علشانك يا لميس .. أنا طفشت العريس

علشانك يا لميس .. أنا طفشت العريس

كل فترة من الفترات تظهر موجة هبل وعبط بين جموع الشباب ومن السهل رصد هذه الظاهرة على صفحات التواصل الإجتماعي والمنتديات وآخر صيحة في موجات الهبل هذه الأيام هي عبارة عن صور مكتوب عليها : ((( علشانك يا (اسم الفتاة المقصودة بالبوست) أنا عملت (مش عارف إيه) .. ))) وسنستعرض معاً بعض هذه المقولات .

نجد من يقول :

1 - (علشانك يا لميس .. أنا طفشت العريس)

وأصل الحكاية إن العريس ده كان جاي يطلب إيد والدة صاحب البوست وكانت عين العريس طالعة علي تحويشة االعمر اللى الست ذات الـ 78 ربيعاً مخبياها من المحروس ابنها لزوم الكفن ومصاريف الجنازة وحطاهم تحت البلاطة علشان المحروس أبو ريالة مايصرفهمش على البانجو والبت لميس الحولة .

2 – (علشانك يا منال .. أنا سافرت البرتغال)

الواد بيحاول يفهم المدام منال المطلقة 53 مرة ده غير العرفي أنه طيار وبيلف العالم . وأساساً لو سألته عن البرتغال هيكون جوابه إنها تبع (محافظة بني سويف) بأمارة التوكتوك أبو عجلتين بس واللي شاريه بالقسط وسارق حمار من سوق التلات علشان يسحبو .

3 – علشانك يا ريتاج .. أنا بلعب باتيناج

آل يعني الواد عضو في نادي الصيد أو الشمس وكل الحكاية أنه سأل واحد من الخبثاء عن معنى كلمة باتيناج فكان رد الشاب الخبيث عليه بأنه حسب المعجم اللذيذ للعلامة الإمام فرغلي بن عبد العزيز إن الباتيناج معناه (عربية الفول) بتاع الحاج صبحي .. ومن يومها والواد كل يوم بالليل يجري ورا العيال في الحارة بعربية الفول ويقول : وسع للباتيناج .

4 – (علشانك ياسوسو .. أنا بشيل الكلب وأبوسو)

من الطبيعي إن واحد حمار لازم يكون آخره إنه يحب كلب والأهبل فاكر أنه لما بيبوس الكلب والبت سوسو (العمشة) معدية في الحارة إنها بتحبه وبتضحك ليه ... ياااا أهبل خلق الله دي بتضحك عليك وعلى العبط الأصلي اللى أنت فيه .

5 – (علشانك يا فاطمة .. أنا هدبح البطة)

طبعاً ده كلام في (الهجايص) لأن الواد بطة صبي الميكانيكي واد شقي ومسجل خطر (بلطجة وفرض سيطرة) وكل يوم يدي الواد ده على قفاه وياخد منه أتاوة ولو بطة في يوم كان عيان أو غايب عن الحارة صاحب البوست يروح بنفسه لبيته ويسلطحله قفاه ويقول ( أرجوك إديني الجرعة )

6 – ( علشانك يا ناريمان .. أنا داخل اللومان)

طبعاً أنت داخله داخله مش بمزاجك لأن الواد سيد كاوتشة ورمضان بصلة البوليس مسكهم إمبارح بالليل بتهمة سرقة دكانة الموبايلات بتاع الواد حمادة حبشتكة .. وطبعاً مع أول لسعة كهربا وأول قلم أعترفوا بأنك كنت معاهم والمسروقات مخبينها عندك في البيت يا لذيذ .

7 – (علشانك يا جاكي .. أنا عضو في النادي)

يقصد الخرابة اللي ورا قهوة المعلم (أبو قورة الأقرع) اللى بيستخبوا فيها كل يوم بالليل وبيتعاطوا فيها البانجو والبرشام ويضربو حقن الماكس وبالمرة يقسموا على بعض مسروقات طول النهار .

8 – ( علشانك يا سنية .. أنا رايح العباسية)

ماهو أنت رايح رايح لأن الجنان صفة وراثية في عيلتكم بداية من جدك اللى كان بيجري ورا عربية الرش مع العيال وأبوك اللي كان بيقف على باب المدارس يخطف السنداوتشات من العيال وأمك اللى زراعة ريش فوق السطح وتسقيه وتراعيه كل يوم وتقول أنه بكره هيطلع فراخ .

9 – ( علشانك يا ليلى .. أنا مسافر ليبيا الليلة)

أكيد رايح تشتغل في تهريب البرشام والحشيش .. يا أخي في ستين داهية إياكش تنزل على دماغك قذيفة مدفع هاون تولع فيك وتريح الحارة والحي والمحافظة كلها منك .. ولو ممعكش فلوس تسافر .. أنا على إستعداد أديك فلوس السفر وزيادة كمان وتسافر وتريحنا من وشك العكر .

