واحد صاحبى امبارح نايم فى امان الله لقي مراته بتتصل به الصبح وهي بتصرخ :الحقني يا شريف
ف ف ف في ايه
عملت حادثه دلوقتي علي ناصيه الشارع
تعالالي حالا .. شيل ايدك يا حيوان و اتقفل الخط مش عارف الكلمه له ولا للى خبطها
قال : نزلت زى ما انا جرى بشورت شحاته ابو كف و شعرى منكوش زى ابو جهل
اخت مراتي كانت معاها اول ما شافتني من بعيد قالت للراجل اهو جالك اهوة اول واحد و الباقيين جايين في السكه ( يعني اتسلي في دة لغايه اما الباقيين ييجو) هى ناقصه تسخين يا حاجه
وصلت لقيت ناس كتير ملمومه قولت بس دة انا حتعجن و قدام مراتي كمان قمت رايح علي مراتي مديها الساعه و الموبايل لانهم احتمال يبقو ذكرى
و بقولها و انا بجهز نفسي للضرب
هو شتمك ؟؟
هو يستجرى دة انا كنت بهدلته
طب مد ايدة عليكي ؟؟؟
دة انا كنت قطعتهالو
طب بوظ عربيتك ؟؟
لا هو اللي عربيته اتبهدلت
اومال ايه شيل ايدك دى ؟ !!!!!
اصلى كنت باخد مفتاح عربيته لغايه ما انت تيجي و هو كان بيعترض
روحت لقيت الراجل يا عيني وشه احممممر بيقوللي والله ما غلطت هى اللي خبطتني و كسرت الاكصدام كمان و بهدلتني لدرجه انى عرضت عليها ادفعلها تمن الاكصدام بتاعي
قولتله روح اعملها محضر ... اسمها منال اسامه عبد التواب و انا هاجي اشهد معاك
منقول لإغجابي به