نفى اللواء الدهشورى حرب، رئيس اتحاد الكرة السابق، الكلام الذى خرج على لسان نجم الأهلى السابق، عادل هيكل، حارس مرمى القلعة الحمراء، بأن فريقه دفع رشوة لنادى الترسانة، للحصول على بطولة كأس مصر عام 1966، وهو ما أثار استياء الجانب الرياضى.
وقال حرب، للإعلامى إبراهيم فايق، ببرنامجه "ملعب 9090"، على الراديو 9090: "والله مش عارف الكابتن عادل هيكل إيه اللى خلاه يفتح الموضوع ده فى وقت زى ده بعد 40 أو 50 سنة، ياما الأهلى فاز على الترسانة وبرده كتير فاز الأهلى على الترسانة، هيكل خانه التوفيق فى هذا الكلام".
وتابع: "وعلى فكرة الزمن بتاعنا كان شديد، حصل مرة أن فيه شبهة تفويت من لاعبى المحلة والزمالك، فتم شطب 5 لاعبين من كل نادى، زمان مكنش فيه حد بيرحم حد، وبردة أيام ما كنت رئيس اتحاد، حصل تلاعب من لاعب معين وكان محترم، لكن اتشطب".
وأضاف: "كلام هيكل ده عار تماما من الصحة، وكمان لازم يعتذر، ومش جاى بعد 50 سنة يتكلم، وفى نفس الوقت مينفعش نشتم فيه، هيكل علامة كبيرة، ومينفعش اللى بيحصل، ولازم نعمل حساب للسن".
برنامج "ملعب 9090"، يرأس تحريره الصحفى أحمد درويش، وإعداد محمد عمارة، ويذاع 4 مرات أسبوعيًا، من الأحد إلى الأربعاء فى تمام العاشرة صباحًا، ولمدة ساعة.
www.mobtada.com
موضوع: حقيقة حصول الأهلى على كأس مصر بـ«الرشوة» 
14/12/2015, 14:58