هى الارض بتطرح دم
مش هو الخال زى العم
مش بلدى برده هى الام
احلى محبه وكل الحب
ضحكة فرح دمعة حزن
نور العين نبض القلب
سد الخير داب واتهد
ونيل الصبر اختفى وجف
اكل فاسد جوه الفم
وغلا زايد علمنى الهم
محروقه سنابل القمح جريح القطن
وزاد فى عيونى حرقه ودمع
سكت الكلام خرص السمع
طال الليل وانطفى الشمع
نار حريق الجاز ملانى صهد
طال الغلا حتى الزفت
وبورصة خضار جزر ولفت
قطر محروق وعباره غرقانه
وناس للفرح شرقانه
وهمومنا لاهيانه
عن ناس سرقانه
وسابتنى واتجوزت عايده
اتجوزت سباك فكته عاليه
سابتنى انا استاذ الجامعه
وفى العين الف دمعه
وعايده شايفه وسامعه
انضرب القاضى وضحك ابولمعه
امين شرطه طايح بالسلطه
ومخبر من كتر الاكل جتله زغطه
الاستاذ قطع الكراس
من بعد ماساب الفلاح الفاس
قلت القيمه بين الناس
ونسينا الهم بفرح الكاس
ماهى ضحكه ساعة الوجع
ضحكتها عيونك
يامصر
سال الدم هناك ع البر
وسال هنا فى البحر
قتيل كل اول شهر
ومش عارف ليه بس طويله حبال الصبر
الاكل طعمه علقم مر
وكل طريق نهايته قبر
وطوابير طوابير طبل ومزامير
ودقيق متعان فى قوارير
طوابير عيش مسامير
طوابير تموين طوابير بنزين
طوابير فى كل مصلحه
طوابير فى كل منفعه
ومحبوسه مصر جوه طوابير
مأسوره ورا جدران الظلم
بتدبحها سكاكين الكفر
العطش كفر
الجوع كفر
الجهل كفر
السكوت كفر
وموت طفل كل الكفر
وكل الارقام ع الشمال
صفر من ورا صفر
الحقنى ياطبيب
اوعى تخيب
تعالى الدنيا ليل مش عيب
تعالى وجيب
دوا لحبيبتى
دوا لغنوتى
ضحكة فرحتى
كل الاهل مصر صاحبتى
مصرى باكيه
مريضه وشاكيه
الف مرض جوه القلب
وفيرس فساد جوه الكبد
وجع فى الركبه
متنى الدهر
مشلوله الايد ويا الرجل
مش عايش فيها غير بس النبض
جاى من جوايا من جو القلب
قالت من غير حس
نطقت بصوت الهمس
فين عايده وفين الحس
قلت اتجوزت عايده
وصوتك احلى صوت وبس
إتجوزت عايده
أجوع اعطش مش فرقه
ولو راحت عايده من ورا عايده
ولو ماتت الف عروسه ف توب الفرحه
يا بلدى مش فرقه
طلعت عايده خلاص م القلب
يا بلدى انتى الحب
كل الحب
http://amiraladb.maktoobblog.com/944576/%d8%a5%d8%aa%d8%ac%d9%88%d8%b2%d8%aa-%d8%b9%d8%a7%d9%8a%d8%af%d9%87/
موضوع: اتجوزت عايده 
11/7/2009, 09:53
