الله يحرقكم بجاز

بسم الله الرحمن الرحيم

أخوتي الأفضل


السلام عليكم ورحمة الله وبركاته



( الله يحرقكم بجاز وسخ ) هذه عبارة كانت تنتشر في ريف مصر منذ زمن بعيد وتقال لمن يأتي بحماقة شديدة ومن طريف هذه العبارة والذي كان يضحكني هو ( استخسار الجاز النظيف )
وقد تذكرت هذه العبارة وقالتها نفسي وأنا أتعرض لهذه البلوي

كن معي هنا

ليس بغريب ولا ببعيد تتالي المؤامرات علي المقدسات الإسلامية . فمنذ أن تم الإعلان الرسمي

عن دين يسمي الإسلام ولم يغمض للكفرة وما ولاهم جفن . فقد يأسوا من أن يعبد المسلمون غير الله فاتجهوا لمقدساته . علهم ينالوا منها

حاكوا المؤامرات لقبر النبي صلي الله عليه وسلم . للحجر السود . لزمزم


آخر هذه المؤامرات تأتي إلينا في ثوب علمي ساذج . ولكن للأسف .

الكثير من عبطاء هذه الأمة .وممن له نصيب وافر بالجهالة ينطلي عليهم هذا الخيابة

وقد حدث معي الموقف التالي

= لو سمحت . أنا مندوب شركة اسفخص العالمية

- أهلا وسهلا . تحت أمرك

= فيه نظام عالمي جديد بتعمله الشركة لتسويق المنتجات

- ما هو

= لو سعادتك اشتريت منتجات من الشركة بـ 4000 جنيه بتصبح فورا شريك رسمي فيها

- يا سلاااام . شريك رسمي مرة واحدة ز تقصد يبقي لي مثلا سهم ولا اتنين مثلا

= لا يا فندم شريك رسمي بمعني الكلمة

- ومنتجات الشركة إيه إن شاء الله

وذكر لي ثلاث منتجات ليس لها علاقة ببعض

= شوف يا فندم . منتجات الشركة عبارة عن تحف ومعرفش إيه . وأقراص

- أقراص إيه بقي

= أقراص زمزم

- نعم يا أخويا . أقراص إيه

= أقراص زمزم يا فندم

- يعني إيه

= شوف سيادتك . الشركة عملت اتنين وسبعين بحث علي ماء زمزم واكتشفوا إن اللي

بيميز ماء زمزم علي باقي مياه الأرض إنه بيحتوي علي 13 مادة فريدة

- كويس وبعدين

= قامت الشركة استخلصت المواد دي وحطتها في القرص . وأضافت مواد تانية كمان

- والنبي إيه . يا راجل . .. يعني الشركة كتر ألف خيرها زمزمت لنا أقراص

= فعلا

- رضي الله عن وعنها

= هي مين دي يا فندم

- الشركة . الشركة يا حبيبي . ربنا يخليك ليها . ويخليها ليك ولا يحرمكم من بعض أبدا

= شكرا . ألف شكر

- لأ وإيه . فوق كده كمان أضافت مواد تانية علي مواد زمزم . يعني باختصار كده الأقراص دي أحسن من زمزم . علي أساس إنها بتحوي نفس المواد وزياده . مش كده برضه

= ( فهم تهكمي ) مش بالضبط يا افندم . ماء زمزم علي العين والراس

- والشركة النهاردة عملت لي أقراص لزمزم . وبكرة تعمل لي كبسولات للحجر الأسود . وبعده تعملي أمبولات للطواف . وهكذا

= إزاي يا فدم .

- ماهو يابني الحجر الأسود فيه إشعاعات كونية نادرة وممكن شركتك الأمورة

تقول لي إنكم حطيتم الإشعاعات دي في كبسولة . وزيادة عليها ثلاث إشعاعات مجانا

= مش بالضبط يا فندم

- أمال إيه هو الضبط . طيب شركتك رضي الله عنها قالت الأقراص دي

ناخدها كام مرة في اليوم. وقبل الأكل ولا بعد الأكل

= لا يا فندم . دي بتتحط تحت المخدة أو تتعلق في الرقبة

- ههههههههههههههههههاي

= بتضحك علي إيه سيادتك

- أصل دي نفس فكرة وطريقة الحجاب بتاع السحرة . ماهو برضه الحجاب

بيقولوا يتحط تحت المخدة أو يتعلق في الرقبة ههههههههه

= أنا مش فاهم ليه سيادتك بتسخر مني


- لا يا حبيبي . لا بسخر ولا حاجة بس شوف يا حبيبي .... يا ضنايا . مميزات ماء زمزم

مش في الـ 13 مادة اللي اكتشفوها . لكن فيما اختصه الله لهذا الماء من أسرار .

