عيادة الدكتور عمو حولان

موضوع: عيادة الدكتور عمو حولان 8/10/2009, 16:22

بشرى لكل أعضاء منتدى الأعلامى

عاد إليكم الدكتور عمو حولان بعد أن حصل على دبلوم التجارة

من جامعة بوركينا فاسو وزميل الجامعة الملكية بسيبيريا

وزميل الجزارين بجامعة (هلاهوطة في الظغطة.. أنت تنام وأنا أتغطى)

بدولة شكمانيا الديموقراطية الوحدوية التقدمية التأخرية وشك في الحيط وقفاك ليا

وقد تم بحمد الله افتتاح العيادة الطبية ( الطب البليد )

استعدات كاملة لعلاج جميع الأمراض

((( حول العيون - تخسيس - علف وتسمين - إزالة شعر الرأس -

التخلص من صوابع القدمين واليدين - تبييض الأحذية السمراء -

تطويل الأسنان - تقصير الرقبة )))

وغيرها من الأمراض

لا ( للعلاجات الكيماوية ) نعم ( للعلاح بالأخشاب الطرية )

مع وصفة البطيخ السرية هتطلع من العيادة ها تدعى عليا

شعارنا

( الممرضة دائما على حق )

---------------------

كل ما عليك أخي العضو أختى العضوة هو أن تصف حالتك في مشاركة

في هذا الموضوع وسأتولى الرد عليكم بالوصفة العلاجية المناسبة .

موضوع: رد: عيادة الدكتور عمو حولان 8/10/2009, 16:50

يتم نقل الموضوع للقسم المناسب

موضوع: رد: عيادة الدكتور عمو حولان 8/10/2009, 17:17

عمو حولان

الف حمد لله على سلامتك اتمنى لك حج مبرور

و مبروك العيادة

و اتشرف اني اكون اول مريض تعالجه ( ما دام بالمجان ما حدش خسران حاجة )

وصف الحالة : الإحساس بمعاناة اخواننا في فلسطين

و عدم القدرة على اي رد فعل ايجابي

قلة نوم نتيجة تأنيب ضمير و ألم ناتج عن خوف سوء العاقبة

و ما دام بالمجان يا دكتور

السيارة كذلك عندها سخونة بالليل و برودة بالنهار

و كذلك تعاني من عسر هضم

و لا تسمع الكلام

و القطة عندها إفراط في الكسل و الاكل و الميزانية مصابة بعجز كلي

و دمت لخدمة الصالح العام عمو الدكتور حولان

موضوع: رد: عيادة الدكتور عمو حولان 8/10/2009, 18:02

مرحب ياحاج صفاء

فينك يااااااااااااااراجل

على العموم أنا مسامحك من العلقة اللى أنا أكلتها من الواد

سعيد الميكانيكى بسبب البطيخة اللى أنا أخدتها منه يوم زفافك

وأنتى أخدتيها ومدفعتيش تمنها لغاية الآن .

اقتباس :

و اتشرف اني اكون اول مريض تعالجه

يا مرحب يااااااااراجل دي عيادتك

اقتباس :

( ما دام بالمجان ما حدش خسران حاجة )

هههههههههههههههه هو صحيح دخول العيادة والكشف بالمجان

ولكن الخروج منها بخمسين جنيه وبطيخة بس

اقتباس :

وصف الحالة : الإحساس بمعاناة اخواننا في فلسطين

و عدم القدرة على اي رد فعل ايجابي

قلة نوم نتيجة تأنيب ضمير و ألم ناتج عن خوف سوء العاقبة

لا دى بسيطة جداً والعلماء الكبار مثلى بنسمى الحالة دي ( أنفلونزا الضمير )

وده مرض معدى جداً وبدأ يدخل إلى البلاد عن طريق بعض البلدان مثل فلسطين

والعراق وأفغانستان ... وعلاجه بسيط جداً وهو عدم مشاهدة نشرات الأخبار أو

قراءة الجرائد ويجب سماع الحاجة نانسى عجرم ثلاث مرات قبل

الأكل وقبل النوم مباشرة .

اقتباس :

السيارة كذلك عندها سخونة بالليل و برودة بالنهار

أعملى لها كمادات ( حمض الكلوريد المركز )

مرتين الصبح وبالليل لمدة ثلاثة أيام

اقتباس :

و كذلك تعاني من عسر هضم

لا دى بسيطة خالص ممكن قبل الأكل تعطى لها نصف متر أسفلت مسلوق

لأن ده بيفيد السيارات وخاصة فى سن الشيخوخة المتأخرة

اقتباس :

و لا تسمع الكلام

أكيد عندها إلتهاب فى الأذن الوسطى وعلاجه مرهم بذرة البطيخ

وأنا بقدمه بأسعار معقولة وسعر الشحن ثابت أينما كنت

اقتباس :

و القطة عندها إفراط في الكسل و الاكل و الميزانية مصابة بعجز كلي

لا بسيطة ... خدى القطة في نزهة فى الأحياء الشعبية ويا ما أكترها خليها تتفرج

على الناس وساعتها اللى يشوف بلاوى الناس تهون عليه بلوته والقطة هترجع

من المشوار ده زى الفل إن شاء الله .

