من عشر سنين واكتر

من عشر سنين واكْتر
حبك زى الزّرع لَخْضر
يطرح غرام و شوق
جوَّ القلب يعْمَر
حبك وردة احلامى
شايلاها تملى فِ احْضانى
الاقي معاها عطر ايامي
ياخدني حنيني ليك
تايها ومتخدر
من عشر سنين واكتر
قلتلى بحبك واعشقك
وعلى وَقْعها زهر الربيع أثمر

سميتنى ليلى وانت قيس
حسْدتني عبلة يا عنتر
غرامك شهد حياتى
وحبك أحلى من السكر
حنينى ليك زيه مفيش
وروحي فِْ بُعدك مش هتعيش
تعال يا عمري ومتْسبْنيش
ده عشانك ورد الربيع زهَّر

حبيتك من أول نظرة
تعال اليوم مش بكرة
دَ حبك حقيقة مش فكرة
و عمره عشر سنين واكْتر

أغنية جميلة جدا يا أخت عبير وأنا أهنئك علي مستواك

فعلا نغمة القصيدة جعلت منها اغنية وجميله كمان
مشكوره

ما شاء الله عليك
متمكنة جدا
بارك الله فيك

هايلة يا عبير وعندك احساس رقيق جدا
كملي وأنا متبعاك

أوتار كتب:

هايلة يا عبير وعندك احساس رقيق جدا
كملي وأنا متبعاك

شكرا لك على ذوقك
ويسعدنى جدا متابعتك
واتمنى ان اكون عند حسن الظن