الأديبة الخلوق قطر الندي علي كرسي الأعلامي

وبعدين بقي في الباشمهندسة دي
أنا وراك ومش هاسيبك إلا لما تزهقي
جاوبي علي اللي فات انا مخبيلك أسئلة تانية

حماده قرني صلاح كتب:

وبعدين بقي في الباشمهندسة دي
أنا وراك ومش هاسيبك إلا لما تزهقي
جاوبي علي اللي فات انا مخبيلك أسئلة تانية

اهلا وسهلا يا باشمهندس حماده
اسئله تانى طيب أجاوب بس على الاولى
ربنا يعنى على الزراعيين اهرب منهم فين
ربنا يسهل دعواتك الطيبه
تقبل تحيتى وتقديرى

محمود خيري كتب:

1-
اهلا ومرحبا باشمهندس محمود خيرى
اسعدنى تواجدك المنير تحيتى لك والاسره الكريمه
1-ماذا تعنى لكى الصداقة
إخوه لم تلدهم أمى..فى أحزانى حملواهمى
وفى المغيب سألوا عنى..كلماتهم من كان بعالم العقلاء يربطنى
وأياديهم من الضياع إنتشلتنى..فسلام لهم فى أماكن عنهم تبعدنى
ولنلتقى فى ذكرى عطره بهم تجمعنى
2-ايه اكتر موقف زعلك فى حياتك ؟
يوم فقدت والدى واخى رحمه الله عليهماواسكنهم فسيح جناته وموتى المسلمين
3- مين اكتر حد مزعلك ؟
ابن اخويا اللى بتخانق معايا على الكمبوتر حاليا
4-ايه هى الهوايه المفضله عندك؟
القرأه-
5-ايه اكتر اغنيه بتأثر فيك ؟
دار يادار وديع الصافى
6-ايه اكتر موقف محرج عده فى حياتك؟
لا اتذكره موقف محدد ولكن مع الزمن اتعلمت اخرج منهاباقل حرج
7-ايه اكتر يوم كنت سعيدة فيه ؟
يوم مولد ابناء أخى
8-ايه اكتر حاجه تخليك تبكى؟
ذكرياتى مع أخى رحمه الله عليه
9-ايه اكتر حاجه تجرحك؟
لما إنسان يخون ثقتى فيه
10- هل بالنسبه ليكى يوجد فى الحب كرامه ام لا؟
الكرامه مطلوبه فى كل شئ تزينه بكبرياء لا تهدمه بغباء
11-لو خيروك بن حبيبك وصديقك مين تختارى؟
لامجال للمفاضله بينهم
12-ايه اكتر موقف حسيت فيه انك ضعيفة اوى ؟
يوم وفاه والدى رحمه الله عليه
13-ايه الموقف اللى كرهت فى الناس؟
لا اعرف الكره والحمد لله
14-تقولى لمين سامحنى؟
كل انسان اغضبته دون قصد منى ]
-تقولى لمين وحشتنى اوى؟
أخى رحمه الله عليه بكل لحظه أفتقده بشده

عذراااا ليس هذاا كل ما عندى ولكن لى رجوع
اسعدتنى بحوارك الذى اثار شجنى
تقبل فائق إحترامى وتقديرى[/color]

حماده قرني صلاح كتب:

ue]اهلا اهلا باشمهندس حماده منور اسعدنى تواجد
]تعاليلي بقي
اتفضل على الرحب
انا صبرت عليك كتير
والحمد لله صبرك على خير اخيرا وصلت مع فرق التوقيت

قلت يا واد يا حماده بيه أنتم زراعه زي بعض صحيح أنا قسم هندسة وهي قسم لطع
هههههههههههههههههههههههههههههاي
لطع واضح انك واخد زراعه من هندسه قسم مقاومه

