يا نبض الروح

يا صاحبى ....

يا حاسس بأحوالى

يا نبض الروح فى موالى

احترت انا فيك

وازى أراضيك ؟

وانا باقى عليك

أنت يا غالى

يا صاحبى ....

يا رفيق كفاح عالى

تعالى أفكّرك تانى ...

اللقمة زمان .... قسمناها

والفرحة كمان .... حضنّاها

والدمعة اللى على خدودنا ...

بإيد واحدة مسحناها

والغربة اللى على جبينّا

فى حب بلدنا خُضناها

وكلمة مصر فـ ضلوعنا

ما جينا فـ يوم نسيناها

وكلمة مصر فـ قلوبنا

فى عز الشدة صُناها
_______
شعر : إبراهيم خليل إبراهيم

أستاذنا ابراهيم قصيدة رائعة شكرا لك وفى انتظار المزيد

شكرا لك

تستاهل مصر هذه الكلمات الجميلة من الشاعر الجميل الأستاذ ابراهيم
شكرا لك وشكرا لمصر أنها وهبتنا هذا القلم الجميل

أخى عماد
والشكر لشخصك الكريم

قصيده رائعه شكرا أستاذ ابراهيم على القصيده الرائعه