أيمن عبد القوي الأعلامي

علشانك يا غادة رجب .. الكابتن أيمن كتب
هههههههههههههههههههههههههه
انا اسف يا كوتش القافية حكمت
لكن أخيرا وبعد طول انتظار الكابتن أيمن شخصيا نزل الملعب تاني
الله عليك يا كوتش

اقتباس :: 8 – ( علشانك يا سنية .. أنا رايح العباسية)

ماهو أنت رايح رايح لأن الجنان صفة وراثية في عيلتكم بداية من جدك اللى كان بيجري ورا عربية الرش مع العيال وأبوك اللي كان بيقف على باب المدارس يخطف السنداوتشات من العيال وأمك اللى زراعة ريش فوق السطح وتسقيه وتراعيه كل يوم وتقول أنه بكره هيطلع فراخ .

هههههههههههههههههههههههههههاي
حلوة يا كوتش ياللي ملكش حل
جاااااااااااااااااااااامده

شكرا لاستاذنا الفاضل ايمن عبد القوى
علشانك يا لميس .. أنا طفشت العريس 352747_1339973981

الله يهدي الجميع يا رب
بارك الله فيك وسدد خطاك
دمت بحفظ الله ورعايته

بالتوفيق

آخر نكته كتب:: علشانك يا غادة رجب .. الكابتن أيمن كتب
هههههههههههههههههههههههههه
انا اسف يا كوتش القافية حكمت
لكن أخيرا وبعد طول انتظار الكابتن أيمن شخصيا نزل الملعب تاني
الله عليك يا كوتش

مين غادة رجب دي ؟ Very Happy

أوعى تكون ممرضة في القصر العيني ؟ affraid

أخي االحبيب وأستاذي الكريم أخر نكتة
تشرفت صفحتي المتواضعة بمرورك الجميل وخفة ظلك
شكرا لك ولا حرمنا الله من هذا التواجد الراقي

غاوي مشاكل كتب:

اقتباس :: 8 – ( علشانك يا سنية .. أنا رايح العباسية)

ماهو أنت رايح رايح لأن الجنان صفة وراثية في عيلتكم بداية من جدك اللى كان بيجري ورا عربية الرش مع العيال وأبوك اللي كان بيقف على باب المدارس يخطف السنداوتشات من العيال وأمك اللى زراعة ريش فوق السطح وتسقيه وتراعيه كل يوم وتقول أنه بكره هيطلع فراخ .

أخي الحبيب وأستاذي الكريم غاوي مشاكل
حضوركم سعيد كليالي العيد
كل الشكر لك ولعطر تواجدك الذي أبهج وجه المتصفح

حماده قرني صلاح كتب:: هههههههههههههههههههههههههههاي
حلوة يا كوتش ياللي ملكش حل
جاااااااااااااااااااااامده

أخي الحبيب وأستاذي الكريم حماده بك قرني
والله أنا كتبت هذه الشخابيط في لحظة زهق ولذلك قد تجد بها بعض التجاوزات اللفظية التي أعتذر عنها للجميع
ومرورك الغالي أسعدني وأسعد وجه متصفحي

smile every morning كتب:: شكرا لاستاذنا الفاضل ايمن عبد القوى

الله يهدي الجميع يا رب
بارك الله فيك وسدد خطاك
دمت بحفظ الله ورعايته

بالتوفيق

أختنا وأستاذتنا الكريمة المكرمة smile every morning
إذا ذكر الإبداع فأنتم عنوانه أستاذتنا المكرمة
وما قد سطرته فهو تنفيث عن حالة الغيظ التي أشعر بها من هؤلاء الشباب التائه
ووجودكم ومجاملاتكم الراقية وسام على صدري أباهي به كل العالم

سيدي أيمن عبد القوي
لقلمك وسخريتك النظيفة سحرها الضاحك في نفوس القارئين
وكم يكون من الكاتب في هذه الأيام رسم البسمة علي شفاه المتلقي لما يعانيه من جراح
وأيضا سمو الكتابة في اطار اجتماعي ساخر وشيق
أخوك
عبد الكريم ربيع

» أصل كلمة Güveyi (العريس) في اللغة التركية
» تغيب العريس عن الزفاف... فتزوجت العروس أحد الضيوف
» هدية زفاف تقتل العريس وتجرح العروس
» مصرع عروسة ووالدتها وخمسة من أسرتها وإصابة العريس في حادث مرو
» ثنائية أولى لجدو يقود بها هال سيتي لاكتساح برمنجهام وسط تألق "العريس".. وفوز رباعي لبرايتون العبد