انا ليه ماتجوزتش لحد دلوقتى

1 - ماعنديش استعداد اصحى من النوم الاقى مخلوق نايم جنبى سمبوكسه ومحتل 90% من السرير وساحب الغطا كله
2 - ماعنديش استعداد ابقى رايح اى مناسبه والبس فى عشر دقايق واستنى نفس المخلوق اللى واقف قدام المرايه لحد ما المرايه قربت تشتمه ، وبرضه وهى نازله بيبقى عندها احساس انها ناقصها حاجه او مش جاهزه اوى يعنى.
3 - ماعنديش اى استعداد ابقى قاعد اتفرج على ماتش والاقى مخلوق يقولى هى مش دى كرة قدم اومال بيقف على الخط ويحدفها بايده ليه مش دى كرة يد.
4 - مش شايف نفسى خالص ولا قادر اتخيل انى ممكن اسحب العجله الحديد دى فى كارفور وابقى ماشى ورا مخلوق مهما كنت بحبه.
5 - ماعنديش استعداد اصرف نص مرتبى على فستان زى بتاع صاحبتها اللى كانت لابساه فى فرح صاحبتهم.
6 - ماعنديش استعداد اسمعها فى مكالمة تليفون بتحكى لواحده صاحبتها الحلقه 167 بتاعت مسلسل الفسق الممنوع بتاع مهند اللى ماسموش مهند فى المسلسل ده.
7 - اينعم انا عندى كرش لكن عمرى ما هشيل جورنالى تحت باطى وبطيخه تحت باطى التانى.
8 - ماعنديش استعداد اغير للواد البامبرز لحد ماهى تخلص الاكل يا الا مش هاكل ماله الديليفرى يعنى ماله ها ؟؟
9- انا اصلا كائن عشوائى لا بحب اقفل باب التلاجه ولا بحب اطفى النور ولا احط الشرابات فى مكانها.
10 - ماعنديش استعداد اسكن فى بيت امها عايزه تبقى رئيس مجلس ادارته وعلى المتضرر اللجوء للقضاء.
11- انا اغض البصر عشان اخلاقى اه لكن اغضه عشان خايف من الرادار اللى قاعد مراقبنى لا يمكن ابدا.
12- انا ممكن اتخيل اى مصيبه تحصلى الا انى ادى لاى مخلوق الباسورد بتاع الفيس
13- تليفونى جهاز استراتيحى و غير مصرح نهائيا باختراقه والاطلاع على الرسايل و الكونتاكت ليست.
14- ماعنديش استعداد اتخانق مع مخلوق يسمعنى كلام زى السم 6 ساعات متواصله وفى الاخر تقولى خلينى ساكته احسن ، الهى تتشكى فى لسانك يا بعيده.
16 - ماعنديش استعداد اقطع علاقتى بخدمة عملا كنتاكى و ماك و بيسترو و الذى منه وبرضه ماعنديش استعداد اخلى الاوردر لشخصين المرتب مش ناقص.
17 - ماعنديش استعداد ادفع دم قلبى فى عربيه تخبطها يوميا وهى بتركن.
18 - الاعياد عندى عيد الفطر وعيد الاضحى واحيانا تحرير سينا وانا بأزأز لب وبتفرج على الاستاذ نبيل الحلفاوى وهو عامل نفسه ضفدعه بشريه بكرش ، انما تقولى فلانتين و عيد جوازنا و عيدا اول مره اتقابلنا و عيد ميلادها وعيد امها فاكيس.
19- اصلا فى ناس بتروح تتجوز علشان تكمل نص دينها فبتخسر النصين.
-------------------
وأنا بقولك يا عم الحاج أنت هتتجوز غصب عن عين أهلك وواحدة مننا هتجيبك على وشك هتجيبك واحنا وانتو والزمن طويل