بَقِت الكوسة الخيار
*****
قالوا عليها خضار
وانا قلت لأ ده شعار
فرضه علينا الكبار
ومعدش لينا خيار
قالوا كمان ده خضار
أنا قلت والله ده عار
حطوا الشعب ف حصار
ما بقاش لاقي الخضار
والموجود سعره طار
بقت الكوسة الخيار
عايزين منك حمار
أو صورة فوق الجدار
أو يلعبوا بيك قمار
وياكلوا همَّ الثمار
شَحتوا باسم الحمار
نسيوا ان فيه حساب ونار
وإن آخرتهم دمار
والعدل هوَّ الخيار
والدم ييجي بعده تار
والصبر آخره انتصار
والليل ده بعده نهار
والكوسة ترجع خضار
ونلغي أم الشعار
محمد رمضان
2013/12/04
موضوع: بقت الكوسة الخيار 
6/12/2013, 13:51
