واحشنى يا بط

بمناسبة شهر رمضان الكريم أعاده الله علينا وعلى أمة الاسلام بالخير واليمن والبركات استعد البيت المصرى بالياميش والبط والوز والذى منه وقد دار نقاش حاد بينى وبين الست حرمنا على أفطار أول يوم رمضان فقلت لها عايز أول يوم رمضان نفطر بط ومحشى ونزأطط العيال كده ونحلى بكنافة وقطايف ونروش الفطار كده عشان ده أول يوم رمضان . كنت أقول هذا الكلام وانا قاعد امام التلفزيون وعندما وجهت نظرى اليها فجأة وجدتها تنظر الى شظرا وكأنى بقول كلام مش تمام فسكت للحظة ولقيتها خد عندك بط ايه ومحشى ايه اللى هاعمله احنا لازم نستغل رمضان فى العبادة لازم نعمل زى النبي صلى الله عليه وسالم ما كان بيعمل كل واحد ياخد له 3بلحات على الفطار ثم الصلاة ثم أكل خفيف وليكن الشوربة مثلا ثم ننتظر نصلى العشاء والتراويح ثم ترجع عشان تفطر بعد التراويح وبرضه اكل خفيف . صراحة هو الموضوع مقنع بس انا عايز اكل وادبها يا جماعة انا بجوع المهم لقيت العيال معاها فى هذا الرأي يعنى انا بقى اللى حبقى فسوخة قلت انا بقى اخدها من قصيرها واروح افطر عند الحاجة أمى ربنا يخليها او عند حماتى ربنا يكرمها وأمرى لله وبعدين حسبتها قلت يا واد أفطر فى وسط عيالك هيبقى شكلك وحش وبلاش تركب دماغك وتعمل مشاكل أهى اى أكلة وخلاص فقلت للست حرمنا خلاص ياستى أعملى اللى انت عاوزاه بس أعملى حسابك بعد رمضان ان شاء الله هناكل بط وليكن فى أول يوم العيد فنظرت الى شظرا مرة اخرى فقلت لها خلاص خليها ثالث يوم العيد فردت على العيال ما بيكلوش البط وهنا أحسست اننى لابد ان اسير فى القافلة اكل ما يأكله الأولاد مضطرا ولكنى لم أستطع ان أسكت فأخذت جانبا وحدثت نفسي قائلا :