قبل ثورة يناير بسنة
خير اللهم اجعله خير
في الصف الخامس الابتدائي . مرحلة الطفولة والنقاء والمعرفش ابه
اكتشفت بالصدقة البحتة إن فيه ولد عندي في الفصل
بيعمل ايه با شطار
بيتاجر في الأسلحة البيضاء . آه والله
وباع لطلبة الفصل فقط 17 مطواة . دا غير الفصول التانية
المهم باستجواب الطالب وبمساعدة زملائه ( الخباصين )
لقيت مع الولد مطواة غريبة الشكل وتحتاج لكتالوج لمعرفة كيفية استخدامها
كان واضح إن أهل الولد بيئة فمنعا للمشاكل أخدته وذهبت به للناظر لاتخاذ الإجراءات القانونية معه مثل إحضار ولي الأمر ورفده بقي وتبقي ليلة كبيرة علشان يبقي عبره أمام بقية المدرسة
لقيت الأفتدي ( الناظر ) طمع في المطواة اللي معاه وأخدها وقاله بلاش تعمل كده تاني ... وسلامتكم
أكرم عبد القوي
موضوع: حناظر 
8/10/2016, 22:50
