عيادة الدكتور عمو حولان

عمو حولان انا عندي مرض خطير اكلت مره سكلونيا بالعناب وروحت للدكتور قالي دا حسحس كلانسا
مش عارف اعمل اي الاستاذ محمود شعبان خيري قولتلو علي اجازه مفتوحه مش موافق وانا خايف اعدي حد في الشغل ياريت تشوفلي حل للمرض ده وحل مع الاستاذ محمود شعبان

اقتباس :

عمو حولان

يانعم

اقتباس :

انا عندي مرض خطير

لا ما تخفش كل الأمراض مع الدكاترة العظماء مثلى سهلة جدا

اقتباس :

اكلت مره سكلونيا بالعناب وروحت للدكتور قالي دا حسحس كلانسا

لا بسيطة . أنت تجيب بتلاتة جنيه ( كهرباء ناشفة ) من عند عمك أبو سيد

وتكهرب نفسك بيهم ثلاثة مرات فى اليوم وأنت تبقى زى الفل

اقتباس :

مش عارف اعمل اي الاستاذ محمود شعبان خيري قولتلو علي اجازه مفتوحه مش موافق

طيب فيه سؤال وجاوبنى بصراحة :

الأجازة اللى طلبتها كانت مفتوحة بالطول ولا بالعرض ؟

ودى هيكون حلها بسيط يعنى لو كانت أجازة مفتوحة بالعرض ممكن أعطى

لك دواء تركيب من صوابع خنفسة يتيمة وشعرتين من قفا قرد أحول وهتخف

وتاخد الأجازة بعد ثلاثة سنوات .

أما إذا كانت الأجازة مفتوحة بالطول فأنت ممكن تشرب لبن الغراب بس بشرط

تكون الغراب والدة من أربع دقائق بس وسأعطيك معجون الكلوركس المركز

تحطه على شعرك وتقف فى الشمس خمس أيام من غير ما تشرب مية

وبعدين ها تتحسن وتبقى زى الفل .

والدواء ده غير متوفر إلا عندى أنا بس وسعر الشحن ثابت أينما كنت

ولا تنسى تدفع الخمسين جنيه للممرضة

اقتباس :

إيه رأيك تعالجني مجانا

أنا بعالج جميع أعضاء الأعلامى مجانا . بس المشكلة فى الخروج من العيادة يا حبيبى

الممرضة لسة واكلة رجل زبون من نص ساعة والراجل يا عينى من ساعتها وهو

عمال يعيط على الجذمة الجديدة اللى كانت فى الرجل اللى أكلتها الممرضة .

اقتباس :

رصد 500 جنيه لمن يسلمك ليه او يعرفه طريقك

والله الدنيا لسة بخير

بتقول إن الحاج يسرى أتبرع ب 500 جنيه لى علشان المصيف !!!

راجل طيب حقيقى

وأنا كل يوم الفجر أدعى له أن ربنا يكرمه زى ما كرم الواد رجب الحلاق

اقتباس :

حاله الانعكاس القهري في حركه الدماغ اللي سببت لي الالم في رجلي وخلتني احس بصداع رهيب فيها للدرجه اني مش بقيت اعرف اشرب الشاي

أسمع يا عم الوتر السريع أنا من باب الأمانة الصناعية لازم أصارحك وأخبى عنك

الحالة اللى أنت بتعانى منها وأنت محتاج أشعة ( سولار ) بس يكون فى محطة

بنزين مضمونة وعلشان من باب الصراحة وإنى لازم أخبى عليك فأنا هعمل الأشعة دى

على حد من جيرانك علشان أنت مش لازم ما تعرفش النتيجة .

وبعدها ممكن نحدد نوع الأعراض اللى عندك .

اقتباس :

وحتي لو خرجت من البيت لازم يكون في مرافق معايا

وبالنسبة لخروجك من البيت بمرافق دى عرض خطير أنت ممكن تخرج مع المرافق

من باب البيت وتضحك عليه وتدخل البيت من الباب التانى وهو أكيد بعد ما يقلق ها يفجر

البيت باللى فيه وساعتها هترتاح من الخروج مع مرافق

اقتباس :

خوفا من قنبله النمل الاحول اللي فجرتها الحاجه صفاء الروح

لا القنبلة دى بسيطة . أنت ممكن بعد ماهى تفجر قنبلة النمل . أنت تفجر فيها قنبلة سكر

والنمل ها يجرى ويتلم على السكر تكون أنت خلصت مشوارك ورجعت

اقتباس :

انتظر الرد والا ها اقبل عرض الحاج يسري

يعنى ناوى تتبرع لى أنت كمان . ياسيدى شكرا فعلا أنا كنت محتاج الفلوس

دى علشان أفتح دكانة عصير

ومتنساش الممرضة والخمسين جنيه وأنت بالذات علشان بحبك أعطيها الفلوس

وخليك واقف شوية معاها علشان ميعاد العشا بتاعها قرب

عسل

هديتك الجديدة

رد ياعمووووووو على الأساذه


*******





هناك الام مبرحة


فى باطن كل انسان

وحزن وقلة حيلة

نتيجة للظروف البيئية المحيطة له فى المجتمع الخارجى

اقتباس :

ناس تعاني تورمات و انتفاخات في جيوبها

و ناس تعاني من هزال

و ناس حقها مهضوم

و ناس لا تجد معدتهم ما تهضمه

نريد وصفة ناجعة و سريعة عمو الدكتور حولان

أسمع يا إبنى ياصفاء

العلاج سهل جداً مع الدكاترة العظماء اللى زيى

1 - نحط معدة الناس اللى مش لاقية ماتهضمه فى جيوب الناس المنتفخة

2 - المعدة هتاكل اللى فى الجيوب المنتفخة

3 - هتهضم حقهم من هذه الجيوب

4 - الجيوب المنتفخة هى اللى ها تعانى من الهزال بعد كدة

والعلاج ده أنا وصفته للواد فرغلى الميكانيكى ومشاء الله عليه ربنا من عليه بالشفاء

وهو الآن بيقضى فترة النقاهة فى سجن النساء بالقناطر

رانيا نور الدين كتب:

حمد لله على السلامة حولان باشا
وياترى حضرتك عامل الكشف بكااااام

مرحباً يا حاج رانيا

أنا عامل دسكاوند لأعضاء الأعلامى يعنى الكشف ببلاش

والخروج من العيادة بخمسين جنيه وتمن العلاج خمسين وسعر الشحن

ثابت أينما كنت والمفاجأة أنك لو عملت عمليتين ها عملك التالته مجاناً