خلاص يا باشمهندسة أبطل هزار وادخل في التهريج

س أحسن مادة درستيها ايه في الزراعة وكنت مستمتعه بيها
اقتصاد ومحاصيل زراعيه
س المادة اللي كانت مسببة ليك عقدة ايه
حشرات وامراض
س تفولي ايه للأسماء الي جاية دي
تيتا صفاء الروح
ابعت لها تحيتى واقولها عندك غرامه غياب
طنط الوردة البيضا
متابعه كل كتابتها وعندها غياب وغرامه تفتكر يكونوا متفقين يغيبوامع بعض
خلي بالكو يا جماعة حمادة بس اللي يهذر ويقول الكلام ده واللي هيقولوا غيري ممكن ياخد علي بوزو
ههههههههههههههههاي
وتقولي ايه لعمو حولان
اقوله الطب اتقد م انقذ ابنك من الحول العالم ميتحملش اتنين
وبتعجبنى كل كتاباته واسقاطاته الباسمه

س سر تذعيه هنا لأول مرة ايه هو يعني حاجة حصري للمنتدي
ان شاء الله هتثبت فى شغلى قريبا جدا ادعوا ليه الوزير يثبت مكانه لما يمضى الورق
س لعبت رياضة وايه هي
لم امارس رياضه كنت بشترك فى الهلال الاحمر
س بتشجعي رياضة
الاهلى وراء رغبه اهلى
س كان نفسك تلعبي ايه
تنس الطاوله
س بتحبي المجوهرات ولا الاكسسورات اكتر
المجوهرات سعرها يجيب حساسيه ولا احب القيود
س ايه رأيك في العروسة اللي بترقص في فرحها
دى حريه شخصيه ثقافيه وانا لا افضل الرقص
س انت شكلك كده فلول كان ليك نشاط سياسي قبل الثورة
يا عزيزى كلنا فلول قديما وحديثا كلنا ثوار فى الشارع ومصر تغرق ولا منقذلها
اضاعونا فى الماضى واضعنا الحاضر انتقاما منهم وسنضيع المستقبل حسره على مصرناالذبيحه بأيدى اولادهاالمنتقمين من انفسهم فأسلموها للعدو على طبق من ذهب وعرفت ليه الذهب غالى ليليق بقدر مصر
س ايه رأيك في البنت اللي بتلبس بنطلونات
البنات مظلمين مع اهل لم يعلموهم ما هو الدين واحكامهفى اللبس و السلوك


خلي بالك أنا عمال أغتت عليك علي أقد ما أقدر أصل العين بتكره اللي أحسن منها وأخوك حماده كان أفشل طالب في الكلية وأكيد أنت كنت دحيحة مذاكرة ياتري تقديراتك كانت ايه

تقديرى جيد مرتفع مش احسن منك ولا حاجه كلنا متساوين على كرسى البطاله الا من رحم ربى
انا مخزون العتاتة بتاعي خلص ومش هاين عليا أسيبك من غير ما أفتت عليك تاني
س شاعرة في المنتدي متمكنة
ايمان الحسن وعبير الزهور
س شاعر في المنتدي تقولي له انت استاذ
الاستاذ ابو العلاء حرز والاستاذ ابن سينا
كاتب تقولي له انت ملكش حل
اديبنا الساخر اكرم عبد القوى

كفاية كده أحسن النت يثطع ومعرفش ارفع الرد ولا اكتب الكلام دا كله تاني
اسعدنى حوارك كابتن حماده وعذرا لتاخير الرد
تقبل اخى فائق احترامى وتقديرى



[/u]

فراشة بالجنة كتب:

