خدوش

الحلم أصبح للأسف

وبدون جدال أيل

خلاص للسقوط

والأفاعي إسطوطنت

كل البيوت

حتى القلوب سلمت

من غير مقاومة للتابوت

والخريف سيطر ودام

والربيع ماجاش بقالة

ألف عام .......

والوضع أصبح مش تمام

******

كل حاجة بتتسرق

والشعر رافض ينكتب

فوق الورق

وأنا ممعيش الإ القصايد

فاعذرونى لو في

يوم نبضي أتحرق

جسمي الضعيف عمال

يقاوم في الطوفان

عمال يقاوم في الغرق

******

كل النجوم بتبص لي

فاكرة بانى قال ولي

ماسك بإيدي سيف (علي)

وباخوض غمار الملحمة

ياكل نجمة في السما

أوعي تقولي الكلام دة إنما

إبقي تعالي وأسألي

أيوه صحيح......

البعض هيقول لك أكيد

فارس شديد

بيغنى ..فالليل ينجلي

لكن ....... وفي نفس المقام

هتلاقي من ضمن الكلام

أنسان ضعيف .....

حلمه كفيف

بتوة ملامحه في الزحام