معلش يعنى مبحبش كل سنة وانت طيب دى انا عاوز هدايا

السلام عليكم ورحمة الله وبركاته

عام اخر مضى من عمرى

وايام ولت وراحت

ويجىء بعد ايام قليلة (اذا عشت)عام جديد

وربنا هو اللى يعلم اذا كنت هكمله ولا لأ

والله على اد ما هى ذكرى جميلة ذكرى عيد ميلادى

ولكن كم هى ذكرى حزينة ايضا فى نفس الوقت

ايام وسنين تمر من عمرنا التى هى رؤوس اموالنا الحقيقية فى هذه الحياة دون ان ندرى

ويا ترى

كم عمل كويس صالح عملناه فى اخر 365 يوم فحياتنا

وكام سيئة ومصيبة اقترفناها بدم بارد

وحياء منعدم

ونفس تحب اللهو والكسل

ارجمنا برحمتك يا ارحم الراحمين

باذن الله يوم الاربعاء القادم 14/مايو تحل الذكرى الثالثة والعشرين(او والعشرون انا مش شاطر فالنحو بصراحة) من ميلادى

23 سنة

يا ترى اتكتبتلى فيهم كام حسنة

وكام سيئة

اسف

وكام تريليون تريليون سيئة .

بالمناسبة 14 مايو دا هو ايضا يوم ذكرى تأسيس دولة الكيان الصهيونى والذى كان فى نفس اليوم من عام 1948

يعنى يهود الارض كلهم بيحتفلوا بعيد ميلادى

حد ادى بقى

يعنى اسرائيل اكبر منى بالظبط ب 37 سنة بس

وكل سنة وهى الى زوال ان شاء الله

نرجع لاول نقطة

انا مش عاوز كل سنة وهى طيب

انا عاوزحاجة عملى

هدايا يعنى

ومش عاوز حد يتحجج ويقوللى معرفش عنوان البيت

مستنيكم

أخي الأصغر المهندس وأصغر لأني باشمهندس قد الدنياهههههههه


أولا استغفروا ربكم إنه كان غفارا

ثانيا إن شاء الله هبارك ليك بنفسي بعد مائة سنة ( يارب أعيش لليوم ده )


ثالثا أنت باين عليك داخل علي ( طمع )

ثانية واحدة أروح اقتبس ليك أي هدية وراجعة علي طول

الأستاذ رأفت أعطاني في يوم ميلادي ساندوتش لحمة بس عيب اللحمة إنها كانت متاكلة قبل كده


كل عام وأنت نجم نجومنا وعلم من أعلامنا

ومهندس لنا وعلينا

كل سنة وانت طيب