوس حلوة جاية وأهي فرصة ياخدوا معاهم حولان وطرشان واللي انت شايفهم

مضايقيينك.

سؤال بس بأسأله لنفسي : الناس اللي بتضرب في الشرطة وبتحرق وبتخرب هل هم مصريين.؟؟

بغض النظر عن انتماءاتهم لا يمكن ان يكونوا اصلا ادميين ويضربوا مصري زيهم او حتى كائن حي بتلك الصورة ، لا ادافع عن الشرطة كأفراد ولكن ككيان

ماذا سيحدث لو هدمناه؟؟

المهم يا ريس انا قاعد دلوقتي مع شيخ وبيقول مصر معمول لها عمل ان النظام ما يستقرش والرئيس كل يوم يبقى ف حتة وبلد وكاره الاتحادية

فقلت نروح انا وانت نضرب لنا يومين هناك واللي يصحى بدري يمسك البلد

تحيتي لك حتى القاك في الاتحادية.

ملحوسة هامة : أقصد ملحوظة

يا ريت تتنكر في زي البلاك بلوك عشان اعرفك ههههههههههههههههههه

إذا تلاقت أقلام الملوك في صفحة ماذا أقول أنا
صفحة تتاقل بالدهب