قمر من سندسات الروح قمر

قمر النسيم للضى
شعر: محمد عبد القوى حسن
=======
(1)
==قمر=
من سندسات الشوق ..
يطلع الورد النبيتى ..
والياسمين معطر ..
من تسابيح الرضا والابتهاج ..
لسحر الوجد والمجد المعبق ..
من امانى بسمتك للكون ..
فالكون يغنى لطير هواه ..
والبحر يرقص فى اتجاهات المدى ..
والزرع يتمايل .. على اوردة المهج ..
ليكى الامانى الطالعه من فجر النسيم بالبدراللى متحزم بشيلان النعيم ..
وليكى بترقص الحوريات صفوف صفوف ..
ومعاهم الملكات كتوف كتوف ..
والصبح والفجر الضهر العصر
وفى المغرب ومن بعد العشاء
نشرب فى قبايات نبيذك صفو فرحتنا بلقاكى ياقمر

(2)
القمر طالع من نهاراته
بيهدى للكون امنياته
والورد سابح بين تحياته
بيهدى للقمر اشراقاته
والنيل
وشمس الضحى
ونخل الصعيد
والشجر
وانا بين ربيع صفو زاته
واقف اغنى للقمر
من اغنياته
فيميل عل القمر
يهدينى من همساته
افرح قوى بالقمر
واطلع لدرب حكايته
الاقينى طفل سابح
فى دجله وفرات تسبيحاته
قمر
(3)

طالعين
نوحد البسمه لعيونك
دايبين
فى كون كونك
نتسابق كما الفجر فى نداه
على الفرحه اللى كاسيه المهج
اورده الامانى بتبتهج
من بين شفق وارتحال
وغربه مدار فى صحرا تكوينك
انا مين يوحدنى فى صفوف الحضره
فى غيابك ولد مهووس بطير طاير
فى سموات الصحاب
لمى المك من الصفحه
وادخلى بينا لعالم من ربيع
تانى اكتبك غنوتى الراحله
بين اشجار كثيفه ومى من ترعة مصيرك
للهوى الدايب فى نعناعك
ليكى الامانى البكر تطلع بالندى
وانا لى فجر المنجه اللى ناضج ع الشجر
واغنيات الفتى العاشق تسابيحك رضا
من ايمتا وانا واقف فى ليلك ياقمر
وانت بتكتبنى فى عروقك
وانا اتوضا من نورك
واصلى ركعتين العشق
فى ابتهاجات منانا
قمر

كم إستمتعت بموضوعك الجميل

بين سحر حروفك التى

ليس لها مثيل

تقبل مني اجمل وارق التحيات

الشاعر القدير الأستاذ محمد عبد القوي حسن
حضرتك شاعر كبير ومتمكن وتستحق التكيم والمتابعة ليل مهار
تحياتي واحترامي لك

اقتباس :

والنيل
وشمس الضحى
ونخل الصعيد
والشجر

ايه اللوحة الجميلة دي والعبقرية دي
تركيبه ولا اروع ولا اجمل

وعجبني جدا قولك " لون الورد النبيتي
الله عليك . كل الناس تقول الورد الاحمر لكن انت حاجة تانية
حاجة ممتعة