ابكي عليكي ولا ابكي علي حالي

أبكي عليكي
ولا أبكي على حالي
خرجت أهتف ليكي
رجعت واليد خالي
لا مني سكت على إلى كان
ولا غيرت من حالي
اه يا بلد أبكي عليكي
ولا أبكي على حالي
يا ترى أنا إلى مجني عليه
ولا أنا الجاني
يا أم الرجال اصحى
واهتف زي تمام
يا كل من سب البطل
إلى بدمه يفدي الوطن
كلامك و فكرك عفن
ده أنا مغيرنيش السجن
ولا ضلمه الزنزانة
تصدق عليه اني بحفنه مال
ابيعك وابيع الامانه
تصدقي كذبهم عليه والتضليل
بقى بعد ما وهبتلك دمي
تقولي عليه عميل
بتغدي أنا كنتاكي
واتعشي هابي ميل
لو كنت أنا بياع
كنت بقيت محافظ ولا يمكن وزير
ولا بقيت إعلامي وبقبض الدولار
مكنتش بقيت المواطن
أشقى زي الحمار
وآخرتها اموت
مش لاقى حتى العيش
وأصبحت انا في حبك واحد من الدرويش
يا أم الرجال اصحى
واهتف زي تمام
يا كل من سب البطل
إلى بدمه يفدي الوطن
كلامك فكرك عفن

استاذي الكبير الأديب اكرم عبد القوي تقبل تحياتي وفائق احترامي وتقديري لك

اقتباس :

اه يا بلد أبكي عليكي
ولا أبكي على حالي

حالنا من حال البلد يا أستاذ أحمد يا شاعر يا قدير

فعلا استاذ الأخطل الوسطاني احنا والبلد كيان واحد لا يمكن زعلنا عن بعض شكرا للمرور الكريم تقبل فائق الاحترام

السيده الغاليه سعوديه وافتخر شكرا لمرورك الكريم تقبلى تحياتى

دقيق جدا في اختيار ألفاظك
ماشاء الله عليك وعلي حرصك وجمال شعرك