من سينبح علي المليون

المذيع ... من هي كوكب الشرق


1 – أبو تريكة 2 - سور الصين 3 - أم كلثوم


المتسابق يفكر بعمق وهو يهرش في رأسه ثم يقول .... أمال فين الإجابات اللي هاختار واحدة منها


المذيع بدهشة وعدم تصديق ..... يا أخي الإجابة قدامك أهي واختار واحدة منها


المتسابق بصرامة ... سعادتك الإجابات اللي قدامي كلها غلط .. واللي أنا أعرفه إن كوكب الشرق هي كوندليزا رايس


المذيع مصعوقا ... كوندليزا رايس مين يا أستاذ هو ده وقت تهريج . ولا دي ناس يتهرج معاها


المتسابق ... ما هي دي الست اللي رايحة جاية علينا والكل عمال يوطي يبس اديها في الطالعة والنازلة .. ياباشا دي ما بتقعدش في بيتهم قد ما بتقعد عندنا يا عرب ... دي ما حدش يعرفها في الغرب زي ما هي معروفة في الشرق ... يبقي كوكب الشرق ولا لأ


المذيع ..عموما حيثياتك وجيهة برضة . بس ام كلثوم هي ... عموما نعتبر اجابتك صح ويبقي كوكب الشرق هي أم كوندليزا رايس عشان محدش يزعل






أقول للناقل ملحوظة ... حقوق النشر محفوظة