ليه البعاد

ليه يا بلادى كل ما انا اقرب
تبعدى انتى
وتخلي ما بينا مسافات
انا اقرب تبعدى انتى
كانى مش موجود معاكى
وخلاص بقيت ال مات

كل ما امدلك ايدى واساعدك
علشان تقومى من تانى
تبعدى انتى وتقولى علشانك
وعلشانى

علشان ايه
خايفه عليه اموت
وال خايفه ع نفسك
معدش لينا صوت
والجانى لساه دايسك
بقيتى تاخدى قرارك من نفسك
ومعتيش ترجعيلى
ومعتيش تقولى هات وخد
وبطلتى كمان تدعيلى

بقيت بدون عقل
وراح منه التفكير
ومعتش ليه صوره وشكل
بقولك يا بلادى متشكرين
انا ال قبلت التحدى
وانتى صنعتى منى راجل
ومن تحت يدى محدش حيعدى
بسهوله كده او بالساهل

ليه رافضه تسمعينى
وحاطه ايدك جوه ودانك
ومعدش بينا كلام
كانه مقطوع لسانك
انا عارف انى ظلمتك معايه
لكن متعملنيش بكده
كل واحد بيغلط
لكن مبيتعملش بالشكل ده

حطينا حلمنا جوه كفن
وقولنا خلاص مات
كانه مفيش اى امل
ما بينا من تانى يبات
معدش فيه كلام
وخلاص مات الراجل
ظلمانه يا بلادى الايام
وذايعه اخبارنا بشكل عاجل
انا نفسى يا بلادى اننا نرجع
ونشيل من جوانا الالم
لكن شكله ده مش حيرجع
وحيسقط من التانى العلم
والعين حتفضل تدمع
وحنفضل نقول ظلمنا الزمن
الشاعر
محمد على

يا سلام عليك
أحسن من السياسة وصداعها
موهوب يا محمد جدا

شكرا لك اخى كابتن حماده
وسياسه ايه يا راجل انت
عايز تودينا ف حديد وال ايه
بنتعلم لسه استاذى تحياتى لك
_________________
رحماك ربى رحمـــاك
ستشهد ارضك وسماك
ساهجر وطنى الى الابد
ساهجره لرضــــــــاك
ساهجره لرضــــــــاك

شاعر حلو اشعاتره وتستحق التقييم

مازلت يا محمد بك تخفي من مخزونك الفكري الكثير

اتابعك بود واعجاب

شكرا لك اخى عاشق حركات بركات
تحياتى لك ولمرورك اخى
_________________
رحماك ربى رحمـــاك
ستشهد ارضك وسماك
ساهجر وطنى الى الابد
ساهجره لرضــــــــاك
ساهجره لرضــــــــاك

شكرا لك اخى اكرم عبدالقوى
بنتعلم منكم استاذى فانتم من يمنحوننا
بقوه ف المتابعه والكتابه تحياتى لك استاذى
_________________
رحماك ربى رحمـــاك
ستشهد ارضك وسماك
ساهجر وطنى الى الابد
ساهجره لرضــــــــاك
ساهجره لرضــــــــاك

سلمت يالغالى على روعه طرحك

نترقب المزيد من جديدك الرائع

دمت ودام لنا روعه قلمك

جميل يا شاعرنا

بنتعلم منكم اخت عبير
شكرا لك ع مرورك سيدتى
تحياتى لكى
_________________
رحماك ربى رحمـــاك
ستشهد ارضك وسماك
ساهجر وطنى الى الابد
ساهجره لرضــــــــاك
ساهجره لرضــــــــاك