مبروك الوظيفة

أستاذ مصطفى حضرتك فشلت تقريبا في الانترفيو ده.. بس فاضل سؤال واحد لازم اسألهولك علشان احنا بتوع الاتش ار لازم نسأله كنوع من شحن خيال المتقدم للوظيفة حتى لو قررنا اننا نرفضه ونزحلقه زي ما هعمل معاك حالا
- اتفضل
- وياترى شايف نفسك فين بعد خمس سنين؟
- شايف نفسي فوق سطح عمارة عشرين دور وماسك بندقية قناصة من ام تلسكوب وببص على دايرة النشان وهي بتحدد الهدف في وسط راسك وانا بفتكر الانترفيو السخيف ده وبفتكر دورك في تضييع مستقبلي قبل ما اضغط الزناد واشوف مخك بيتفرتك على الأسفلت وانت بتقع وتموت.....
- ست آلاف جنيه في الشهر كويس؟
- والناس بتتجمع حوالين جثتك ومستغربين الرصاصة جت منين
- سبعة؟
- ويبقى فيه واحدة ست عجوزة واقفة تمصمص في شفايفها وتقول ده كان ماشي عادي وبعدين دماغه طرشقت فجأة
- تمانية؟
- Deal
- مبروك يا استاذ مصطفى
- الله يبارك في حضرتك