فصيدة عارف ياأمَه مقامـِك للشاعر عصام علم الدين

فصيدة عارف ياأمـــــَه مـــــَقــــــامـــــِك ـ إلى أمي الحبـــيــــبـــــه !

الشاعر/ عصام علم الدين

عارِف ياأمَه مقامِك
جَنه تحت أقدامِك
يعني مافيش ولا كلمَه
تِوصف قيمتُه مكانـِك
بَعد مارَب العـِزَه
في القرآن قالهالـِك
أنا إيه ياأمَه

بدون الضَمه
لما بتاخديني ف دراعاتـِك
طَب ده أنا لَما
أحِس بضَلمَه
ألقى النور تاني بدعواتـِك
وبيكي ياأُمي عشانـِك
يرضىَ عليَّه الله ويبارِك
يجعَل ضَى ف ليلي الحالـِك
وطريق سَد بيصبَح سالـِك
ياأمَه رسول الله أوصالـِك
أعظم شئ في الدُنيا وِصالـِك
كلمة إيه مُمكن أقولهالـِك

بَعد شهور تسعه في أحشائـِك
مَوصول شُرياني بشُريانـِك
وسنين وإنتِ مافيش على بالـِك
غير إبنَك يكبر قُدامـِك
وكُل ماأحِس إن أنا مِحتاجــِك
من غير ماأندَهلِك ألقاكِ
ياأَمه كتيره عليَّه جمايــِلك
ده أنا غـَرقان في بحور مِن فـَضلـِك
يُبقىَ إزاي لَو قـُُلت بحبـِك
أبقى خلاص وَفيـتـِك حَقـِك
ده أنا أبوس راسِك
إيدِك
رِجلـِك
كُل الغالي ياأُمي أجيبلـِك
وتهون الدُنيادي لأجلـِك
وأفضَل لِسَه كَمان مَديونلـِك
لَو حتى عيوني إدتهالـِك
كلمة إيه مُمكن أقولهالـِك
أكبَر مَهما أكبَر أنا إبنِـك
كُنت جَنين شيلتيني ف بَطنِـك
طفل صَغير حاطاني في نِــيــنـِك
وكبير ياأمَه ولِسه ف قَلبــِك
كُل ماحاول كلمه إكتبـلِـك
ألاقيني بأكَرَر في كَلامِك
ما أنا عَلمني ياأُمي لسانِـك
وعرفت الدنيا بحكاياتِـك
ومشيت لَما رَأيت خَطواتِـك
كُنت وراكي في توبـِك ماسِك
أتعَب
تاخديني ف أحضانِـك
أبرَد
ألقى الدَفا في حنانِـك
مَهما أسأل
يوصلَني جَوابــِك
ياأمه كتير بَكاني بعادِك
ياأمَه ياريت بإديه فُراقِك
كُنت بَنيت ف جسور واصلالِك
كُنت أعوم ف بحور رايحالِك
كُنت أَهِد يادُنيا جبالـِك
وأرجَع تاني ياأُمي لدارِك
أمسَح دَمع عيوني بشالـِك
كلمة إيه مُمكن أقولهالـِك

ياأمَه أنا عايزِك
تِدعيلي تَملي ف صَلواتِك
ياأَمه أَحلـِفلـِك
كُل مُنايا أَنول مَرضاتِك
ده أنتِ في بالي تـَمَلي وشايفـِك
لَما ضنايا باأشوفُه قبالي
أَيوَه ياأُمي خَلاص صَدقتِك
بَعد مارَبي عِيال إدالي
وبأصارحـِك دِلوَقتي فهمتـِك
إن صحيح الضَنا شئ غالي
حاسِس بيها ياأُمي مَشاعرِك
لَما خلاص مابـقـِتش قُبالـِك
يَعني صغيَر كُنت أنا شاغلـِك
وكبير برضُه ف بالــِك
كلمة إيه مُمكن أقولهالـِك
بَعد مارَب العِزَه
في القرآن قالهالـِك
عارِف ياأمَه مقامـِك
جَنَه تحت أقدامـِك
----------

إبنك
عصام علم الدين

إختيار موفق وذائقة رفيعة

مرحبا بك

ودي ووردي

الجواد البرى كتب:: إختيار موفق وذائقة رفيعة

مرحبا بك

ودي ووردي

الاستاذ الكبير والشاعر العظيم متشكره على الاطراء وانا عجبتنى القصيده جدا وخصوصا انها بتتناول الام

كتاكيتو بني كتب:

استاذه كتاكيتو مرورك جميل شكرا لكى

» فصيدة حروف النور للشاعر المصري مصطفى الجزار
» انا مش عارف
» جــامد يا باشا هتاخد نيشــان .. للشاعر عصام السيد
» دراسة تحليلية ورؤية فنية قصيدة أعذرينى للشاعر على الدين طلعت
» فصيدة سلام ع الدنيا من بدرى للشاعرة عايدة العشيرى