= !!!!!!!!!!!!!!!!!!!!!!!!!!!

- أفهمك أكتر . كرامة وأسرار ماء زمزم مش كلها ممكن تخضع للتحاليل . يعني فيه أسرار لماء زمزم المختبرات والمعامل مش ممكن توصل ليها . لأنها أسرار ربانية

= بس يا فندم إنا في عصر التكنولوجيا والعلم والأبحاث وال ... وال .........

- أشرت له علي جنازة تمشي من بعيد وقلت له . أتعرف لماذا مات هذا الرجل

= لا للأسف

- لقد حاول بالأمس أن يقنعني بشراء سلعة لا أرغبها

= لملم أوراقه ثم مضي




أخوتي


هذه حادثة حقيقة وقعت لي هذا الأسبوع ولكن صغتها بقلمي فرجاء الإنتباه

نقلها في كل المنتديات لتنبيه الغافلين
__________________

اخي الفاضل

أكرم بك عبد القوي


عودا أحمدا لشخصك الكريم انارت القلوب قبل الابصار

وسعادتي اليوم اكتملت بفوز الاهلي وعوده صاحب الروائع

والقلم الساخر الخارج تماما عن اي منافسه

قلم افتقدت وميض سحره كثيرا وسعدت بعودته اكثر واكثر


اخي الحبيب

النصب والاحتيال هما أسهل مصادر الرزق الحرام الان

والتفنن والحيل لا اخراج ما في جيوب الشعب أصبحت اكثر

ولما لا وقد فسدت الذمم وماتت الفضائل

وأصبح الشرفاء قله والنصابين كثره

ولكن طالما ان هناك من في مثل عقلك الفطن ينبهون الناس لتلك المخاطر فالامل كبيرا وان تحبط

تلك اعمال النصب والخداع وخراب النفوس

وان كان هناك بعض المشروعات التي تستحق التشجيع بالفعل مثل المشروع التالي وارجو معاونتك انت واخي يسري لي في هذا الامر الحيوي والهام


فلقد رأيت الكثير من الشباب يعاني من مشكله ايجاد شقه للزواج

وعليه وبوساطه من مسؤل كبير جدا قمت بشراء 500 فدان في القمر ومثلها في المريخ والمشتري

بغرض بناء وحدات سكنيه رخيصه جدا سيتراوح سعر الوحده منها فقط 5000 الاف جنيه مصري

فعلي من يرغب بالحجز او الاستعلام الاتصال بالاستاذ/ يسري محمد

حيث انه المدير التنفيذي والشريك الاكبر في المشروع




أخي الكريم


موضوع ولا اروع

ورؤيه ساخره جميله للغايه استمتعت بها كثيرا


بارك الله فيك ولا حرمنا الله ابدا من التواجد الطيب لشخصك الكريم

خالص الشكر وكل التقدير

والله بجد موضوع ممتاز وفوق العاده بمراحل ومشكور جدا جدا عليه0

لاكن والله الجاز الوسخ مش لاقينه الان 0

ممكن تطلع شركه وتوفر علينا الحاج وتعمل لينا كرسى زى البلاى ستيشن

وتدخل بالجهاز على الحج وكده تكون حجه مبروره انشالله0
د
ياستاذنا الفاضل ايه اللى عمل فينا كده هو ده السؤال؟

قلة ايمان - قلة علماء - عدم احترام للدين والقيم - الفلس والنصب -

الدول اعطت تصريح للنصب المرخص العلنى على القنوات الفضائيه والعامه

ادخل المسابقه وشارك - اشترى تقوية الرجال - اسمع الغنوه وحملها -

فسر حلمك - اسمع فتوتك الدينيه - عريس المستقبل - السلعه الفلانيه -

مجاتش من زمزم - يمكن نلاقى زمزم نفسها ليها مواسير واصله للبيوت

استاذنا انتشر الفساد بالبر والبحر بما كسبت ايدينا 0
ربنا يسترها على الامه 0 مع ان شايف ان الامه اصبحت غمه0

با رك اللة فيك وفى قلمك وبا لتوفيق ونننتظر المزبد من ابد ا عك

محمود بك خيري

خالص تشكراتي واحترماتي