يعنى ايه مواليد السبعينات

يعنى ايه مواليد السبعينات

يعنى التليفزيون 3 قنوات بتشطب الساعه 12 بالليل ...
يعنى اليوم المفتوح يوم الخميس و اختارنا لك يوم الاربع و حديث الشعراوى يوم الجمعه ...
يعنى الكل بيسيب اللى فى ايده و يتابع العلم و الايمان و عالم البحار و برنامج حياتى ...
يعنى ماما نجوى فى التليفزيون و ابله فضيله فى الراديو هما متعه كل الاطفال ...
يعنى نتجمع على الوجبات و فى الاعياد يتملى البيت بالاهل و الاصحاب ...
يعنى نروح نصيف فى اسماعيليه او العجمى او المعموره و نستمتع بالبحر تحت الشماسى و على الرمل و ناكل ام الخلول و نحلى بفريسكا ...
يعنى محل الفاست فود الوحيد هو محل الفول و الطعميه و غير كده الاكل من البيت صنع ست الحبايب ...
يعنى قمه الانحراف و قله الادب ان حد يشرب سجاير و الاطفال ميشربوش الا لبن و البنت المهذبه متشربش قهوه لان القهوه كانت للكبار فقط ...
يعنى العربيات فى مصر 4 انواع : فیات و بیجو و مرسیدس و فول?س ...
یعنی العید نصلی مع بابا و ناخد العیدیه نروح نشتری بیها بومب و اخر النهار تبدا زیاره الاهل و الاصحاب ...
یعنی المولات ?انوا اتنین : عمر افندی و صیدناوی ...
یعنی زیاره جنینه الحیوانات السنویه ?انت اساسی ...
یعنی مفیش بیت مفیهوش لعبه دومینو و بن? الحظ و طاوله و سلم و تعبان ...
یعنی الضفیره هی الستایل الوحید اللی بتعملیه و انت طفله و لما ت?بری بیبقی مسموح تعملی دیل حصان ...
یعنی ماما تعمل رز بلبن و تبعت لجارتنا تروح الست مش م?دبه خبر و تبعت فی نفس الطبق مهلبیه بالم?سرات و القرفه ...
يعنى الساعه خمسه نتفرج على love boat و الساعه سابعه على شراره....
يعنى اقصى شتيمه ممكن تسمعها كانت ابن بوبى و كل الشتايم التانيه سمعتها بعد العشرين و فهمت معناها فى التلاتين ...
يعنى المدرس اب بمعنى الكلمه و من حقه يوجهك بخرزانه على ضهر ايدك فى عز برد الشتا و اهلك يكونوا له ممتنين ...
يعنى عمرو دياب كان مطرب صاعد و بيتنافس مع ايهاب توفيق على احسن مغنى فى مجله الشباب و اخر السنه يطلعوا متعادلين ...
يعنى ملف المستقبل و رجل المستحيل و عين فى اتنين ...
يعنى تتفرج على ماتشات بيبو و شطه و حسن شحاته فى القناه الاولى من غير مقدمه للماتش ولا استديو تحليلى يقعد ساعتين ...
يعنى ميه من الحنفيه من غير فيلتر و تلاجه ايديال و بتجاز مصانع بعينين اتنين ....
يعنى اخر ميعاد لرجوع البيت 9 و اقصى تأخير فى النوم الساعه 10 و يستثنى من ذلك رمضان و العطلات الرسميه و العيدين ...
یعنی البنت تلبس زی البنات و الولد زی الاولاد و فی ای محل تقدر تفرق بین لبس الاتنین ....
یعنی ?رامه الرجل ت?من فی فرق شعره اللی علی جنب ....
یعنی الناس ?انت لما تحب تتصور یدوا ال?امیرا لواحد یصور و یقفوا عدل مبتسمین و مش مبوزین ....
یعنی الا?ل فی م?ان واحد و من طبق و واحد ...
یعنی لمه و عزوه و راحه بال و بیت فیه اب و ام و اولاد متجمعین...
سبعینیاتی و افتخر

منقول