اقتباس :

و دمت لخدمة الصالح العام عمو الدكتور حولان

الله يبارك فيكى بس لا تنسى تدفعى الخمسين جنيه والبقشيش

للممرضة اللى ماسكة ساطور بره ... وأنا فى خدمة كل أعضاء الأعلامى

موضوع: رد: عيادة الدكتور عمو حولان 9/10/2009, 11:20

مرحب بيك يادكتور حولان
وحشتنا ياااارجل
أنا مشكلتى أنى أحيانا أرى الدنيا بمبى وأحيانا بشوفها أزرق وكتير بشوفها سوده

موضوع: رد: عيادة الدكتور عمو حولان 10/10/2009, 13:03

الحولان وصل

وكمان دكتور

مرحب يا باشا يا تاعب قلوبنا

أنا ظنيت إن الأنتربول قبض عليك وريحنا منك

لكن سعادتك محصن نفسك وتغب تغيب وتظهر

على العموم سؤالى لجنابك هو

( موتور العربيه عندى بيطلع منه دخان كتير وصوته عالى ؟ ليه الكلام ده؟ )

( القطه الصغيرة بتاعة البنت بنتى أصبحت تنبح بدل ما تنونو ؟ )

لما بقوم من النوم بنام تانى ؟

ساعة ما بشوفك جنبى سبعين الف عفريت يركبنى ؟

.........................................................................

دعائى لك انت عارفه

موضوع: رد: عيادة الدكتور عمو حولان 10/10/2009, 17:09

اقتباس :

مرحب بيك يادكتور حولان

الله برجب بيكى ياستى

اقتباس :

وحشتنا ياااارجل

ما تشفش وحش ياااااااااااراجل

اقتباس :

أنا مشكلتى أنى أحيانا أرى الدنيا بمبى وأحيانا بشوفها أزرق وكتير بشوفها سوده

الحمد لله أنتى جيتى فى الوقت المناسب واللى عندك ده أحنا الدكاترة العظام

بنسميه ( هلاوس بصرية ) وده بيكون بسبب ميكروب موجود فى اللحمة السمينة

اسمه ( ناهيوما ) والميكروب ده بيصيب النني وده ميكروب معروف فى العالم

كله وحتى فى اليابان فيه مثل شعبى عندهم بيقول :

( إن جالك النني حاول يا حلو تبعد عنى )

والعلاج ها يكون أول حاجة ها تجيبى أتنين كيلو شطة سودانى من عند

الواد حسنى العجلانى وتحطيه فى فرن البوتوجاز مع عشرة لتر مياه

وزجاجة خل نقى ونصف لتر كيروسين لمدة تلاتة أيام لغاية ما يتحول

إلى عجينة وتحطى للواد مايكل أخوكى فى عينيه ثلاثة مرات يومياً بعد

المسلسل التلفزيونى لمدة أسبوعين بعدها ها تحسى بتحسن وعنييكى هتبقى

زى الفل وهيروح من عندك لخبطة الألوان وعينيكى ها تثبت على

لون واحد وهو الأسود المخطط بالطول .

بالشفا إن شاء الله ولا تنسى تدفعى 50 جنيه رسم الخروج من العيادة

أي خدمة ياعم إستر وسلمى لى على الواد مايكل

موضوع: رد: عيادة الدكتور عمو حولان 10/10/2009, 17:26

الحاج يسرى

أنت لسة فى البلد ؟

أنا أفتكر أنه جالك عقد عمل فى أفغانستان يااااااااراجل

على العموم أنا عندى عملية جراحية الأن فى مستشفى أم شكوكو التخصصى الدولى

ولا زم أروح الآن بسرعة لأن طقم الدكاترة بتاعى فاتحين بطن الراجل من أربع

أيام ومنتظرينى علشان أعمل له العملية . هي على العموم بسيطة إستئصال المعدة

والكبدة والفشة والطحال واليدين والرجلين .. لا تقلك خمس أيام وهرجع لك

بسرعة والممرضة أنا ها أوصيها عليك تحطك فى التلاجة لغاية ما أرجع

وعموما عندك علب بنزين كنز فى التلاجة لزوم حرارة الجو فى التلاجة .

ولا تقلق أنا جاى لك على طول

موضوع: رد: عيادة الدكتور عمو حولان 10/10/2009, 20:24

اقتباس :

فاتحين بطن الراجل من أربع

أيام ومنتظرينى علشان أعمل له العملية

إن شاء الله من العمليه للنيابه العامه

اقتباس :

إستئصال المعدة

والكبدة والفشة والطحال واليدين والرجلين

طيب ما تاخد معاك الرئتين والزور والدماغ بالمرة

اقتباس :

أنا ها أوصيها عليك تحطك فى التلاجة لغاية ما أرجع

وعموما عندك علب بنزين كنز فى التلاجة

طول عمرك واجبك معايا كبير وأعدك برد هذا الواجب مضاعف

اقتباس :

ولا تقلك أنا جاى لك على طول

ياريت تتأخر براحتك لمدة عشر سنين

أحنا مش فى انتظارك

موضوع: رد: عيادة الدكتور عمو حولان 10/10/2009, 22:29

أزيك ياعمو حولان أنا كنت فى زيارة لواحد صديق قريب من هنا
قلت فى نفسى أسلم عليك وأبارك لك على العيادة الجديدة

» تحذير من مستشفى الدكتور عمو حولان
» عيادة المريض
» مفاهيم خاطئة : اللواء نادي السحلي - عيادة المريض
» حقيبة الإسعافات الأولية .. ضرورة فى عيادة طبيب الأسنان
» عمو حولان اين انت