الضرب على القفا شفا

الضرب على القفا شفا



زمان كان فيه نكته بتقول ان مبارك حب يعرف ان الشعب ممكن يثور عليه و لا لأ .. نصحه العادلى حط امين شرطة على كوبرى قصر النيل و اللى عاوز يعدي ياخد قفا على قفاه .. نفذ النصيحة و الناس رضيت ... قال يمكن القفا مش مشكلة قال نخلى تذكرة المرور ان المواطن ياخد قفا و يدفع عشرة جنيه برده محدش اعترض قالوا طب حنخلى التذكرة قفا و شلوت و 10 جنيه وراح مبارك بنفسه يشوف اللى بيحصل لاقى الناس بتاخد على قفاها و بتنضرب بالشلوت و بتدفع الـ 10 جنيه و مفيش اى مشكلة فجأة واحد صرخ وقال : ده حرام .. ده ظلم .. ازاى الناس ساكته على كده .. راح مبارك و ساله انت بتزعق ليه يا راجل انت ؟
قاله يا باشا موقفين امين شرطة واحد بس يضربنا بالقفا و بالشلوت و ياخد الـ 10 جنيه كده احنا مش حنروح فى يومنا قولهم يخلوهم اتنين أو تلاتة امناء شرطة عشان الطابور يخلص بسرعة .