حب ف حب

زائر

حب حب حب

بقت كل الناس بتحب

لكن من غير ماتحب

او تعرف معنى الحب

كلمة عليهم سهلة

ولا حاجة معاهم فارقة

وقلوب ف هواهم شاردة

تايهة وتانى مش راجعة

الحب زمان كان احساس

بتحسه بصدق الناس

دلوقتى بقى بينداس

وماشى مطاطى الراس

لو روحنا او جينا

بينادى الحب علينا

فين ايامنا وليالينا

ليه ضاعت من ايدينا

اجمل ايام تنعاش

راحت ليه ببلاش

ف الدنيا ليه مابقاش

غير الكداب والبكاش

ليه مشاعرنا بقت باردة

علينا قلوعها فاردة

واحاسيسنا تايهة وشاردة

فى سكة مافيهاش مودة

صرخ الحب وباح

الحب ف كل زمان مباح

من المسا للصباح

من غير الم وجراح

لكن........نفهم ايه هو الحب

وازاى نعرف نحب

ده اجمل شئ ف الدنيا

الـحــــــــب

موضوع: رد: حب ف حب 24/1/2011, 20:42

الاستاذة
عبير الزهور
كلام جميل وصح الكلام

تقبلى مرورى

موضوع: رد: حب ف حب 25/1/2011, 03:05

ايه ده كله

ايه دا كله

اغنية مش روعة وبس دي تكسر النيا

ياجمعاة علموني امتب زيكو

زائر

عمر مجاهد كتب:: الاستاذة
عبير الزهور
كلام جميل وصح الكلام

تقبلى مرورى

بالفعل هذا ما اصبحنا عليه تقول الستنا ماليس بقلوبنا

تحياتى لك استاذ عمر واشكرك على مرورك الكريم

دمت بود

زائر

سعادة السفير كتب:: ايه ده كله

ايه دا كله

اغنية مش روعة وبس دي تكسر النيا

ياجمعاة علموني امتب زيكو

سعادة السفير

اشكر تواجدك العطر

تحياتى لك

موضوع: رد: حب ف حب 25/1/2011, 12:23

ماشاء الله عليك يا أخت عبير ألفاظك دقيقة ومعبرة
بجد ممتازة وياريت تكتب لنا تاني أنت منعينة الموهبين الكبار

زائر

عريس لقطه كتب:: ماشاء الله عليك يا أخت عبير ألفاظك دقيقة ومعبرة
بجد ممتازة وياريت تكتب لنا تاني أنت منعينة الموهبين الكبار

اشكرك جدا على اطرائك وزوقك

انى احاول ان اكتب كلمات تقرأ بالقلب قبل العين اوهذا ما اتمناه

تحياتى لك

موضوع: رد: حب ف حب 25/1/2011, 15:50

تستحقين التقييم يا أستاذة عبير شعرك راقي وفعلا يدخل القلب من دون تكلف

زائر

عريف بس أليف كتب:: تستحقين التقييم يا أستاذة عبير شعرك راقي وفعلا يدخل القلب من دون تكلف

اشكرك جدا ولا حرمنى الله من تواجدك الذى اسعدنى

لك كل تقدير واحترام

موضوع: رد: حب ف حب 25/1/2011, 17:06

فاكرة لما الدنيا كانت زي قلب الطفل

الناس بتحب بعض لافيه خيانة ولاغل

الناس كلها كانت بتضحك . وزي الفل

والدنيا كانت عروسة فستانها تل فــ تل

كل ده راح راح وانتهي وبقي لينا الذل