هو : ألو
هي : ألووو ...مين ؟؟؟!!!
هو : مش عارفة صوتي ؟؟!!!
هي : أسفة ...إنت مين ؟؟؟
هو : أنا حب عدى عليكِ من سنين
أنا ذكرى حلوة جاية م الماضي الدفين
هي : مش عارفة برضه إنت مين؟؟؟
حترد ولا حأقفل السكة في وشك
هو : يا نهار أبيض ...أد إيه أنا وشي عانى
م التعاسة وم المهانة
إلا إنتِ ...ده أنتِ يوم ظللتي عشي
جاية بعد غياب سنين تقفلي السكة في وشي
هي : خلاص عرفتك التمس لي ألف عذر
هو : مين يسامحك زي قلبي لو غلطتي حتى دهر ؟؟؟؟
علشانك قلبي عايش وعواطفي مثل جمر
هي : لسه فاكر ليالينا ؟؟؟
هو : لسه فاكر كم عانينا !!!!
وكيف ضحكنا وكيف سهرنا كل فجر
اللي زيي يحب يخلص لوليفه وإنتِ كنتِ ف عيني بدر
هي (تضحك ) : مش حأشوفك ؟؟؟
هو : كان بودي أكون معاكِ كل عمري
لكن الأيام بتلعب بينا لعب
من زمان وأنا ملك غيرك
لما رحتي وسبتي طيرك
مش بأعاتبك أو ألومك
لكن الإحساس بغربة كان بصدري مثل شرخ
بس قلت أكلمك ..وحشني صوتك من زمن
والسنين بيا بتجري والجسد صابه وهن
قلت أحقق رغبتي وأهمس في ودنك
إني حأفضل طول العُمر فاكرك
هي : أرجوك ما تقفلش الخط ...ألوووووووووووو ...ألوووووووووووو
أبو مازن
موضوع: ألووووووووووووو !!!1 
28/7/2009, 21:24
