غسيل المواعين بيحسن الحالة النفسية

غسيل المواعين بيحسن الحالة النفسية
وبيشيل التوتر والقلق وبيهدي الأعصاب جدا وبيريح النفس ..ده مش كلامي دي دراسة أمريكية عملوها علي السيد...ات اللي بتهمل في الواجبات اليومية المهمة في بيتها وجدوا إنهم أكثر عرضة للإكتئاب والحالات النفسية والضغوط العصبية والقلق والتوتر..
في خطوات مهمة لغسيل المواعين هتسهلها عليكي جدا..أولا تخلصي من أي بواقي أكل في الأطباق والحلل لو حاجة محتاجة تلين تلينها بشوية ميا سخنة وتخليها آخر حاجة تكون لانت تماما ..
تحطي الأطباق كلها والمعالق والكوبايات في الحوض وتخلي الحلل والطاسات آخر حاجة.الأول هتشطفيهم بالميا السخنة ضروري هتدوب كل الدهون ببساطة وبالسفنجة ترغي من المنظف وتوزعي عليهم وتبتدي بالكوبايات والمعالق وبعدين الأطباق هتلاقيهم نضفوا معاكي بأقل مجهود وبسرعة لاتتخيليها..ضروري تصفيهم كويس بعد ماتشطفيهم
الألمونيوم والاستانلس ..أهم حاجة معاهم الميا السخنة وحطي نقطتين بس من المنظف المركز علي السلكة او السفنجة هتكون أقوي وأسرع في التنظيف وتركيزة علي الدهون أحسن من المخفف هتلاقيها بتلمع وبتبرق بأقل مجهود ..لو عندك مواعين محروقة وهتتعبي فيها حطيها علي النار وفيها ميا وشوية خل ومنظف واعصري في الميا ليمونة وحطيها بقشرها وبعد ماتغلي ترفعيها من علي النار وتحطي معلقة بيكربونات وتسيبيها شوية هتلاقي الحروق طلعت بسرعة ومش هتتعبك ابدا ..ولو الحروق من برة جامدة اعملي خلطة مركزة من كوباية خل ومعلقتين بيكربونات الصودا وعليهم كوباية مية مغلية وخدي منها بسفنجة خشنة وحطيها علي الحاجة من برة وسيبيها شوية بعدين اغسليها هتلاقيها بتلمع ونضفت بسرعة ..أو تحطي علي الليفة شوية بيكربونات عليهم نقطتين ميا بس وتحطيهم من بره زي المعجون الخفيف وسيبيهم شوية وبعدين اغسليها هتديكي نتيجة مبهرة..الخطوات دي وهتخليكي تخلصي المواعين بسهولة وكفاءة وسرعة وتوفير وانتي مرتاحة.

منقول