أهلا وسهلا بحضرتك ويارب أكون ضيفه خفيفة عليك
أهلا ومرحبا بكى فراشتنا الجميله

ســـــ
ذوق حضرتك في الألوان ايه
الموف والاسود والازرق
ســـــ
نوع لحوم حضرتك بتحبيه
البط والحمام
ســــ
ايه أجمل هدية جت لحضرتك ومن مين
سلسله دهب من بابا رحمه الله عليه
ســـ
عيب المنتدي هنا ايه
غياب الاعضاء دون سبب يطمنا عليهم
ســــ
ميزة نادرة هنا في المنتدي
الاحترام المتبادل بين الاعضاء دليل الاخلاق العاليه
ســــ
عصير بتحبيه جدا
الجوافه
ســــ
سؤال ضايقك هنا ايه هو
كل الاسئله خفيفه وجميله مثلك

متشكره جدا لحضرتك
انا اللى اشكرك حبيبتى
تقبلى منى أجمل الامنيات بالنجاح والتوفيق الدائم

مرحبا بمن زينت الكرسي بجلوسها



متي برأيك يستقر الشارع المصري
هناك تخوفات مشروعة بانفلات في 30 الشهر الجاري ما رأيك
متي تعود مصر لنا كعرب
اللهم احفظ مصر وأهلها

قطر الندى قطر الندى
ما اسعدني حظا اني لحقت ادخل قبل ما يقفلو
منورة حبيبتي الكرسي

انا بقى عاوزة اسأل سؤال بس ياريت تجاوبي زي ما نتي حاساه بالظبط

*انتي شايفة صورة مصر ازاي في الايام اللي جاية بمنتهى الامانة ؟
*ياترى انتي حاسة بتطور ايجابي في البلد ؟
*ايه تعليقك على اخر اجتماع بين مرسي وكوادر البلد السياسية في اطار ما يدعى بالحوار الوطني؟
*ايه احلى كلة بتحبي تعمليها
بس كفاية زهقتك يا جميل

عريس لقطه كتب:

السلام عليكم ورحمة الله وبركاته
وعليكم السلام ورحمه الله وبركاته

قرداتي المنتدي معاكي علي الخط

وات عارفه لو القرد مات القرداتي هايعمل ايه علي رأي أكبر رأس في البلد
اهلا وسهلا بك اخى عريس لقطه اسعد الله حظك بعروسه زى القمر
وساعتها نضحى بالقرد مش محتاجه عزول

ندخل في الجد
ايه رأيك في الصورة الرمزية بتاعتي
شاعرية صح
انت العريس والقرد مشهور والصوره هى اللقطه طبعا
بتسمعي اذاعة دلوقت
طبعا افضل من التلفزيون
احسن اذاعه بتفضليها
الشرق الاوسط والقران الكريم
برنامج اذاعي كنت بتنتظريه
اغرب القضايا
فاكرة = الدنيا هي الشبة وانت الجدع ولو بصيت لرجليك تقع
ايناس جوهر من علامات الاذاعه المصريه وصوتها الذهبى
صوت أبلة فضيلة يمثل ليك ايه
طفولتى واغنيتها من التراث
كلمتين ونص
كلمتين وبس فؤاد المهندس المبدع من تتميز به الفتره الا ذاعيه الصباحيه
الراديو دلوقت زي زمان
لا زمان افضل كتير بتميز الاصوات والثقافه الغزيره للاذاعيين الان لا تستطيع التميز بينهم اللا بالاسم
فيه حد عندكم بيتابع الراديو
كلنا
لما بتقعدي مع نفسك علي السطح بتشغلي ايه محمول ولا راديو
اقعد مع نفسى فى حاله تأمل ليس معى غير الله أحادثه واناجيه
بالنسبة للتلفزيون
بتتفرجي علي قناة ايه
كل القنوات فى صوره عابره لمتابعه الاخبار فقط
وبرنامج ايه
كل البرامج الحواريه التى دائما ما تبدأ وتنتهى بالجدل العقيم
بتحبي كارتون الأطفال
القط والفار
فاكرة ماما نجوي
طبعا من انجح مقدمى برامج الاطفال ولم يخلفها احد فى مستواها

أتركك في رعاية الله وأمنه
اسعدنى حوارك وتمنياتى لك بحياه سعيده
تقبل احترامى وتقديرى