قصبده بعنوان (بحاول أتفادى نفس المطب )

بحاول أتفادى نفس المطب
قصبده بعنوان (بحاول أتفادى نفس المطب ) 10

مش بحاول انتحر

انا كنت ماشى جوه شارع عتمه خالص
قلت أحاول يمكن الحق ضحكتى
قبل ما تركب المترو .. وتخلع .. قلت احاول
يمكن اتفادى المطب
معرفتش
التقنى جوه راسى .. ابتديت اهدى من اعصابى حبه
اشرب نصايح تلج خالص
واتكل على كام جونتى ..
لما اسلم على البشر
واترسم فوق البيبان
طياره زرقه .. وحمامه بايضه جوه غار
وكعبه ملفوفه بهياكل
حج مبرور السنادي .. واللى جايه .. واللى جايه
كنت منلزوق عالكاسيت تكت استيراد
الصناعه مش فاكرها ..
اعتقد meed in japan
اداريت مالقصف لما انتهى
واشتريت علبة سجاير امريكانى
واتعايقت بضحكتين (لجون كيلى )
نفسى اتفادى المطب .. ومتشنكلش فيه
خبطت عالباب
- مين
- مين اللى بيخبط
-.....................؟
معرفتش ..
من وقت احمس والبلاستيك سايح وبينقط في مخى
الشيخ بيلعن الفرعون ويضحك
- يلعن ابوك

- الله يسامحك

انا ماشى جنب الحيطه ما بتشاكلش
والساعه سبعه بنسحب .. اطفي دماغى
عشان اشوف الاسماعيلي بيلاعب الزمالك
يعنى متظيت توماتيك
الدش كان متعمد انه يخضنى
- بص .. انا هشتكيلك منى
- ................
انا كنت زمان زبون دلوقتى بقيت زبون
نفسى اتاجر في الفيران
بس اللدمغه مقروضه جاهز
الشاويش يشيل عربيةالقوطه يقلبها على جنب الرصيف
- مش قصدى .. دست على قلبك فعصته
- ................
- حاسب ياعم .. ده ما كانش قلبى
- ............
والله بحاول لسه اتفادى نفس المطب
- الفاتحه ليهم
- ....................
مدرس التاريخ بيفتح شنطه
ويطلع قرد متفرنج ببدله سبور
وأرنب بياكل في العيال النونو خالص
ويقرمش الشبسى بضراوه
وصوره باهته ممسوحه من عند الدماغ
واضح انها تشبهه
يدفن دماغه جوه التخته
ولما يقوم يمشى من غيرها ببساطه
يخش في الـ play stion ..
مصارع غبى . بيحركه .. عيل غبى
الصفحه لسه مانتهتش
لسه ياما تقدر تشيل جنب العصافير والشجر
سلاح كيماوى .. لمض جاز .. وشوارع لسه ماندستش
بحاول أصلى خايف – آسف –
أصل حالف اتفادى المطب
أخبى في عبى موتى ...وأجيلك في الكريسماس
واشربه مره واحد قدامك
عشان تقوليلى
- وانا ميت اجنن ولا لأ

الشاعر الاستاذ /جاسر

فلسفتك راقية احييك على المفردات الجميله المعانى

سعيده كعادتى بتواجدى فى متصفحك الجميل

احترامى اخى لما قدمت لنا

أشكرك عزيزتى بسمه على أرتقائك المهذب فى أنتقاء مفرداتك وعلى قرائتك المستنيره للقصيده سعيد بتواجدك الفعال وكلماتك المبهجه .. سعيد أيضا بشاعريتك العاليه فى نصوصك ..وردودك المستفيضه بالعذوبه دمت للأبداع موهبه متميزه و لى أخت رائعه تساندنى دائما

جاسر

الله عليك ياشاعر يامصرى ياأصيل
أبياتك تأخذنا لحى الحسين ورائحة البخور ومصر الأصيلة بتراثها الباقى على مر الأزمان مهما حاولوا أن يفرنجونا مستحيل مع هذه الأقلام المصرية الأصيلة

اقتباس :: الله عليك ياشاعر يامصرى ياأصيل
أبياتك تأخذنا لحى الحسين ورائحة البخور ومصر الأصيلة بتراثها الباقى على مر الأزمان مهما حاولوا أن يفرنجونا مستحيل مع هذه الأقلام المصرية الأصيلة

لاأجد فى قاموس كلماتى أفضل مما قاله أستاذى ايهاب عبد الله
الشاعر جاسر سلمت يداك

الأخ والصديق إيهاب حمزه ..سعيد بالتعرف عليك وممتن بقرائتك المستنيره للقصيده بالفعل ياصديقى هناك من يحاول طمس هويتنا الثقافيه بإلحاح مزعج لذا وجب على كل من يهمه الأمر وعلى مثقفى مصر أن يتحدوا يدا واحده .. معا أنا وأنت ياصديقى بوعيك وثقافتك ..أرحب بك وبقرائتك الراقيه
جاسر

الأخت الفاضله الأستاذه هاله النقيب سعيد بتواجدك المبهج ووجهة نظرك حتى ولو كانت مقتبسه فيكفينى دخولك وأطلاعك على القصيده وردك الراقى والرائع عليها دامت أرائك وتشجيعك لى ولكى جزيل الشكر

جاسر

شكرا يا استاذ جاسر على القصيدة الروعة فى انتظار الجديد

أستاذى الشاعر الكريم جاسر

قصيدة رائعة بروعة تواجدك وتألقك بيننا

صح لسانك

ولا هنت ولا هان قلمك

ودمت متألقا فى سماء الابداع

الفارسه الملثمه ..أسعدنى مرورك وتواجدك الكريم بالصفحه أشكرك جزيل الشكر على كلماتك الرقيقه ....
جاسر

» أوعي تقع في المطب ده
» قصيده بالعاميه المصريه ..بعنوان ...(حدوته)
» زجل بعنوان الخوجه (المعلم )
» بولت مجدّداً بعنوان الذهب
» أهداء للمنتدى .. (أغنيه بعنوان رفض )