علي ودنه 5

ولا ابن الخفير --- ولا ابن الممرض ----- ولا ابن العامل ----- ولا ابن الفلاح ----- ولا ابن المحاسب ------ شايفك ياللي بتقرا عداد الميه والكهربا . أبقي قابلني لو ابنك شافها ----- وانت يا بتاع انت ياللي لامم عيال حواليك وبتعلمهم . خد ورق ابنك ووريني عرض قفاك

خش عليا بالتقيل يا معلم . . ممثلة أيام ما كانت لسه بريئة كانت ممثلة إغراء ( دي أيام البراءة بقي ) لكنها كافحت وصعدت السلم لحد ما بقي لها فيلم إباحي عيني عينك . . . بتقول هذه الممثلة . . أنا هكتب مذكراتي عشان تبقي قدوة للأجيال القادمة ! ! :-O:-O الله يخرب بيتك . دا انت كنت سبب فشل 3 أجيال ورا بعض

لزملكاوية مش واخدين بالهم . . إن الأهلي في أسوأ حالاته زي الزمالك وهو في أحسن حلاته . . . الأهلي لما خرج من دوري الأبطال ( نزل ) لكونفدرالية الزمالك . . . مكنش العشم تنزل للمستوي ده يا أهلي

ناس كتير بتتمني انها كانت عايشه أيام النبي صلي الله عليه وسلم . . . أتلهوا علي عينكم وقوموا صلوا الفرض اللي عليكم الأول

زمان كان فيه برنامج اسمه ( لغتنا الجميلة )
دلوقت ممكن تلاقي برنامج اسمه ( لغتنا الفشيخة )

رمضان جاي . . والكهربا هتقطع . . والناس طبعا هتشتم الكهربا . . والشتيمة بتفطر . . يبقي كده الكهربا هتدفعنا تمن الإفطار المجاني علي الفاتورة . . . . . . معادلة كهربائية من وحي الفواتير